॥ ShashaangkamaulIshwara Stotram in Marathi ॥
॥ शशाङ्कमौलीश्वर स्तोत्रम ॥
माङ्गल्यदाननिरत प्रणमज्जनानां
मान्धातृमुख्यधरणीपतिचिन्तिताङ्घ्रे ।
मान्द्यान्धकारविनिवारणचण्डभानो
मां पाहि धीरगुरुभूत शशाङ्कमौले ॥ 1 ॥
मां प्राप्नुयादखिलसौख्यकरी सुधीश्च
माकन्दतुल्यकविता सकलाः कलाश्च ।
क्वाचित्कयत्पदसरोजनतेर्हि स त्वं
मां पाहि धीरगुरुभूत शशाङ्कमौले ॥ 2 ॥
मातङ्गकृत्तिवसन प्राणतार्तिहारिन
मायासरित्पतिविशोषणवाडवाग्ने ।
मानोन्नतिप्रद निजाङ्घ्रिजुषां नराणां
मां पाहि धीरगुरुभूत शशाङ्कमौले ॥ 3 ॥
इति शशाङ्कमौलीश्वरस्तोत्रं संपूर्णम ॥
– Chant Stotra in Other Languages –
Shashaangamoulishvara Stotram in Marathi – Gujarati । Bengali – Kannada – Malayalam – Telugu