॥ Sharabha Upanishad Malayalam Lyrics ॥
॥ ശരഭോപനിഷത് ॥
സർവം സന്ത്യജ്യ മുനയോ യദ്ഭജന്ത്യാത്മരൂപതഃ ।
തച്ഛാരഭം ത്രിപാദ്ബ്രഹ്മ സ്വമാത്രമവശിഷ്യതേ ॥
ഓം ഭദ്രം കർണേഭിഃ ശൃണുയാമ ദേവാഃ ।
ഭദ്രം പശ്യേമാക്ഷഭിര്യജത്രാഃ ।
സ്ഥിരൈരംഗൈസ്തുഷ്ടുവാꣳസസ്തനൂഭിഃ ।
വ്യശേമ ദേവഹിതം യദായുഃ ।
സ്വസ്തി ന ഇന്ദ്രോ വൃദ്ധശ്രവാഃ । സ്വസ്തി നഃ പൂഷാ വിശ്വദേവാഃ ।
സ്വസ്തി നസ്താർക്ഷ്യോ അരിഷ്ടനേമിഃ । സ്വസ്തി നോ ബൃഹസ്പതിർദധാതു ॥
ഓം ശാന്തിഃ ശാന്തിഃ ശാന്തിഃ ॥
അഥ ഹൈനം പൈപ്പലാദോ ബ്രഹ്മാണമുവാച ഭോ ഭഗവൻ
ബ്രഹ്മവിഷ്ണുരുദ്രാണാം മധ്യേ കോ വാ അധികതരോ ധ്യേയഃ
സ്യാത്തത്ത്വമേവ നോ ബ്രൂഹീതി ।
തസ്മൈ സ ഹോവാച പിതാമഹശ്ച
ഹേ പൈപ്പലാദ ശൃണു വാക്യമേതത് ।
ബഹൂനി പുണ്യാനി കൃതാനി യേന
തേനൈവ ലഭ്യഃ പരമേശ്വരോഽസൗ ।
യസ്യാംഗജോഽഹം ഹരിരിന്ദ്രമുഖ്യാ
മോഹാന്ന ജാനന്തി സുരേന്ദ്രമുഖ്യാഃ ॥ 1 ॥
പ്രഭും വരേണ്യം പിതരം മഹേശം
യോ ബ്രഹ്മാണം വിദധാതി തസ്മൈ ।
വേദാംശ്ച സർവാൻപ്രഹിണോതി ചാഗ്ര്യം
തം വൈ പ്രഭും പിതരം ദേവതാനാം ॥ 2 ॥
മമാപി വിഷ്ണോർജനകം ദേവമീഡ്യം
യോഽന്തകാലേ സർവലോകാൻസഞ്ജഹാര ॥ 3 ॥
സ ഏകഃ ശ്രേഷ്ഠശ്ച സർവശാസ്താ സ ഏവ വരിഷ്ഠശ്ച ।
യോ ഘോരം വേഷമാസ്ഥായ ശരഭാഖ്യം മഹേശ്വരഃ ।
നൃസിംഹം ലോകഹന്താരം സഞ്ജഘാന മഹാബലഃ ॥ 4 ॥
ഹരിം ഹരന്തം പാദാഭ്യാമനുയാന്തി സുരേശ്വരാഃ ।
മാവധീഃ പുരുഷം വിഷ്ണും വിക്രമസ്വ മഹാനസി ॥ 5 ॥
കൃപയാ ഭഗവാന്വിഷ്ണും വിദദാര നഖൈഃ ഖരൈഃ ।
ചർമാംബരോ മഹാവീരോ വീരഭദ്രോ ബഭൂവ ഹ ॥ 6 ॥
സ ഏകോ രുദ്രോ ധ്യേയഃ സർവേഷാം സർവസിദ്ധയേ । യോ ബ്രഹ്മണഃ പഞ്ചവക്രഹന്താ
തസ്മൈ രുദ്രായ നമോ അസ്തു ॥ 7 ॥
യോ വിസ്ഫുലിംഗേന ലലാടജേന സർവം ജഗദ്ഭസ്മസാത്സങ്കരോതി ।
പുനശ്ച സൃഷ്ട്വാ പുനരപ്യരക്ഷദേവം സ്വതന്ത്രം പ്രകടീകരോതി ।
തസ്മൈ രുദ്രായ നമോ അസ്തു ॥ 8 ॥
യോ വാമപാദേന ജഘാന കാലം ഘോരം പപേഽഥോ ഹാലഹലം ദഹന്തം ।
തസ്മൈ രുദ്രായ നമോ അസ്തു ॥ 9 ॥
യോ വാമപാദാർചിതവിഷ്ണുനേത്രസ്തസ്മൈ ദദൗ ചക്രമതീവ ഹൃഷ്ടഃ ।
തസ്മൈ രുദ്രായ നമോ അസ്തു ॥ 10 ॥
യോ ദക്ഷയജ്ഞേ സുരസംഘാന്വിജിത്യ
വിഷ്ണും ബബന്ധോരഗപാശേന വീരഃ ।
തസ്മൈ രുദ്രായ നമോ അസ്തു ॥ 11 ॥
