॥ Rudra Panchamukha Dhyanam Kannada Lyrics ॥
॥ ರುದ್ರ ಪಂಚಮುಖ ಧ್ಯಾನಂ ॥
ಸಂವರ್ತಾಗ್ನಿತಟಿತ್ಪ್ರದೀಪ್ತಕನಕ ಪ್ರಸ್ಪರ್ಧಿತೇಜೋಮಯಂ ।
ಗಮ್ಭೀರಧ್ವನಿಮಿಶ್ರಿತೋಗ್ರದಹನ ಪ್ರೋದ್ಭಾಸಿತಾಮ್ರಾಧರಮ್ ॥
ಅರ್ಧೇನ್ದುದ್ಯುತಿಲೋಲಪಿಙ್ಗಳಜಟಾಭಾರಪ್ರಬದ್ಧೋರಗಂ ।
ವನ್ದೇ ಸಿದ್ಧಸುರಾಸುರೇಂದ್ರನಮಿತಂ ಪೂರ್ವಂ ಮುಖಃ ಶೂಲಿನಃ ॥ ೧ ॥
ಕಾಲಭ್ರಭ್ರಮರಾಞ್ಜನದ್ಯುತಿನಿಭಂ ವ್ಯಾವೃತ್ತಪಿಙ್ಗೇಕ್ಷಣಂ ।
ಕರ್ಣೋದ್ಭಾಸಿತಭೋಗಿಮಸ್ತಕಮಣಿ ಪ್ರೋದ್ಭಿನ್ನದಂಷ್ಟ್ರಾಙ್ಕುರಮ್ ॥
ಸರ್ಪಪ್ರೋತಕಪಾಲಶುಕ್ತಿಶಕಲ ವ್ಯಾಕೀರ್ಣಸಂಚಾರಗಂ ।
ವನ್ದೇ ದಕ್ಷಿಣಮೀಶ್ವರಸ್ಯ ಕುಟಿಲ ಭ್ರೂಭಙ್ಗರೌದ್ರಂ ಮುಖಮ್ ॥ ೨ ॥
ಪ್ರಾಲೇಯಾಚಲಚನ್ದ್ರಕುನ್ದಧವಳಂ ಗೋಕ್ಷೀರಫೇನಪ್ರಭಂ ।
ಭಸ್ಮಾಭ್ಯಕ್ತಮನಙ್ಗದೇಹದಹನ ಜ್ವಾಲಾವಳೀಲೋಚನಮ್ ॥
ಬ್ರಹ್ಮೇನ್ದ್ರಾದಿಮರುದ್ಗಣೈಸ್ಸ್ತುತಿಪರೈರಭ್ಯರ್ಚಿತಂ ಯೋಗಿಭಿ-
ರ್ವನ್ದೇಽಹಂ ಸಕಲಂ ಕಳಙ್ಕರಹಿತಂ ಸ್ಥಾಣೋರ್ಮುಖಂ ಪಶ್ಚಿಮಮ್ ॥ ೩ ॥
ಗೌರಂ ಕುಙ್ಕುಮಪಙ್ಕಿಲಂ ಸುತಿಲಕಂ ವ್ಯಾಪಾಣ್ಡುಗಣ್ಡಸ್ಥಲಂ ।
ಭ್ರೂವಿಕ್ಷೇಪಕಟಾಕ್ಷವೀಕ್ಷಣಲಸತ್ಸಂಸಕ್ತಕರ್ಣೋತ್ಪಲಮ್ ॥
ಸ್ನಿಗ್ಧಂ ಬಿಮ್ಬಫಲಾಧರಪ್ರಹಸಿತಂ ನೀಲಾಲಕಾಲಙ್ಕೃತಂ ।
ವನ್ದೇ ಪೂರ್ಣಶಶಾಙ್ಕಮಣ್ಡಲನಿಭಂ ವಕ್ತ್ರಂ ಹರಸ್ಯೋತ್ತರಮ್ ॥ ೪ ॥
ವ್ಯಕ್ತಾವ್ಯಕ್ತಗುಣೇತರಂ ಸುವಿಮಲಂ ಷಟ್ತ್ರಿಂಶತತ್ತ್ವಾತ್ಮಕಂ ।
ತಸ್ಮಾದುತ್ತರತತ್ತ್ವಮಕ್ಷರಮಿತಿ ಧ್ಯೇಯಂ ಸದಾ ಯೋಗಿಭಿಃ ॥
ವನ್ದೇ ತಾಮಸವರ್ಜಿತಂ ತ್ರಿಣಯನಂ ಸೂಕ್ಷ್ಮಾತಿಸೂಕ್ಷ್ಮಾತ್ಪರಂ ।
ಶಾನ್ತಂ ಪಞ್ಚಮಮೀಶ್ವರಸ್ಯ ವದನಂ ಖವ್ಯಾಪಿತೇಜೋಮಯಮ್ ॥ ೫ ॥
– Chant Stotra in Other Languages –
Rudra Panchamukha Dhyanam in Sanskrit – English – Kannada – Telugu – Tamil