॥ Shachitanayashtakam Gujarati Lyrics ॥
॥ શચીતનયાષ્ટકમ્ ॥
ઉજ્જ્વલાવરણગૌરવરદેહં
વિલસિતનિરવધિભાવવિદેહમ્ ।
ત્રિભુવનપાવનકૃપાયાઃ લેશં
તં પ્રણમામિ ચ શ્રીશચીતનયમ્ ॥ ૧॥
ગદ્ગદાન્તરભાવવિકારં
દુર્જનતર્જનનાદવિશાલમ્ ।
ભવભયભઞ્જનકારણકરુણં
તં પ્રણમામિ ચ શ્રીશચીતનયમ્ ॥ ૨॥
અરુણામ્બરધરચારુકપોલં
ઇન્દુવિનિન્દિતનખચયરુચિરમ્ ।
જલ્પિતનિજગુણનામવિનોદં
તં પ્રણમામિ ચ શ્રીશચીતનયમ્ ॥ ૩॥
વિગલિતનયનકમલજલધારં
ભૂષણનવરસભાવવિકારમ્ ।
ગતિઅતિમન્થરનૃત્યવિલાસં
તં પ્રણમામિ ચ શ્રીશચીતનયમ્ ॥ ૪॥
ચઞ્ચલચારુચરણગતિરુચિરં
મઞ્જીરરઞ્જિતપદયુગમધુરમ્ ।
ચન્દ્રવિનિન્દિતશીતલવદનં
તં પ્રણમામિ ચ શ્રીશચીતનયમ્ ॥ ૫॥
ધૃતકટિડોરકમણ્ડલુદણ્ડં
દિવ્યકલેવરમુણ્ડિતમુણ્ડમ્ ।
દુર્જનકલ્મષખણ્ડનદણ્ડં
તં પ્રણમામિ ચ શ્રીશચીતનયમ્ ॥ ૬॥
ભૂષણભૂરજ અલકાવલિતં
કમ્પિતબિમ્બાધરવરરુચિરમ્ ।
મલયજવિરચિત ઉજ્જ્વલતિલકં
તં પ્રણમામિ ચ શ્રીશચીતનયમ્ ॥ ૭॥
નિન્દિતારુણકમલદલનયનં
આજાનુલમ્બિતશ્રીભુજયુગલમ્ ।
કલેવરકૈશોરનર્તકવેશં
તં પ્રણમામિ ચ શ્રીશચીતનયમ્ ॥ ૮॥
ઇતિ સાર્વભૌમભટ્ટાછર્યવિરચિતં શચીતનયાષ્ટકં સમ્પૂર્ણમ્ ।
– Chant Stotra in Other Languages –
Sri Shachitanaya Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil