భద్రాచల రామదాసు కీర్తనలు
॥ Rama Rara Sitarama Rara Lyrics ॥
ఆనందభైరవి – ఆది
పల్లవి:
రామ రారా సీతారామ రారా రా ॥
చరణము(లు):
రామ రారా నినుచాల రాజులందరు పిలువ వచ్చిరి
క్షేమమొసగ భద్రశైలధాముడవై వెలసిన తండ్రి రా ॥
మౌని యాగము గాచి శిలను మగువ చేసి జనకునింట
శివుని విల్లు విరచి మించి సీతను చేకొన్న స్వామి రా ॥
తపసి వేషమలవరించి తండ్రికొరకు వనమునకేగి
తపనసుతుని గాచి యుదధిదాటి రావణుని ద్రుంచిన రా ॥
లంక విభీషణుని కొసగి లలనగూడి అయోధ్యను
శంకలేక ఏలుచున్న శ్రీపతి భద్రాచల నివాసా రా ॥