భద్రాచల రామదాసు కీర్తనలు
॥ Rama Daivashikhamani Lyrics ॥
తోడి – ఆట
పల్లవి:
రామా దైవశిఖామణి సురరాజ మనోజ్జ్వల భూమణి రా ॥
అను పల్లవి:
తామరసాక్ష సుధీమణీ భవ్యతారక భక్త చింతామణి రా ॥
చరణము(లు):
నాడే మిమ్ము వేడుకొంటిగా శరణాగత బిరుదని వింటిగా
వేడుక మిము బొడగంటిగా నన్ను దిగనాడ వద్దంటిగా రా ॥
చింతసేయగ నేమిలేదుగా ముందుజేసిన గతి తప్పబోదుగా
ఇంతకు మిక్కిలి రాదుగా నే నితరుల కొలిచేది లేదుగా రా ॥
తమ్ముడు నీవొక జంటను రామదాసుని రక్షించుటను
సమ్మతినుండు మా యింటను భద్రాచలవాస నీ బంటును రా ॥