॥ Periginaadu Choodaro Telugu Lyrics॥
పెరిగినాడు చూడరో పెద్ద హనుమంతుడు ।
పరగి నానా విద్యల బలవంతుడు ॥
రక్కసుల పాలికి రణరంగ శూరుడు
వెక్కసపు ఏకాంగ వీరుడు ।
దిక్కులకు సంజీవి తెచ్చిన ధీరుడు
అక్కజమైనట్టి ఆకారుడు ॥
లలిమీరిన యట్టి లావుల భీముడు
బలు కపికుల సార్వభౌముడు ।
నెలకొన్న లంకా నిర్థూమధాముడు
తలపున శ్రీరాము నాత్మారాముడు ॥
దేవకార్యముల దిక్కువరేణ్యుడు
భావింపగల తపః ఫల పుణ్యుడు ।
శ్రీవేంకటేశ్వర సేవాగ్రగణ్యుడు
సావధానుడు సర్వశరణ్యుడు ॥
– Chant Stotra in Other Languages –
Annamacharya Keerthanalu » Periginaadu Choodaro Lyrics in Sanskrit » English » Bengali » Kannada » Malayalam » Tamil