॥ Ramapatya Ashtakam Kannada Lyrics ॥
॥ ರಮಾಪತ್ಯಷ್ಟಕಮ್ ॥
ಶ್ರೀಗಣೇಶಾಯ ನಮಃ ॥
ಜಗದಾದಿಮನಾದಿಮಜಂ ಪುರುಷಂ ಶರದಮ್ಬರತುಲ್ಯತನುಂ ವಿತನುಮ್ ।
ಧೃತಕಂಜರಥಾಂಗಗದಂ ವಿಗದಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 1 ॥
ಕಮಲಾನನಕಂಜರತಂ ವಿರತಂ ಹೃದಿ ಯೋಗಿಜನೈಃ ಕಲಿತಂ ಲಲಿತಮ್ ।
ಕುಜನೈಃ ಸುಜನೈರಲಭಂ ಸುಲಭಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 2 ॥
ಮುನಿವೃನ್ದಹೃದಿಸ್ಥಪದಂ ಸುಪದಂ ನಿಖಿಲಾಧ್ವರಭಾಗಭುಜಂ ಸುಭುಜಮ್ ।
ಹೃತವಾಸವಮುಖ್ಯಮದಂ ವಿಮದಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 3 ॥
ಹೃತದಾನವದೃಪ್ತಬಲಂ ಸುಬಲಂ ಸ್ವಜನಾಸ್ತಸಮಸ್ತಮಲಂ ವಿಮಲಮ್ ।
ಸಮಪಾಸ್ತ ಗಜೇನ್ದ್ರದರಂ ಸುದರಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 4 ॥
ಪರಿಕಲ್ಪಿತಸರ್ವಕಲಂ ವಿಕಲಂ ಸಕಲಾಗಮಗೀತಗುಣಂ ವಿಗುಣಮ್ ।
ಭವಪಾಶನಿರಾಕರಣಂ ಶರಣಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 5 ॥
ಮೃತಿಜನ್ಮಜರಾಶಮನಂ ಕಮನಂ ಶರಣಾಗತಭೀತಿಹರಂ ದಹರಮ್ ।
ಪರಿತುಷ್ಟರಮಾಹೃದಯಂ ಸುದಯಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 6 ॥
ಸಕಲಾವನಿಬಿಮ್ಬಧರಂ ಸ್ವಧರಂ ಪರಿಪೂರಿತಸರ್ವದಿಶಂ ಸುದೃಶಮ್ ।
ಗತಶೋಕಮಶೋಕಕರಂ ಸುಕರಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 7 ॥
ಮಥಿತಾರ್ಣವರಾಜರಸಂ ಸರಸಂ ಗ್ರಥಿತಾಖಿಲಲೋಕಹೃದಂ ಸುಹೃದಮ್ ।
ಪ್ರಥಿತಾದ್ಭುತಶಕ್ತಿಗಣಂ ಸುಗಣಂ ಪ್ರಣಮಾಮಿ ರಮಾಧಿಪತಿಂ ತಮಹಮ್ ॥ 8 ॥
ಸುಖರಾಶಿಕರಂ ಭವಬನ್ಧಹರಂ ಪರಮಾಷ್ಟಕಮೇತದನನ್ಯಮತಿಃ ।
ಪಠತೀಹ ತು ಯೋಽನಿಶಮೇವ ನರೋ ಲಭತೇ ಖಲು ವಿಷ್ಣುಪದಂ ಸ ಪರಮ್ ॥ 9 ॥
ಇತಿ ಶ್ರೀಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಶ್ರೀರಮಾಪತ್ಯಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Rama Astakam » Ramapati Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil