॥ Pashupatya Ashtakam Telugu Lyrics ॥
॥ పశుపత్యాష్టకం ॥
ధ్యానమ్ ।
ధ్యాయేన్నిత్యం మహేశం రజతగిరినిభం చారుచన్ద్రావతంసం
రత్నాకల్పోజ్జ్వలాఙ్గం పరశుమృగవరాభీతిహస్తం ప్రసన్నమ్ ।
పద్మాసీనం సమన్తాత్స్తుతమమరగణైర్వ్యాఘ్రకృత్తిం వసానం
విశ్వాద్యం విశ్వబీజం నిఖిలభయహరం పఞ్చవక్త్రం త్రినేత్రమ్ ॥
స్తోత్రమ్ ।
పశుపతీన్దుపతిం ధరణీపతిం భుజగలోకపతిం చ సతీ పతిమ్ ॥
గణత భక్తజనార్తి హరం పరం భజత రే మనుజా గిరిజాపతిమ్ ॥ ౧ ॥
న జనకో జననీ న చ సోదరో న తనయో న చ భూరిబలం కులమ్ ॥
అవతి కోఽపి న కాలవశం గతం భజత రే మనుజా గిరిజాపతిమ్ ॥ ౨ ॥
మురజడిణ్డివాద్యవిలక్షణం మధురపఞ్చమనాదవిశారదమ్ ॥
ప్రథమభూత గణైరపి సేవితం భజత రే మనుజా గిరిజాపతిమ్ ॥ ౩ ॥
శరణదం సుఖదం శరణాన్వితం శివ శివేతి శివేతి నతం నృణామ్ ॥
అభయదం కరుణా వరుణాలయం భజత రే మనుజా గిరిజాపతిమ్ ॥ ౪ ॥
నరశిరోరచితం మణికుణ్డలం భుజగహారముదం వృషభధ్వజమ్ ॥
చితిరజోధవలీ కృత విగ్రహం భజత రే మనుజా గిరిజాపతిమ్ ॥ ౫ ॥
ముఖవినాశఙ్కరం శశిశేఖరం సతతమఘ్వరం భాజి ఫలప్రదమ్ ॥
ప్రలయదగ్ధసురాసురమానవం భజత రే మనుజా గిరిజాపతిమ్ ॥ ౬ ॥
మదమ పాస్య చిరం హృది సంస్థితం మరణ జన్మ జరా భయ పీడితమ్ ॥
జగదుదీక్ష్య సమీపభయాకులం భజత రే మనుజా గిరిజాపతిమ్ ॥ ౭ ॥
హరివిరిఞ్చిసురాధింప పూజితం యమజనేశధనేశనమస్కృతమ్ ॥
త్రినయనం భువన త్రితయాధిపం భజత రే మనుజా గిరిజాపతిమ్ ॥ ౮ ॥
పశుపతేరిదమష్టకమద్భుతం విరిచిత పృథివీ పతి సూరిణా ॥
పఠతి సంశృనుతే మనుజః సదా శివపురిం వసతే లభతే ముదమ్ ॥ ౯ ॥
– Chant Stotra in Other Languages –
Lord Shiva Slokam » Pashupatya Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil