॥ ശ്രീരാമപ്രാതഃസ്മരണം ശ്രീരാമപഞ്ചകം Malayalam Lyrics ॥
പ്രാതഃ സ്മരാമി രഘുനാഥമുഖാരവിന്ദം
മന്ദസ്മിതം മധുരഭാഷി വിശാലഭാലം ।
കര്‍ണാവലംബിചലകുണ്ഡലശോഭിഗണ്ഡം
കര്‍ണാന്തദീര്‍ഘനയനം നയനാഭിരാമം ॥ 1॥
പ്രാതര്‍ഭജാമി രഘുനാഥകരാരവിന്ദം
രക്ഷോഗണായ ഭയദം വരദം നിജേഭ്യഃ ।
യദ്രാജസംസദി വിഭജ്യ മഹേശചാപം
സീതാകരഗ്രഹണമങ്ഗലമാപ സദ്യഃ ॥ 2॥
പ്രാതര്‍നമാമി രഘുനാഥപദാരവിന്ദം
വജ്രാങ്കുശാദിശുഭരേഖി സുഖാവഹം മേ ।
യോഗീന്ദ്രമാനസമധുവ്രതസേവ്യമാനം
ശാപാപഹം സപദി ഗൌതമധര്‍മപത്ന്യാഃ ॥ 3॥
പ്രാതര്‍വദാമി വചസാ രഘുനാഥ നാമ
വാഗ്ദോഷഹാരി സകലം ശമലം നിഹന്തി ।
യത്പാര്‍വതീ സ്വപതിനാ സഹ ഭോക്തുകാമാ
പ്രീത്യാ സഹസ്രഹരിനാമസമം ജജാപ ॥ 4॥
പ്രാതഃ ശ്രയേ ശ്രുതിനുതാം രഘുനാഥമൂര്‍തിം
നീലാംബുജോത്പലസിതേതരരത്നനീലാം ।
ആമുക്തമൌക്തികവിശേഷവിഭൂഷണാഢ്യാം
ധ്യേയാം സമസ്തമുനിഭിര്‍ജനമുക്തിഹേതും ॥ 5॥
യഃ ശ്ലോകപഞ്ചകമിദം പ്രയതഃ പഠേദ്ധി
നിത്യം പ്രഭാതസമയേ പുരുഷഃ പ്രബുദ്ധഃ ।
ശ്രീരാമകിങ്കരജനേഷു സ ഏവ മുഖ്യോ
ഭൂത്വാ പ്രയാതി ഹരിലോകമനന്യലഭ്യം ॥
॥ ഇതി ശ്രീരാമകര്‍ണാമൃതാന്തര്‍ഗതം ശ്രീരാമപ്രാതഃസ്മരണം ॥