॥ Shachitanayashtakam Malayalam Lyrics ॥
॥ ശചീതനയാഷ്ടകം॥
ഉജ്ജ്വലാവരണഗൌരവരദേഹം
വിലസിതനിരവധിഭാവവിദേഹം ।
ത്രിഭുവനപാവനകൃപായാഃ ലേശം
തം പ്രണമാമി ച ശ്രീശചീതനയം ॥ 1॥
ഗദ്ഗദാന്തരഭാവവികാരം
ദുര്‍ജനതര്‍ജനനാദവിശാലം ।
ഭവഭയഭഞ്ജനകാരണകരുണം
തം പ്രണമാമി ച ശ്രീശചീതനയം ॥ 2॥
അരുണാംബരധരചാരുകപോലം
ഇന്ദുവിനിന്ദിതനഖചയരുചിരം ।
ജല്‍പിതനിജഗുണനാമവിനോദം
തം പ്രണമാമി ച ശ്രീശചീതനയം ॥ 3॥
വിഗലിതനയനകമലജലധാരം
ഭൂഷണനവരസഭാവവികാരം ।
ഗതിഅതിമന്ഥരനൃത്യവിലാസം
തം പ്രണമാമി ച ശ്രീശചീതനയം ॥ 4॥
ചഞ്ചലചാരുചരണഗതിരുചിരം
മഞ്ജീരരഞ്ജിതപദയുഗമധുരം ।
ചന്ദ്രവിനിന്ദിതശീതലവദനം
തം പ്രണമാമി ച ശ്രീശചീതനയം ॥ 5॥
ധൃതകടിഡോരകമണ്ഡലുദണ്ഡം
ദിവ്യകലേവരമുണ്ഡിതമുണ്ഡം ।
ദുര്‍ജനകല്‍മഷഖണ്ഡനദണ്ഡം
തം പ്രണമാമി ച ശ്രീശചീതനയം ॥ 6॥
ഭൂഷണഭൂരജ അലകാവലിതം
കമ്പിതബിംബാധരവരരുചിരം ।
മലയജവിരചിത ഉജ്ജ്വലതിലകം
തം പ്രണമാമി ച ശ്രീശചീതനയം ॥ 7॥
നിന്ദിതാരുണകമലദലനയനം
ആജാനുലംബിതശ്രീഭുജയുഗലം ।
കലേവരകൈശോരനര്‍തകവേശം
തം പ്രണമാമി ച ശ്രീശചീതനയം ॥ 8॥
ഇതി സാര്‍വഭൌമഭട്ടാഛര്യവിരചിതം ശചീതനയാഷ്ടകം സമ്പൂര്‍ണം ।
– Chant Stotra in Other Languages –
Sri Shachitanaya Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil