॥ Ravana Krutha Shiva Tandava Stotram Malayalam Lyrics ॥
॥ രാവണകൃതം ശിവതാണ്ഡവ ॥
ശിവായ നമഃ ॥
രാവണകൃതം ശിവതാണ്ഡവ സ്തോത്രം ।
ജടാടവീ ഗലജ്ജല പ്രവാഹപാവിത സ്ഥലേ
ഗലേ വലംബ്യ ലംബിതാം ഭുജങ്ഗ തുങ്ഗ മാലികാം ।
ഡമഡ്ഡമഡ്ഡമഡ് ഡമന്നി ~നാദവഡ് ഡമര്വയം
ചകാര ചണ്ടതാണ്ഡവം തനോതു ന: ശിവ: ശിവം ॥ ൧ ॥
ജടാകടാഹ സംഭ്രമ ഭ്രമന്നിലിംപ നിര്ഝരീ
വിലോലവീചി വല്ലരീ വിരാജമാനമൂര്ദ്ധനി ।
ധഗദ്ധഗദ് ധഗജ്ജ്വല ലലാട പട്ട പാവകേ
കിശോര ചന്ദ്രശേഖരേ രതിഃ പ്രതിക്ഷണം മമ ॥ ൨ ॥
ധരാധരേന്ദ്ര നന്ദിനീ വിലാസബന്ധു ബന്ധുര
സ്ഫുരത് ദിഗന്തസന്തതി പ്രമോദമാനമാനസേ ।
കൃപാ കടാക്ഷ ധോരണീ നിരുദ്ധ ദുര്ധരാപദി
ക്വചിത് ചിദംബരേ മനോ വിനോദമേതു വസ്തുനി ॥ ൩ ॥
ജടാഭുജങ്ഗ പിങ്ഗല സ്ഫുരത്ഫണാമണിപ്രഭാ
കദംബ കുങ്കുമ ദ്രവപ്രലിപ്ത ദിഗ്വധൂമുഖേ ।
മദാന്ധ സിന്ധുര സ്ഫുരത്ത്വഗുത്തരീയ മേദുരേ
മനോ വിനോദമദ്ഭുതം ബിഭര്തു ഭൂതഭര്തരി ॥ ൪ ॥
സഹസ്ര ലോചന പ്രമൃത്യ ശേഷലേഖ ശേഖര
പ്രസൂന ധൂലി ധോരണീ വിധുസരാങ്ഘ്രിപീഠഭൂഃ ।
ഭുജങ്ഗരാജമാലയാ നിബദ്ധജാടജൂടകഃ
ശ്രിയൈ ചിരായ ജായതാം ചകോരബന്ധു ശേഖരഃ ॥ ൫ ॥
ലലാടചത്വര ജ്വലദ് ധനഞ്ജയസ്ഫുലിങ്ഗഭാനിപീത
പഞ്ചസായകം നമന്നിലിംപനായകം
സുധാമയൂഖലേഖയാ വിരാജമാനശേഖരം മഹാകപാലി സംപദേ
ശിരോ ജടാലമസ്തു നഃ ॥ ൬ ॥
കരാള ഭാല പട്ടികാ ധഗദ്ധഗദ്ധഗജ്ജ്വല-
ദ്ധനഞ്ജയാധരീകൃത പ്രചണ്ഡ പഞ്ചസായകേ ।
ധരാധരേന്ദ്ര നന്ദിനീ കുചാഗ്ര ചിത്ര പത്രക
പ്രകല്പനൈക ശില്പിനി ത്രിലോചനേ മതിര്മമ ॥ ൭ ॥
നവീനമേഘമണ്ഡലീ നിരുദ്ധ ദുര്ധരസ്ഫുരത്
കുഹൂനിശീഥിനീതമഃ പ്രബന്ധ ബന്ധുകന്ധരഃ
നിലിംപനിര്ഝരീ ധര-സ്തനോതു കൃത്തിസിന്ധുരഃ
