॥ Rudrashtakam Telugu Lyrics ॥
నమామీశ మీశాన నిర్వాణరూపం విభుం వ్యాపకం బ్రహ్మవేద స్వరూపమ్ ।
నిజం నిర్గుణం నిర్వికల్పం నిరీహం చదాకాశ మాకాశవాసం భజేహమ్ ॥ 1 ॥
నిరాకార మోంకార మూలం తురీయం గిరిఙ్ఞాన గోతీత మీశం గిరీశమ్ ।
కరాళం మహాకాలకాలం కృపాలం గుణాగార సంసారసారం నతో హమ్ ॥ 2 ॥
తుషారాద్రి సంకాశ గౌరం గంభీరం మనోభూతకోటి ప్రభా శ్రీశరీరమ్ ।
స్ఫురన్మౌళికల్లోలినీ చారుగాంగం లస్త్ఫాలబాలేందు భూషం మహేశమ్ ॥ 3 ॥
చలత్కుండలం భ్రూ సునేత్రం విశాలం ప్రసన్నాననం నీలకంఠం దయాళుమ్ ।
మృగాధీశ చర్మాంబరం ముండమాలం ప్రియం శంకరం సర్వనాథం భజామి ॥ 4 ॥
ప్రచండం ప్రకృష్టం ప్రగల్భం పరేశమ్ అఖండమ్ అజం భానుకోటి ప్రకాశమ్ ।
త్రయీ శూల నిర్మూలనం శూలపాణిం భజేహం భవానీపతిం భావగమ్యమ్ ॥ 5 ॥
కళాతీత కళ్యాణ కల్పాంతరీ సదా సజ్జనానందదాతా పురారీ ।
చిదానంద సందోహ మోహాపకారీ ప్రసీద ప్రసీద ప్రభో మన్మధారీ ॥ 6 ॥
న యావద్ ఉమానాథ పాదారవిందం భజంతీహ లోకే పరే వా నారాణామ్ ।
న తావత్సుఖం శాంతి సంతాపనాశం ప్రసీద ప్రభో సర్వభూతాధివాస ॥ 7 ॥
నజానామి యోగం జపం నైవ పూజాం నతో హం సదా సర్వదా దేవ తుభ్యమ్ ।
జరాజన్మ దుఃఖౌఘతాతప్యమానం ప్రభోపాహి అపన్నమీశ ప్రసీద! ॥ 8 ॥
– Chant Stotra in Other Languages –
Rudra Ashtakam in Sanskrit – English – Marathi – Bengali – Kannada – Malayalam – Telugu – Tamil