॥ Siva Mahima Ashtakam Kannada Lyrics ॥
॥ ಶ್ರೀಶಿವಮಹಿಮಾಷ್ಟಕಮ್ ॥
ಸುರವೃನ್ದಮುನೀಶ್ವರವನ್ದ್ಯಪದೋ ಹಿಮಶೈಲವಿಹಾರಕರೋ ರುಚಿರಃ ।
ಅನುರಾಗನಿಧಿರ್ಮಣಿಸರ್ಪಧರೋ ಜಯತೀಹ ಶಿವಃ ಶಿವರೂಪಧರಃ ॥ 1 ॥
ಭವತಾಪವಿದಗ್ಧವಿಪತ್ತಿಹರೋ ಭವಮುಕ್ತಿಕರೋ ಭವನಾಮಧರಃ ।
ಧೃತಚನ್ದ್ರಶಿರೋ ವಿಷಪಾನಕರೋ ಜಯತೀಹ ಶಿವಃ ಶಿವರೂಪಧರಃ ॥ 2 ॥
ನಿಜಪಾರ್ಷದವೃನ್ದಜಯೋಚ್ಚರಿತಃ ಕರಶೂಲಧರೋಽಭಯದಾನಪರಃ ।
ಜಟಯಾ ಪರಿಭೂಷಿತದಿವ್ಯತಮೋ ಜಯತೀಹ ಶಿವಃ ಶಿವರೂಪಧರಃ ॥ 3 ॥
ವೃಷಭಾಂಗವಿರಾಜಿತ ಉಲ್ಲಸಿತಃ ಕೃಪಯಾ ನಿತರಾಮುಪದೇಶಕರಃ ।
ತ್ವರಿತಂ ಫಲದೋ ಗಣಯೂಥಯುತೋ ಜಯತೀಹ ಶಿವಃ ಶಿವರೂಪಧರಃ ॥ 4 ॥
ಅಹಿಹಾರಸುಶೋಭಿತ ಆಪ್ತನುತೋ ಸಮುಪಾಸ್ಯಮಹೇಶ್ವರ ಆರ್ತಿಹರಃ ।
ಧೃತವಿಷ್ಣುಪದೀಸುಜಟೋ ಮುದಿತೋ ಜಯತೀಹ ಶಿವಃ ಶಿವರೂಪಧರಃ ॥ 5 ॥
ವ್ರಜಕೃಷ್ಣಪದಾಬ್ಜಪರಾಗರತೋ ವ್ರಜಕುಂಜಸಖೀನವರೂಪಧರಃ ।
ವ್ರಜಗೋಪಸುರೇಶ ಉಮಾಧಿಪತಿರ್ಜಯತೀಹ ಶಿವಃ ಶಿವರೂಪಧರಃ ॥ 6 ॥
ಯುಗಕೇಲಿವಿಲಾಸಮಹಾರಸಿಕೋ ರಸತನ್ತ್ರಪುರಾಣಕಥಾಚತುರಃ ।
ರಸಶಾಸ್ತ್ರರಸಜ್ಞಪಟುರ್ಮಧುರೋ ಜಯತೀಹ ಶಿವಃ ಶಿವರೂಪಧರಃ ॥ 7 ॥
ಯಮಪಾಶಭಯಾಪಹರೋಽಘಹರಃ ಪ್ರಬಲೋಽಸ್ತಿ ಮಹಾಪ್ರಬಲಃ ಪ್ರಖರಃ ।
ಪರಿಪೂರ್ಣತಮೋ ಹರಿಭಕ್ತಿಭರೋ ಜಯತೀಹ ಶಿವಃ ಶಿವರೂಪಧರಃ ॥ 8 ॥
ಶಿವಶಾನ್ತ್ಯರ್ಥದಂ ದಿವ್ಯಂ ಶ್ರೀಶಿವಮಹಿಮಾಷ್ಟಕಮ್ ।
ರಾಧಾಸರ್ವೇಶ್ವರಾಖ್ಯೇನ ಶರಣಾನ್ತೇನ ನಿರ್ಮಿತಮ್ ॥
ಇತಿ ಶ್ರೀನಿಮ್ಬಾರ್ಕಪೀಠಾಧೀಶ್ವರ ಶ್ರೀರಾಧಾಸರ್ವೇಶ್ವರಶರಣದೇವಾಚಾರ್ಯಜೀ
ಮಹಾರಾಜ ದ್ವಾರಾ ರಚಿತಂ ಶ್ರೀಶಿವಮಹಿಮಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Lord Shiva Slokam » Shiva Mahima Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil