॥ Saravanabhava Mantrakshara Shatkam English Lyrics ॥
॥ śaravaṇabhava mantrākṣara ṣaṭkam ॥
śaktisvarūpāya śarōdbhavāya
śakrārcitāyātha śacīstutāya ।
śamāya śambhupraṇavārthadāya
śakārarūpāya namō guhāya ॥ 1 ॥
raṇanmaṇiprōjjvalamēkhalāya
ramāsanāthapraṇavārthadāya ।
ratīśapūjyāya raviprabhāya
rakārarūpāya namō guhāya ॥ 2 ॥
varāya varṇāśramarakṣakāya
varatriśūlābhayamaṇḍitāya ।
valārikanyāsukr̥tālayāya
vakārarūpāya namō guhāya ॥ 3 ॥
nagēndrakanyēśvaratattvadāya
nagādhirūḍhāya nagārcitāya ।
nagāsuraghnāya nagālayāya
nakārarūpāya namō guhāya ॥ 4 ॥
bhavāya bhargāya bhavātmajāya
bhasmāyamānādbhutavigrahāya ।
bhaktēṣṭakāmapradakalpakāya
bhakārarūpāya namō guhāya ॥ 5 ॥
vallīvalārātisutārcitāya
varāṅgarāgāñcitavigrahāya ।
vallīkarāmbhōruhamarditāya
vakārarūpāya namō guhāya ॥ 6 ॥
iti śrīśaravaṇabhavamantrākṣaraṣaṭkam ।
– Chant Stotra in Other Languages –
Sri Subrahmanya / Kartikeya / Muruga Stotram » Saravanabhava Mantrakshara Shatkamin Lyrics in Sanskrit » Kannada » Telugu » Tamil