॥ Shiva Manasa Puja Gujarati Lyrics ॥
॥ શિવમાનસ પૂજા ॥
ૐ પ્રત્યક્પ્રવણધીવૃત્યા હૃદ્ગૃહાન્તઃપ્રવેશનમ ।
મણ્ડપાન્તઃ પ્રવેશોઽયં પૂજાર્થં તવ શઙ્કર ॥ ૧ ॥
ગુરુવાક્યેષુ વિશ્વાસઃ સ્થિતિરાસનસંસ્થિતિઃ ।
સર્વસઙ્કલ્પસન્ત્યાગઃ સઙ્કલ્પસ્તવ પૂજને ॥ ૨ ॥
સર્વાધારસ્ત્વમેવેતિ નિશ્ચયઃ પીઠપૂજનમ ।
ધ્યાનધ્યાતૃધ્યેયબાધો ધ્યાનમાનન્દકારણમ ॥ ૩ ॥
દૃશ્યપ્રમાર્જનં ચિત્તાન્નિર્માલ્યસ્ય વિસર્જનમ ।
અહં બ્રહ્મેત્યખણ્ડા યા વૃત્તિર્ધારાભિષેચનમ ॥ ૪ ॥
પૃથિવ્યાત્મકતા દૃષ્ટિસ્તવ ગન્ધસમર્પણમ ।
બોધોપશમવૈરાગ્યં ત્રિદળં બિલ્વમર્પયે ॥ ૫ ॥ ।
આકાશાત્મકતાબોધઃ કુસુમાર્પણમીશ્વર ।
જગદાકાશપુષ્પાભમિતિ પદ્મં સમર્પયે ॥ ૬ ॥
વાયુતેજોમયત્વં તે ધૂપદીપાવનુત્તમૌ ।
દૃશ્યાસંભવબોધેન નિજાનન્દેન તૃપ્તતા ॥ ૭ ॥
સર્વતઃ પ્રીતિજનકં નૈવેદ્યં વિનિવેદયે ।
જલાત્મકત્વબુદ્ધિસ્તુ પીયૂષં તેઽર્પયે પિબ ॥ ૮ ॥
કર્તવ્યેષવપ્રસક્તિસ્તુ હસ્તપ્રક્ષાળનં તવ ॥ ૯ ॥
દુર્વાસનાપરિત્યાગસ્તાંબૂલસ્ય સમર્પણમ ।
વાચાં વિસર્જનં દેવ દક્ષિણા શ્રુતિસંમતા ॥ ૧૦ ॥
ફલાભિસન્ધિરાહિત્યં ફલાર્પણમનુત્તમમ ।
અહમેવ પરં બ્રહ્મ સચિદાનન્દલક્ષણમ ॥ ૧૧ ॥
એવં નિદિધ્યાસવાક્યં સ્તુતિઃ પ્રિયકરી તવ ।
નામરૂપાણિ ન ત્વત્તો ભિન્નાનીતિ મતિસ્તુ યા ॥ ૧૨ ॥
તવ પુષ્પાઞ્જલિઃ શમ્ભો સર્વત્રોત્કીર્ણપુષ્પકઃ ।
સ્વપ્રકાશાત્મબુદ્ધિસ્તુ મહાનીરાજનં તવ ॥ ૧૩ ॥
પ્રાદક્ષિણ્યં સર્વતસ્તે વ્યાપ્તિબુદ્ધિઃ સ્મૃતં શિવ ।
ત્વમેવાહમિતિ સ્થિત્યા લીનતા પ્રણતિસ્તવ ॥ ૧૪ ॥
શુદ્ધસત્ત્વસ્યાભિવૃદ્ધિશ્છત્રં તાપાપનોદનમ ।
રજસ્તમસ્તિરસ્કારશ્ચામરાન્દોળને તવ ॥ ૧૫ ॥
નિજાનન્દપરાઘૂર્ણદોળનાન્દોળને વસ ।
ધન્યોઽહં કૃતકૃત્યોઽહમિતિ ગાનં તવ પ્રિયમ ॥ ૧૬ ॥
નિરઙ્કુશં મહાતૃપ્ત્યા નર્તનં તે મુદે શિવ ।
નાનાવિધૈઃ શબ્દજાલૈર્જૃંભણં વાદ્યમુત્તમમ ॥ ૧૭ ॥
શબ્દાતિગત્વબુદ્ધિસ્તુ કલ્યાણમિતિ ડિણ્ડિમઃ ।
વેગવત્તરગન્તાઽસૌ મનોઽશ્વસ્તે સમર્પિતઃ ॥ ૧૮ ॥
અહમ્ભાવમહામત્તગજેન્દ્રો ભૂરિલક્ષણઃ ।
તત્ર દેહાદ્યનારોપનિષ્ઠા દૃઢતરોઽઙ્કુશઃ ॥ ૧૯ ॥
અદ્વૈતબોધદુર્ગોઽયં યત્ર શત્રુર્ન કશ્ચન ।
જનતારામવિસ્તારો રમસ્વાત્ર યથાસુખમ ॥ ૨૦ ॥
કલ્પનાસંપરિત્યાગો મહારાજ્યં સમર્પયે ।
ભોક્તૃત્વાધ્યાસરાહિત્યં વરં દેહિ સહસ્રધા ॥ ૨૧ ॥
અખણ્ડા તવ પૂજેયં સદા ભવતુ સર્વદા ।
આત્મત્વાત્તવ મે સર્વપૂજૈવાસ્તિ ન ચાન્યથા ॥ ૨૨ ॥
ઇમાં પૂજાં પ્રતિદિનં યઃ પઠેદ્યત્રકુત્રચિત ।
સદ્યઃ શિવમયો ભૂત્વા મુક્તશ્ચરતિ ભૂતલે ॥ ૨૩ ॥
ઇતિ શ્રીમત્પરમહંસપરિવ્રાજકાચાર્યશ્રીમત્કૃષ્ણાનન્દસરસ્વતીવિરચિતા શિવમાનસપૂજા સમાપ્તા ॥
– Chant Stotra in Other Languages –
Shiva Manasa Puja in Bengali – Marathi – Gujarati – Kannada – Malayalam – Telugu