യോ ലീലയൈവ ത്രിപുരം ദദാഹ
വിഷ്ണും കവിം സോമസൂര്യാഗ്നിനേത്രഃ ।
സർവേ ദേവാഃ പശുതാമവാപുഃ
സ്വയം തസ്മാത്പശുപതിർബഭൂവ ।
തസ്മൈ രുദ്രായ നമോ അസ്തു ॥ 12 ॥
യോ മത്സ്യകൂർമാദിവരാഹസിംഹാ-
ന്വിഷ്ണും ക്രമന്തം വാമനമാദിവിഷ്ണും ।
വിവിക്ലവം പീഡ്യമാനം സുരേശം
ഭസ്മീചകാര മന്മഥം യമം ച ।
തസ്മൈ രുദ്രായ നമോ അസ്തു ॥ 13 ॥
ഏവം പ്രകാരേണ ബഹുധാ പ്രതുഷ്ട്വാ
ക്ഷമാപയാമാസുർനീലകണ്ഠം മഹേശ്വരം ।
താപത്രയസമുദ്ഭൂതജന്മമൃത്യുജരാദിഭിഃ ।
നാവിധാനി ദുഃഖാനി ജഹാര പരമേശ്വരഃ ॥14 ॥
ഏവം മന്ത്രൈഃ പ്രാർഥ്യമാന ആത്മാ വൈ സർവദേഹിനാം ।
ശങ്കരോ ഭഗവാനാദ്യോ രരക്ഷ സകലാഃ പ്രജാഃ ॥ 15 ॥
യത്പാദാംഭോരുഹദ്വന്ദ്വം മൃഗ്യതേ വിഷ്ണുനാ സഹ ।
സ്തുത്വാ സ്തുത്യം മഹേശാനമവാങ്മനസഗോചരം ॥ 16 ॥
ഭക്ത്യാ നമ്രതനോർവിഷ്ണോഃ പ്രസാദമകരോദ്വിഭുഃ ।
യതോ വാചോ നിവർതന്തേ അപ്രാപ്യ മനസാ സഹ ।
ആനന്ദം ബ്രഹ്മണോ വിദ്വാന്ന ബിഭേതി കദാചനേതി ॥ 17 ॥
അണോരണീയാന്മഹതോ മഹീയാ-
നാത്മാസ്യജന്തോർനിഹിതോ ഗുഹായാം ।
തമക്രതും പശ്യതി വീതശോകോ
ധാതുഃപ്രസാദാന്മഹിമാനമീശം ॥ 18 ॥
വസിഷ്ഠവൈയാസകിവാമദേവ-
വിരിഞ്ചിമുഖ്യൈർഹൃദി ഭാവ്യമാനഃ ।
സനത്സുജാതാദിസനാതനാദ്യൈ-
രീഡ്യോ മഹേശോ ഭഗവാനാദിദേവഃ ॥ 19 ॥
സത്യോ നിത്യഃ സർവസാക്ഷീ മഹേശോ
നിത്യാനന്ദോ നിർവികൽപോ നിരാഖ്യഃ ।
അചിന്ത്യശക്തിർഭഗവാൻഗിരീശഃ
സ്വാവിദ്യയാ കൽപിതമാനഭൂമിഃ ॥ 20 ॥
അതിമോഹകരീ മായാ മമ വിഷ്ണോശ്ച സുവ്രത ।
തസ്യ പാദാംബുജധ്യാനാദ്ദുസ്തരാ സുതരാ ഭവേത് ॥ 21 ॥
വിഷ്ണുർവിശ്വജഗദ്യോനിഃ സ്വാംശഭൂതൈഃ സ്വകൈഃ സഹ ।
മമാംശസംഭവോ ഭൂത്വാ പാലയത്യഖിലം ജഗത് ॥ 22 ॥
വിനാശം കാലതോ യാതി തതോഽന്യത്സകലം മൃഷാ ।
ഓം തസ്മൈ മഹാഗ്രാസായ മഹാദേവായ ശൂലിനേ ।
മഹേശ്വരായ മൃഡായ തസ്മൈ രുദ്രായ നമോ അസ്തു ॥ 23 ॥
ഏകോ വിഷ്ണുർമഹദ്ഭൂതം പൃഥഗ്ഭൂതായനേകശഃ ।
ത്രീംല്ലോകാന്വ്യാപ്യ ഭൂതാത്മാ ഭുങ്ക്തേ വിശ്വഭുഗവ്യയഃ ॥ 24 ॥
ചതുർഭിശ്ച ചതുർഭിശ്ച ദ്വാഭ്യാം പഞ്ചമിരേവ ച ।
ഹൂയതേ ച പുനർദ്വാഭ്യാം സ മേ വിഷ്ണുഃ പ്രസീദതു ॥ 25 ॥
ബ്രഹ്മാർപണം ബ്രഹ്മ ഹവിർബ്രഹ്മാഗ്നൗ ബ്രഹ്മണാ ഹുതം ।
ബ്രഹ്മൈവ തേന ഗന്തവ്യം ബ്രഹ്മകർമസമാധിനാ ॥ 26 ॥
