॥Shankara Ashtakam Bengali Lyrics ॥
॥ শঙ্করাষ্টকম ॥
শঙ্কর অষ্টকম
হে ৱামদেৱ শিৱশঙ্কর দীনবন্ধো কাশীপতে পশুপতে পশুপাশনাশিন ।
হে ৱিশ্ৱনাথ ভৱবীজ জনার্তিহারিন সংসারদুঃখগহনাজ্জগদীশ রক্ষ ॥ ১ ॥
হে ভক্তৱত্সল সদাশিৱ হে মহেশ হে ৱিশ্ৱতাত জগদাশ্রয হে পুরারে ।
গৌরীপতে মম পতে মম প্রাণনাথ সংসারদুঃখগহনাজ্জগদীশ রক্ষ ॥ ২ ॥
হে দুঃখভঞ্জক ৱিভো গিরিজেশ শূলিন হে ৱেদশাস্ত্রৱিনিৱেদ্য জনৈকবন্ধো ।
হে ৱ্যোমকেশ ভুৱনেশ জগদ্ৱিশিষ্ট সংসারদুঃখগহনাজ্জগদীশ রক্ষ ॥ ৩ ॥
হে ধূর্জটে গিরিশ হে গিরিজার্ধদেহ হে সর্ৱভূতজনক প্রমথেশ দেৱ ।
হে সর্ৱদেৱপরিপূজিতপাদপদ্ম সংসারদুঃখগহনাজ্জগদীশ রক্ষ ॥ ৪ ॥
হে দেৱদেৱ ৱৃষভধ্ৱজ নন্দিকেশ কালীপতে গণপতে গজচর্মৱাসঃ ।
হে পার্ৱতীশ পরমেশ্ৱর রক্ষ শংভো সংসারদুঃখগহনাজ্জগদীশ রক্ষ ॥ ৫ ॥
হে ৱীরভদ্র ভৱৱৈদ্য পিনাকপাণে হে নীলকণ্ঠ মদনান্ত শিৱাকলত্র ।
ৱারাণসীপুরপতে ভৱভীতিহারিন সংসারদুঃখগহনাজ্জগদীশ রক্ষ ॥ ৬ ॥
হে কালকাল মৃড শর্ৱ সদাসহায হে ভূতনাথ ভৱবাধক হে ত্রিনেত্র ।
হে যজ্ঞশাসক যমান্তক যোগিৱন্দ্য সংসারদুঃখগহনাজ্জগদীশ রক্ষ ॥ ৭ ॥
হে ৱেদৱেদ্য শশিশেখর হে দযালো হে সর্ৱভূতপ্রতিপালক শূলপাণে ।
হে চন্দ্রসূর্য শিখিনেত্র চিদেকরূপ সংসারদুঃখগহনাজ্জগদীশ রক্ষ ॥ ৮ ॥
শ্রীশঙ্করাষ্টকমিদং যোগানন্দেন নির্মিতম ।
সাযং প্রাতঃ পঠেন্নিত্যং সর্ৱপাপৱিনাশকম ॥ ৯ ॥
ইতি শ্রীযোগানন্দতীর্থৱিরচিতং শঙ্করাষ্টকং সংপূর্ণম ॥
– Chant Stotra in Other Languages –
Lord Shiva Slokam » Shankara Ashtakam Lyrics in English » Gujarati » Marathi » Kannada » Malayalam