Shiva Naamavali Ashtakam In Telugu – Telugu Shlokas

॥ Shiva Namavali Ashtakam Telugu Lyrics ॥

॥ శివ ఆమావలి అష్టకమ్ ॥
శివాయ నమః ॥

శివనామావలిఅష్టకమ్ ।

హే చన్ద్రచూడ మదనాన్తక శూలపాణే స్థాణో గిరీశ గిరిజేశ మహేశ శంభో ।
భూతేశ భీతభయసూదన మామనాథం సంసారదుఃఖగహనాజ్జగదీశ రక్ష ॥ ౧ ॥

హే పార్వతీహృదయవల్లభ చన్ద్రమౌలే భూతాధిప ప్రమథనాథ గిరీశజాప ।
హే వామదేవ భవ రుద్ర పినాకపాణే సంసారదుఃఖగహనాజ్జగదీశ రక్ష ॥ ౨ ॥

హే నీలకణ్ఠ వృషభధ్వజ పఞ్చవక్త్ర లోకేశ శేషవలయ ప్రమథేశ శర్వ ।
హే ధూర్జటే పశుపతే గిరిజాపతే మాం సంసారదుఃఖగహనాజ్జగదీశ రక్ష ॥ ౩ ॥

హే విశ్వనాథ శివ శఙ్కర దేవదేవ గఙ్గాధర ప్రమథనాయక నన్దికేశ ।
బాణేశ్వరాన్ధకరిపో హర లోకనాథ సంసారదుఃఖగహనాజ్జగదీశ రక్ష ॥ ౪ ॥

వారాణసీపురపతే మణికర్ణికేశ వీరేశ దక్షమఖకాల విభో గణేశ ।
సర్వజ్ఞ సర్వహృదయైకనివాస నాథ సంసారదుఃఖగహనాజ్జగదీశ రక్ష ॥ ౫ ॥

శ్రీమన్మహేశ్వర కృపామయ హే దయాళో హే వ్యోమకేశ శితికణ్ఠ గణాధినాథ ।
భస్మాఙ్గరాగ నృకపాలకలాపమాల సంసారదుఃఖగహనాజ్జగదీశ రక్ష ॥ ౬ ॥

కైలాసశైలవినివాస వృషాకపే హే మృత్యుంజయ త్రినయన త్రిజగన్నివాస ।
నారాయణప్రియ మదాపహ శక్తినాథ సంసారదుఃఖగహనాజ్జగదీశ రక్ష ॥ ౭ ॥

విశ్వేశ విశ్వభవనాశితవిశ్వరూప విశ్వాత్మక త్రిభువనైకగుణాభివేశ ।
హే విశ్వబన్ధు కరుణామయ దీనబన్ధో సంసారదుఃఖగహనాజ్జగదీశ రక్ష ॥ ౮ ॥

గౌరీవిలాసభువనాయ మహేశ్వరాయ పఞ్చాననాయ శరణాగతరక్షకాయ ।
శర్వాయ సర్వజగతామధిపాయ తస్మై దారిద్ర్యదుఃఖదహనాయ నమః శివాయ ॥ ౯ ॥

See Also  Sri Krishna Aksharamalika Stotram In Telugu

ఇతి శ్రీమచ్ఛఙ్కరాచార్యవిరచితం శివనామావల్యష్టకం సంపూర్ణమ్ ॥

– Chant Stotra in Other Languages –

Shiva Namavali Ashtakam in MarathiGujarati । BengaliKannadaMalayalam – Telugu