ശരാ ജീവാസ്തദംഗേഷു ഭാതി നിത്യം ഹരിഃ സ്വയം ।
ബ്രഹ്മൈവ ശരഭഃ സാക്ഷാന്മോക്ഷദോഽയം മഹാമുനേ ॥ 27 ॥
മായാവശാദേവ ദേവാ മോഹിതാ മമതാദിഭിഃ ।
തസ്യ മാഹാത്മ്യലേശാംശം വക്തും കേനാപ്യ ശക്യതേ ॥ 28 ॥
പരാത്പരതരം ബ്രഹ്മ യത്പരാത്പരതോ ഹരിഃ ।
പരാത്പരതരോ ഹീശസ്തസ്മാത്തുല്യോഽധികോ ന ഹി ॥ 29 ॥
ഏക ഏവ ശിവോ നിത്യസ്തതോഽന്യത്സകലം മൃഷാ ।
തസ്മാത്സർവാൻപരിത്യജ്യ ധ്യേയാന്വിഷ്ണ്വാദികാൻസുരാൻ ॥ 30 ॥
ശിവ ഏവ സദാ ധ്യേയഃ സർവസംസാരമോചകഃ ।
തസ്മൈ മഹാഗ്രാസായ മഹേശ്വരായ നമഃ ॥ 31 ॥
പൈപ്പലാദം മഹാശാസ്ത്രം ന ദേയം യസ്യ കസ്യചിത് ।
നാസ്തികായ കൃതഘ്നായ ദുർവൃത്തായ ദുരാത്മനേ ॥ 32 ॥
ദാംഭികായ നൃശംസായ ശഠായാനൃതഭാഷിണേ ।
സുവ്രതായ സുഭക്തായ സുവൃത്തായ സുശീലിനേ ॥ 33 ॥
ഗുരുഭക്തായ ദാന്തായ ശാന്തായ ഋജുചേതസേ ।
ശിവഭക്തായ ദാതവ്യം ബ്രഹ്മകർമോക്തധീമതേ ॥ 34 ॥
സ്വഭക്തായൈവ ദാതവ്യമകൃതഘ്നായ സുവ്രതം ।
ന ദാതവ്യം സദാ ഗോപ്യം യത്നേനൈവ ദ്വിജോത്തമ ॥ 35 ॥
ഏതത്പൈപ്പലാദം മഹാശാസ്ത്രം യോഽധീതേ ശ്രാവയേദ്ദ്വിജഃ
സ ജന്മമരണേഭ്യോ മുക്തോ ഭവതി । യോ ജാനീതേ സോഽമൃതത്വം
ച ഗച്ഛതി । ഗർഭവാസാദ്വിമുക്തോ ഭവതി । സുരാപാനാത്പൂതോ
ഭവതി । സ്വർണസ്തേയാത്പൂതോ ഭവതി । ബ്രഹ്മഹത്യാത്പൂതോ
ഭവതി । ഗുരുതൽപഗമനാത്പൂതോ ഭവതി । സ സർവാന്വേദാനധീതോ
ഭവതി । സ സർവാന്ദേവാന്ധ്യാതോ ഭവതി । സ സമസ്തമഹാപാതകോ-
പപാതകാത്പൂതോ ഭവതി । തസ്മാദവിമുക്തമാശ്രിതോ ഭവതി ।
സ സതതം ശിവപ്രിയോ ഭവതി । സ ശിവസായുജ്യമേതി । ന സ
പുനരാവർതതേ ന സ പുനരാവർതതേ । ബ്രഹ്മൈവ ഭവതി । ഇത്യാഹ
ഭഗവാൻബ്രഹ്മേത്യുപനിഷത് ॥
ഓം ഭദ്രം കർണേഭിഃ ശൃണുയാമ ദേവാഃ ।
ഭദ്രം പശ്യേമാക്ഷഭിര്യജത്രാഃ ।
സ്ഥിരൈരംഗൈസ്തുഷ്ടുവാꣳസസ്തനൂഭിഃ ।
വ്യശേമ ദേവഹിതം യദായുഃ ।
സ്വസ്തി ന ഇന്ദ്രോ വൃദ്ധശ്രവാഃ । സ്വസ്തി നഃ പൂഷാ വിശ്വവേദാഃ ।
സ്വസ്തി നസ്താർക്ഷ്യോ അരിഷ്ടനേമിഃ । സ്വസ്തി നോ ബൃഹസ്പതിർദധാതു ।
ഓം ശാന്തിഃ ശാന്തിഃ ശാന്തിഃ ॥
ഇതി ശരഭോപനിഷത്സമാപ്താ ॥
– Chant Stotra in Other Languages –
Sharabha Upanishat in Sanskrit – English – Bengali – Gujarati – Kannada – Malayalam – Odia – Telugu – Tamil