॥ Shiva Manasa Puja Telugu Lyrics ॥
॥ శివమానస పూజా ॥
ఓఉమ్ ప్రత్యక్ప్రవణధీవృత్యా హృద్గృహాన్తఃప్రవేశనమ్ ।
మణ్డపాన్తః ప్రవేశోఽయం పూజార్థం తవ శఙ్కర ॥ ౧ ॥
గురువాక్యేషు విశ్వాసః స్థితిరాసనసంస్థితిః ।
సర్వసఙ్కల్పసన్త్యాగః సఙ్కల్పస్తవ పూజనే ॥ ౨ ॥
సర్వాధారస్త్వమేవేతి నిశ్చయః పీఠపూజనమ్ ।
ధ్యానధ్యాతృధ్యేయబాధో ధ్యానమానన్దకారణమ్ ॥ ౩ ॥
దృశ్యప్రమార్జనం చిత్తాన్నిర్మాల్యస్య విసర్జనమ్ ।
అహం బ్రహ్మేత్యఖణ్డా యా వృత్తిర్ధారాభిషేచనమ్ ॥ ౪ ॥
పృథివ్యాత్మకతా దృష్టిస్తవ గన్ధసమర్పణమ్ ।
బోధోపశమవైరాగ్యం త్రిదళం బిల్వమర్పయే ॥ ౫ ॥ ।
ఆకాశాత్మకతాబోధః కుసుమార్పణమీశ్వర ।
జగదాకాశపుష్పాభమితి పద్మం సమర్పయే ॥ ౬ ॥
వాయుతేజోమయత్వం తే ధూపదీపావనుత్తమౌ ।
దృశ్యాసంభవబోధేన నిజానన్దేన తృప్తతా ॥ ౭ ॥
సర్వతః ప్రీతిజనకం నైవేద్యం వినివేదయే ।
జలాత్మకత్వబుద్ధిస్తు పీయూషం తేఽర్పయే పిబ ॥ ౮ ॥
కర్తవ్యేష్వప్రసక్తిస్తు హస్తప్రక్షాళనం తవ ॥ ౯ ॥
దుర్వాసనాపరిత్యాగస్తాంబూలస్య సమర్పణమ్ ।
వాచాం విసర్జనం దేవ దక్షిణా శ్రుతిసంమతా ॥ ౧౦ ॥
ఫలాభిసన్ధిరాహిత్యం ఫలార్పణమనుత్తమమ్ ।
అహమేవ పరం బ్రహ్మ సచిదానన్దలక్షణమ్ ॥ ౧౧ ॥
ఏవం నిదిధ్యాసవాక్యం స్తుతిః ప్రియకరీ తవ ।
నామరూపాణి న త్వత్తో భిన్నానీతి మతిస్తు యా ॥ ౧౨ ॥
తవ పుష్పాఞ్జలిః శమ్భో సర్వత్రోత్కీర్ణపుష్పకః ।
స్వప్రకాశాత్మబుద్ధిస్తు మహానీరాజనం తవ ॥ ౧౩ ॥
ప్రాదక్షిణ్యం సర్వతస్తే వ్యాప్తిబుద్ధిః స్మృతం శివ ।
త్వమేవాహమితి స్థిత్యా లీనతా ప్రణతిస్తవ ॥ ౧౪ ॥
శుద్ధసత్త్వస్యాభివృద్ధిశ్ఛత్రం తాపాపనోదనమ్ ।
రజస్తమస్తిరస్కారశ్చామరాన్దోళనే తవ ॥ ౧౫ ॥
నిజానన్దపరాఘూర్ణదోళనాన్దోళనే వస ।
ధన్యోఽహం కృతకృత్యోఽహమితి గానం తవ ప్రియమ్ ॥ ౧౬ ॥
నిరఙ్కుశం మహాతృప్త్యా నర్తనం తే ముదే శివ ।
నానావిధైః శబ్దజాలైర్జృంభణం వాద్యముత్తమమ్ ॥ ౧౭ ॥
శబ్దాతిగత్వబుద్ధిస్తు కల్యాణమితి డిణ్డిమః ।
వేగవత్తరగన్తాఽసౌ మనోఽశ్వస్తే సమర్పితః ॥ ౧౮ ॥
అహమ్భావమహామత్తగజేన్ద్రో భూరిలక్షణః ।
తత్ర దేహాద్యనారోపనిష్ఠా దృఢతరోఽఙ్కుశః ॥ ౧౯ ॥
అద్వైతబోధదుర్గోఽయం యత్ర శత్రుర్న కశ్చన ।
జనతారామవిస్తారో రమస్వాత్ర యథాసుఖమ్ ॥ ౨౦ ॥
కల్పనాసంపరిత్యాగో మహారాజ్యం సమర్పయే ।
భోక్తృత్వాధ్యాసరాహిత్యం వరం దేహి సహస్రధా ॥ ౨౧ ॥
అఖణ్డా తవ పూజేయం సదా భవతు సర్వదా ।
ఆత్మత్వాత్తవ మే సర్వపూజైవాస్తి న చాన్యథా ॥ ౨౨ ॥
ఇమాం పూజాం ప్రతిదినం యః పఠేద్యత్రకుత్రచిత్ ।
సద్యః శివమయో భూత్వా ముక్తశ్చరతి భూతలే ॥ ౨౩ ॥
ఇతి శ్రీమత్పరమహంసపరివ్రాజకాచార్యశ్రీమత్కృష్ణానన్దసరస్వతీవిరచితా శివమానసపూజా సమాప్తా ॥
– Chant Stotra in Other Languages –
Shiva Manasa Puja in Bengali – Marathi – Gujarati – Kannada – Malayalam – Telugu