॥ Shivarama Ashtakam Odia Lyrics ॥
॥ ଶିଵରାମାଷ୍ଟକମ୍ ॥
ଶ୍ରୀଗଣେଶାୟ ନମଃ ।
ଶିଵ ହରେ ଶିଵରାମସଖେ ପ୍ରଭୋ ତ୍ରିଵିଧତାପନିଵାରଣ ହେ ପ୍ରଭୋ ।
ଅଜ ଜନେଶ୍ଵର ୟାଦଵ ପାହି ମାଂ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୧ ॥
କମଲଲୋଚନ ରାମ ଦୟାନିଧେ ହର ଗୁରୋ ଗଜରକ୍ଷକ ଗୋପତେ ।
ଶିଵତନୋ ଭଵ ଶଙ୍କର ପାହି ମାଂ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୨ ॥
ସ୍ଵଜନରଞ୍ଜନମଙ୍ଗଲମନ୍ଦିରଂ ଭଜତି ତେ ପୁରୁଷାଃ ପରମଂ ପଦମ୍ ।
ଭଵତି ତସ୍ୟ ସୁଖଂ ପରମାଦ୍ଭୁତଂ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୩ ॥
ଜୟ ୟୁଧିଷ୍ଠିରଵଲ୍ଲଭ ଭୂପତେ ଜୟ ଜୟାର୍ଜିତ ପୁଣ୍ୟପୟୋନିଧେ ।
ଜୟ କୃପାମୟ କୃଷ୍ଣ ନମୋଽସ୍ତୁ ତେ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୪ ॥
ଭଵଵିମୋଚନ ମାଧଵ ମାପତେ ସୁକଵିମାନସହଂସ ଶିଵାରତେ ।
ଜନକଜାରତ ରାଘଵ ରକ୍ଷ ମାଂ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୫ ॥
ଅଵନିମଣ୍ଡଲମଙ୍ଗଲ ମାପତେ ଜଲଦସୁନ୍ଦର ରାମ ରମାପତେ ।
ନିଗମକୀର୍ତିଗୁଣାର୍ଣଵ ଗୋପତେ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୬ ॥
ପତିତପାଵନ ନାମମୟୀ ଲତା ତଵ ୟଶୋ ଵିମଲଂ ପରିଗୀୟତେ ।
ତଦପି ମାଧଵ ମାଂ କିମୁପେକ୍ଷସେ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୭ ॥
ଅମରତାପରଦେଵ ରମାପତେ ଵିଜୟସ୍ତଵ ନାମଘନୋପମେ ।
ମୟି କଥଂ କରୁଣାର୍ଣଵ ଜାୟତେ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୮ ॥
ହନୁମତଃ ପ୍ରିୟତୋଷକର ପ୍ରଭୋ ସୁରସରିଦୂଧୃତଶେଖର ହେ ଗୁରୋ ।
ମମ ଵିଭୋ କିମୁ ଵିସ୍ମରଣଂ କୃତଂ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୯ ॥
ନରହରେ ରତିରଞ୍ଜନସୁନ୍ଦରଂ ପଠତି ୟଃ ଶିଵରାମକୃତସ୍ତଵମ୍ ।
ଵିଶତି ରାମରମାଚରଣାମ୍ବୁଜେ ଶିଵ ହରେ ଵିଜୟଂ କୁରୁ ମେ ଵରମ୍ ॥ ୧୦ ॥
ପ୍ରାତରୁତ୍ଥାୟ ୟୋ ଭକ୍ତ୍ୟା ପଠେଦେକାଗ୍ରମାନସଃ ।
ଵିଜୟୋ ଜାୟତେ ତସ୍ୟ ଵିଷ୍ଣୁମାରାଧ୍ୟମାପ୍ନୁୟାତ୍ ॥ ୧୧ ॥
ଇତି ଶ୍ରୀରାମାନନ୍ଦଵିରଚିତଂ ଶିଵରାମସ୍ତୋତ୍ରମ୍ ।
– Chant Stotra in Other Languages –
Shiva Rama Slokam » Shiva Rama Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil