॥ Sadguru Sri Tyagaraja Mangalashtakam Sanskrit Lyrics ॥
॥ सद्गुरुश्रीत्यागराजमङ्गलाष्टकम् ॥
ॐ
श्रीरामजयम् ।
सद्गुरु श्रीत्यागराजस्वामिने नमो नमः ।
अथ सद्गुरुमङ्गलाष्टकम् ।
हिमगद्यप्रसन्नाय हिमगद्यालयाय च ।
हिमगद्यप्रसादाय गुरुदेवाय मङ्गलम् ॥ १ ॥
हिमोत्तुङ्गसुपुण्याय हिमसानुसुकीर्तये ।
हिमगङ्गासुवाग्गाय गुरुदेवाय मङ्गलम् ॥ २ ॥
हिममौनप्रशान्ताय हिमगङ्गासुपूतये ।
हिमशान्तिप्रदात्रे च गुरुदेवाय मङ्गलम् ॥ ३ ॥
चतुर्धामसुपुण्याय पुष्पामोदसुगीतये ।
नारायणसुगेयाय त्यागराजाय मङ्गलम् ॥ ४ ॥
देवदारुसुगीताय नामपक्षिस्वराय च ।
कृत्यामोदसमीराय गुरुदेवाय मङ्गलम् ॥ ५ ॥
तलकाचतटाकाय तालरागहिमाद्रये ।
गललीनसुगङ्गाय गुरुदेवाय मङ्गलम् ॥ ६ ॥
नीलाकाशविकाशाय शुद्धश्वेतघनाय च ।
बालालापप्रमोदाय गुरुदेवाय मङ्गलम् ॥ ७ ॥
हिमालयप्रभावाय बृहदुत्तमगीतये ।
सद्गुरुत्यागराजाय सर्वस्वाय सुमङ्गलम् ॥ ८ ॥
ॐ तत्सदिति सद्गुरुश्रीत्यागब्रह्मचरणयुगले समर्पितं
सद्गुरुमङ्गलाष्टकं सम्पूर्णम् ।
ॐ शुभमस्तु
– Chant Stotra in Other Languages –
Sadguru Sri Tyagaraja Slokam » Sri Tyagaraja Mangalashtakam Lyrics in English » Bengali » Gujarati » Kannada » Malayalam » Odia » Telugu » Tamil