॥ Rati Devi Kruta Shiva Stotram Kannada Lyrics ॥
॥ ಶ್ರೀ ಶಿವ ಸ್ತೋತ್ರಂ (ರತಿದೇವಿ ಕೃತಂ) ॥
ನಮಶ್ಶಿವಾಯಾಸ್ತು ನಿರಾಮಯಾಯ
ನಮಶ್ಶಿವಾಯಾಸ್ತು ಮನೋಮಯಾಯ ।
ನಮಶ್ಶಿವಾಯಾಸ್ತು ಸುರಾರ್ಚಿತಾಯ
ತುಭ್ಯಂ ಸದಾ ಭಕ್ತಕೃಪಾವರಾಯ ॥ ೧ ॥
ನಮೋ ಭವಾಯಾಸ್ತು ಭವೋದ್ಭವಾಯ
ನಮೋಽಸ್ತು ತೇ ಧ್ವಸ್ತಮನೋಭವಾಯ ।
ನಮೋಽಸ್ತು ತೇ ಗೂಢಮಹಾವ್ರತಾಯ
ನಮಸ್ಸ್ವಮಾಯಾಗಹನಾಶ್ರಯಾಯ ॥ ೨ ॥
ನಮೋಽಸ್ತು ಶರ್ವಾಯ ನಮಶ್ಶಿವಾಯ
ನಮೋಽಸ್ತು ಸಿದ್ಧಾಯ ಪುರಾಂತಕಾಯ ।
ನಮೋಽಸ್ತು ಕಾಲಾಯ ನಮಃ ಕಲಾಯ
ನಮೋಽಸ್ತು ತೇ ಜ್ಞಾನವರಪ್ರದಾಯ ॥ ೩ ॥
ನಮೋಽಸ್ತು ತೇ ಕಾಲಕಲಾತಿಗಾಯ
ನಮೋ ನಿಸರ್ಗಾಮಲಭೂಷಣಾಯ ।
ನಮೋಽಸ್ತ್ವಮೇಯಾಂಧಕಮರ್ದನಾಯ
ನಮಶ್ಶರಣ್ಯಾಯ ನಮೋಽಗುಣಾಯ ॥ ೪ ॥
ನಮೋಽಸ್ತು ತೇ ಭೀಮಗುಣಾನುಗಾಯ
ನಮೋಽಸ್ತು ನಾನಾಭುವನಾದಿಕರ್ತ್ರೇ ।
ನಮೋಽಸ್ತು ನಾನಾಜಗತಾಂ ವಿಧಾತ್ರೇ
ನಮೋಽಸ್ತು ತೇ ಚಿತ್ರಫಲಪ್ರಯೋಕ್ತ್ರೇ ॥ ೫ ॥
ಸರ್ವಾವಸಾನೇ ಹ್ಯವಿನಾಶನೇತ್ರೇ
ನಮೋಽಸ್ತು ಚಿತ್ರಾಧ್ವರಭಾಗಭೋಕ್ತ್ರೇ ।
ನಮೋಽಸ್ತು ಕರ್ಮಪ್ರಭವಸ್ಯ ಧಾತ್ರೇ
ನಮಸ್ಸ ಧಾತ್ರೇ ಭವಸಂಗಹರ್ತ್ರೇ ॥ ೬ ॥
ಅನಂತರೂಪಾಯ ಸದೈವ ತುಭ್ಯ-
ಮಸಹ್ಯಕೋಪಾಯ ನಮೋಽಸ್ತು ತುಭ್ಯಮ್ ।
ಶಶಾಂಕಚಿಹ್ನಾಯ ನಮೋಽಸ್ತು ತುಭ್ಯ-
ಮಮೇಯಮಾನಾಯ ನಮೋಽಸ್ತು ತುಭ್ಯಮ್ ॥ ೭ ॥
ವೃಷೇಂದ್ರಯಾನಾಯ ಪುರಾಂತಕಾಯ
ನಮಃ ಪ್ರಸಿದ್ಧಾಯ ಮಹೌಷಧಾಯ ।
ನಮೋಽಸ್ತು ಭಕ್ತಾಭಿಮತಪ್ರದಾಯ
ನಮೋಽಸ್ತು ಸರ್ವಾರ್ತಿಹರಾಯ ತುಭ್ಯಮ್ ॥ ೮ ॥
ಚರಾಚರಾಚಾರವಿಚಾರವರ್ಯ-
ಮಾಚಾರ್ಯಮುತ್ಪ್ರೇಕ್ಷಿತಭೂತಸರ್ಗಮ್ ।
ತ್ವಾಮಿಂದುಮೌಳಿಂ ಶರಣಂ ಪ್ರಪನ್ನಾ
ಪ್ರಿಯಾಪ್ರಮೇಯಂ ಮಹತಾಂ ಮಹೇಶಮ್ ॥ ೯ ॥
ಪ್ರಯಚ್ಛ ಮೇ ಕಾಮಯಶಸ್ಸಮೃದ್ಧಿಂ
ಪುನಃ ಪ್ರಭೋ ಜೀವತು ಕಾಮದೇವಃ ॥
ವೈಧವ್ಯಹರ್ತ್ರೇ ಭಗವನ್ನಮಸ್ತೇ
ಪ್ರಿಯಂ ವಿನಾ ತ್ವಾಂ ಪ್ರಿಯಜೀವಿತೇಷು ॥ ೧೦ ॥
ತ್ವತ್ತೋ ಪರಃ ಕೋ ಭುವನೇಷ್ವಿಹಾಸ್ತಿ
ಪ್ರಭುಃ ಪ್ರಿಯಾಯಾಃ ಪ್ರಭವಃ ಪ್ರಿಯಾಣಾಮ್ ।
ತ್ವಮೇವ ಚೈಕೋ ಭುವನಸ್ಯ ನಾಥೋ
ದಯಾಳುರುನ್ಮೀಲಿತಭಕ್ತಭೀತಿಃ ॥ ೧೧ ॥
ಇತಿ ಶ್ರೀಮತ್ಸ್ಯಪುರಾಣೇ ರತಿದೇವೀಕೃತ ಶಿವಸ್ತೋತ್ರಮ್ ।
– Chant Stotra in Other Languages –
Rati Devi Krita Shiva Stotram in Sanskrit – English – Kannada – Telugu – Tamil