॥ Sarva Deva Krutha Lakshmi Stotram Telugu Lyrics ॥
॥ శ్రీ లక్ష్మీస్తోత్రం (సర్వదేవ కృతం) ॥
దేవా ఊచుః-
క్షమస్వ భగవత్యంబ క్షమాశీలే పరాత్పరే ।
శుద్ధసత్త్వస్వరూపే చ కోపాదిపరివర్జితే ॥ ౧ ॥
ఉపమే సర్వసాధ్వీనాం దేవీనాం దేవపూజితే ।
త్వయా వినా జగత్సర్వం మృతతుల్యం చ నిష్ఫలమ్ ॥ ౨ ॥
సర్వసంపత్స్వరూపా త్వం సర్వేషాం సర్వరూపిణీ ।
రాసేశ్వర్యధిదేవీ త్వం త్వత్కలాః సర్వయోషితః ॥ ౩ ॥
కైలాసే పార్వతీ త్వం చ క్షీరోదే సింధుకన్యకా ।
స్వర్గే చ స్వర్గలక్ష్మీస్త్వం మర్త్యలక్ష్మీశ్చ భూతలే ॥ ౪ ॥
వైకుంఠే చ మహాలక్ష్మీః దేవదేవీ సరస్వతీ ।
గంగా చ తులసీ త్వం చ సావిత్రీ బ్రహ్మలోకతః ॥ ౫ ॥
కృష్ణప్రాణాధిదేవీ త్వం గోలోకే రాధికా స్వయమ్ ।
రాసే రాసేశ్వరీ త్వం చ బృందావన వనే వనే ॥ ౬ ॥
కృష్ణప్రియా త్వం భాండీరే చంద్రా చందనకాననే ।
విరజా చంపకవనే శతశృంగే చ సుందరీ ॥ ౭ ॥
పద్మావతీ పద్మవనే మాలతీ మాలతీవనే ।
కుందదంతీ కుందవనే సుశీలా కేతకీవనే ॥ ౮ ॥
కదంబమాలా త్వం దేవీ కదంబకాననేఽపి చ ।
రాజలక్ష్మీః రాజగేహే గృహలక్ష్మీర్గృహే గృహే ॥ ౯ ॥
ఇత్యుక్త్వా దేవతాస్సర్వాః మునయో మనవస్తథా ।
రురుదుర్నమ్రవదనాః శుష్కకంఠోష్ఠ తాలుకాః ॥ ౧౦ ॥
ఇతి లక్ష్మీస్తవం పుణ్యం సర్వదేవైః కృతం శుభమ్ ।
యః పఠేత్ప్రాతరూత్థాయ స వై సర్వం లభేద్ధ్రువమ్ ॥ ౧౧ ॥
అభార్యో లభతే భార్యాం వినీతాం సుసుతాం సతీం ।
సుశీలాం సుందరీం రమ్యామతిసుప్రియవాదినీమ్ ॥ ౧౨ ॥
పుత్రపౌత్రవతీం శుద్ధాం కులజాం కోమలాం వరామ్ ।
అపుత్రో లభతే పుత్రం వైష్ణవం చిరజీవినమ్ ॥ ౧౩ ॥
పరమైశ్వర్యయుక్తం చ విద్యావంతం యశస్వినమ్ ।
భ్రష్టరాజ్యో లభేద్రాజ్యం భ్రష్టశ్రీర్లభతే శ్రియమ్ ॥ ౧౪ ॥
హతబంధుర్లభేద్బంధుం ధనభ్రష్టో ధనం లభేత్ ।
కీర్తిహీనో లభేత్కీర్తిం ప్రతిష్ఠాం చ లభేద్ధ్రువమ్ ॥ ౧౫ ॥
సర్వమంగళదం స్తోత్రం శోకసంతాపనాశనమ్ ।
హర్షానందకరం శశ్వద్ధర్మమోక్షసుహృత్ప్రదమ్ ॥ ౧౬ ॥
ఇతి సర్వ దేవ కృత శ్రీ లక్ష్మీ స్తోత్రం ॥
– Chant Stotra in Other Languages –
Sarva Deva Krutha Sri Lakshmi – Laxmi Stotram Lyrics in Sanskrit » English » Kannada » Tamil