കലാനിധാനബന്ധുരഃ ശ്രിയം ജഗദ്ധുരന്ധരഃ ॥ ൮ ॥
പ്രഫുല്ലനീല പങ്കജ പ്രപഞ്ച കാലിമച്ഛടാ-
വിഡംബി കണ്ഠ കന്ധരാ രുചിപ്രബദ്ധ കന്ധരം ।
സ്വരച്ഛിദം പുരച്ഛിദം ഭവച്ഛിദം മഖച്ഛിദം
ഗജച്ഛിദാന്ധകച്ഛിദം തമന്തകച്ഛിദം ഭജേ ॥ ൯ ॥
അഗര്വ സര്വമങ്ഗലാ കലാകദംബമഞ്ജരീ
രസപ്രവാഹ മാധുരീ വിജൠംഭണാമധുവ്രതം ।
സ്മരാന്തകം പുരാന്തകം ഭവാന്തകം മഖാന്തകം
ഗജാന്തകാന്ധകാന്തകം തമന്തകാന്തകം ഭജേ ॥ ൧൦ ॥
ജയത്വദഭ്രബിഭ്രമ ഭ്രമദ്ഭുജങ്ഗമസ്ഫുരദ്
ധഗദ്ധഗാദ്വിനിര്ഗമത്കരാള ഭാലഹവ്യവാട് ।
ധിമിദ്ധിമിദ്ധിമിധ്വനന്മൃദങ്ഗ തുങ്ഗമങ്ഗള
ധ്വനി ക്രമ പ്രവര്തിത പ്രചണ്ഡ താണ്ഡവഃ ശിവഃ ॥ ൧൧ ॥
ദൃഷദ്വിചിത്ര തല്പയോര്ഭുജങ്ഗ മൗക്തികസ്രജോ-
ര്ഗരിഷ്ഠരത്നലോഷ്ഠയോഃ സുഹൃദ്വിപക്ഷ പക്ഷയോഃ ।
തൃണാരവിന്ദചക്ഷുഷോഃ പ്രജാമഹീ മഹേന്ദ്രയോഃ
സമപ്രവര്തയന്മനഃ കദാ സദാശിവം ഭജേ ॥ ൧൨ ॥
കദാ നിലിംപ നിര്ഝരീ നികുഞ്ജകോടരേ വസന്-
വിമുക്തദുര്മതിഃ സദാ ശിരഃ സ്ഥമഞ്ജലിം വഹന് ।
വിമുക്തലോലലോചനാ ലലാമഭാലലഗ്നകഃ
ശിവേതി മന്ത്രമുഖരന് കദാ സുഖീ ഭവാമ്യഹം ॥ ൧൩ ॥
ഇമം ഹി നിത്യമേവ മുക്തമുത്തമോത്തമം സ്തവം
പഠന്സ്മരന്ബ്രുവന്നരോ വിശുദ്ധിമേതി സന്തതം ।
ഹരേ ഗുരൗ സ ഭക്തിമാശു യാതി നാന്യഥാ ഗതിം
വിമോഹനം ഹി ദേഹിനാം തു ശങ്കരസ്യ ചിന്തനം ॥ ൧൪ ॥
പൂജാവസാനസമയേ ദശവക്ത്രഗീതം
യഃ ശംഭുപൂജനമിദം പഠതി പ്രദോഷേ।
തസ്യ സ്ഥിരാം രഥഗജേന്ദ്രതുരങ്ഗയുക്താം
ലക്ഷ്മീം സദൈവ സുമുഖീം പ്രദദാതി ശംഭുഃ ॥ ൧൫ ॥
ഇതി ശ്രീരാവണവിരചിതം ശിവതാണ്ഡവസ്തോത്രം സംപൂര്ണം ॥
– Chant Stotra in Other Languages –
Ravanakrutam Shivatandava Stotram in English – Marathi – Bengali – Kannada – Malayalam – Telugu