॥ Siva Mahima Ashtakam Malayalam Lyrics ॥
॥ ശ്രീശിവമഹിമാഷ്ടകം ॥
സുരവൃന്ദമുനീശ്വരവന്ദ്യപദോ ഹിമശൈലവിഹാരകരോ രുചിരഃ ।
അനുരാഗനിധിര്‍മണിസര്‍പധരോ ജയതീഹ ശിവഃ ശിവരൂപധരഃ ॥ 1 ॥
ഭവതാപവിദഗ്ധവിപത്തിഹരോ ഭവമുക്തികരോ ഭവനാമധരഃ ।
ധൃതചന്ദ്രശിരോ വിഷപാനകരോ ജയതീഹ ശിവഃ ശിവരൂപധരഃ ॥ 2 ॥
നിജപാര്‍ഷദവൃന്ദജയോച്ചരിതഃ കരശൂലധരോഽഭയദാനപരഃ ।
ജടയാ പരിഭൂഷിതദിവ്യതമോ ജയതീഹ ശിവഃ ശിവരൂപധരഃ ॥ 3 ॥
വൃഷഭാങ്ഗവിരാജിത ഉല്ലസിതഃ കൃപയാ നിതരാമുപദേശകരഃ ।
ത്വരിതം ഫലദോ ഗണയൂഥയുതോ ജയതീഹ ശിവഃ ശിവരൂപധരഃ ॥ 4 ॥
അഹിഹാരസുശോഭിത ആപ്തനുതോ സമുപാസ്യമഹേശ്വര ആര്‍തിഹരഃ ।
ധൃതവിഷ്ണുപദീസുജടോ മുദിതോ ജയതീഹ ശിവഃ ശിവരൂപധരഃ ॥ 5 ॥
വ്രജകൃഷ്ണപദാബ്ജപരാഗരതോ വ്രജകുഞ്ജസഖീനവരൂപധരഃ ।
വ്രജഗോപസുരേശ ഉമാധിപതിര്‍ജയതീഹ ശിവഃ ശിവരൂപധരഃ ॥ 6 ॥
യുഗകേലിവിലാസമഹാരസികോ രസതന്ത്രപുരാണകഥാചതുരഃ ।
രസശാസ്ത്രരസജ്ഞപടുര്‍മധുരോ ജയതീഹ ശിവഃ ശിവരൂപധരഃ ॥ 7 ॥
യമപാശഭയാപഹരോഽഘഹരഃ പ്രബലോഽസ്തി മഹാപ്രബലഃ പ്രഖരഃ ।
പരിപൂര്‍ണതമോ ഹരിഭക്തിഭരോ ജയതീഹ ശിവഃ ശിവരൂപധരഃ ॥ 8 ॥
ശിവശാന്ത്യര്‍ഥദം ദിവ്യം ശ്രീശിവമഹിമാഷ്ടകം ।
രാധാസര്‍വേശ്വരാഖ്യേന ശരണാന്തേന നിര്‍മിതം ॥
ഇതി ശ്രീനിംബാര്‍കപീഠാധീശ്വര ശ്രീരാധാസര്‍വേശ്വരശരണദേവാചാര്യജീ
മഹാരാജ ദ്വാരാ രചിതം ശ്രീശിവമഹിമാഷ്ടകം സമ്പൂര്‍ണം ।
– Chant Stotra in Other Languages –
Lord Shiva Slokam » Shiva Mahima Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil