॥ Shivapadadi Keshanta Varnana Stotram Bengali Lyrics ॥
॥ শিৱপাদাদি কেশান্ত ৱর্ণন স্তোত্রম ॥
কল্যাণং নো ৱিধত্তাং কটকতটলসত্কল্পৱাহীনিকুঞ্জ-
ক্রীডাসংসক্তৱিদ্যাধরনিৱহৱধূগীতরুদ্রাপদানঃ।
তারৈর্হেরম্বনাদৈস্তরলিতনিনদত্তারকারাতিকেকী
কৈলাসঃ শর্ৱনির্ৱৃত্যভিজনকপদঃ সর্ৱদা পর্ৱতেন্দ্রঃ ॥ ১ ॥
যস্য প্রাহুঃ স্ৱরূপং সকলদিৱিষদাং সারসর্ৱস্ৱযোগং
যত্যেষুঃ শার্ঙ্গধন্ৱা সমজনি জগতাং রক্ষণে জাগরূকঃ ।
মৌর্ৱী দর্ৱীকরাণামপি চ পরিৱৃঢঃ পূস্রযী সা চ লক্ষ্যং
সোঽৱ্যাদৱ্যাজমস্মানশিৱভিদনিশং নাকিনাং শ্রীপিনাকঃ ॥ ২ ॥
আতঙ্কাৱেগহারী সকলদিৱিষদামঙ্ঘ্রিপদ্মাশ্রযাণাং
মাতঙ্গাদ্যুগ্রদৈত্যপ্রকরতনুগলদ্রক্তধারাক্তধারঃ ।
ক্রূরঃ সূরাযুতানামপি চ পরিভৱং স্ৱীযভাসা ৱিতন্ৱন
ঘোরাকারঃ কুঠারো দৃঢতরদুরিতাখ্যাটৱীং পাটযেন্নঃ ।৩ ॥
কালারাতেঃ করাগ্রে কৃতৱসতিরুরঃশাণতাতো রিপূণাং
কালে কালে কুলাদ্রিপ্রৱরতনযযা কল্পিতস্নহলেপঃ ।
পাযান্নঃ পাৱকার্চিঃপ্রসরসখমুখঃ পাপহন্তা নিতান্তং
শূলঃ শ্রীপাদসেৱাভজনরসজুষাং পালনৈকান্তশীলঃ ॥ ৪ ॥
দেৱস্যাঙ্কাশ্রযাযাঃ কুলগিরিদুহিতুর্নেত্রকোণপ্রচার-
প্রস্তারানত্যুদারান্পিপটিষুরিৱ যো নিত্যমত্যাদরেণ ।
আধত্তে ভঙ্গিতুঙ্গৈরনিশমৱযৱৈরন্তরঙ্গং সমোদং
সোমাপীডস্য সোঽযং প্রদিশতু কুশলং পাণিরঙ্গঃ কুরঙ্গঃ ॥ ৫ ॥
কণ্ঠপ্রান্তাৱসজ্জত্কনকমযমহাঘণ্টিকাঘোরঘোষৈঃ
কণ্ঠারাৱৈরকুণ্ঠৈরপি ভরিতজগচ্চক্রৱালান্তরালঃ ।
চণডঃ প্রোদ্দণ্ডশৃঙ্গঃ ককুদকৱলিতোত্তুঙ্গকৈলাসশ্রৃঙ্গঃ
কণ্ঠে কালস্য ৱাহঃ শমযতু শমলং শাশ্ৱ্তঃ শাক্করেন্দ্রঃ ॥ ৬ ॥
নির্যদ্দানাম্বুধারাপরিমলতরলীভূতলোলম্বপালীঝঙ্কারৈঃ
শঙ্করাদ্রেঃ শিখরশতদরীঃ পূরযন্ভূরীঘোষৈঃ ।
শার্ঘঃ সৌৱর্ণশৈলপ্রতিমপৃথুৱপুঃ সর্ৱৱিঘ্নাপহর্তা
শর্ৱাণ্যাঃ পূর্ৱসূনুঃ স ভৱতু ভৱতাং স্ৱস্তিদো হস্তিৱক্ত্রঃ ॥ ৭ ॥
যঃ পুণ্যৈর্দেৱতানাং সমজনি শিৱযোঃ শ্লাঘ্যৱীর্যৈকমত্যা
যন্নাম্নি শ্রূযমাণে দিতিজভটঘটা ভীতিভারং ভজন্তে ।
ভূযাত্সোঽযং ৱিভূত্যৈ নিশিতশরশিখাপাটিতক্রৌঞ্চশৈলঃ
সংসারাগাধকূপোদরপতিতসমুত্তারকস্তারকারিঃ ॥ ৮ ॥
আরূঢঃ প্রৌঢৱেগপ্রৱিজিতপৱনং তুঙ্গতুঙ্গং তুরঙ্গং
চৈলং নীলং ৱসানঃ করতলৱিলসত্কাণ্ডকোদণ্ডদণ্ডঃ ।
রাগদ্ৱেষাদিনানাৱিধমৃগপটলীভীতিকৃদ্ভূতভর্তা
কুর্ৱন্নাখেটলীলাং পরিলসতু মনঃ কাননে মামকীনে ॥ ৯ ॥
অম্ভোজাভ্যাং চ রম্ভারথচরণলতাদ্ৱন্দ্ৱকুম্ভীন্দ্রকুম্ভৈ-
র্বিম্বেনেন্দোশ্চ কম্বোরুপরি ৱিলসতা ৱিদ্রুমেণোত্পলাভ্যাম ।
অম্ভোদেনাপি সংভাৱিতমুপজনিতাডম্বরং শম্বরারেঃ
শম্ভোঃ সংভোগযোগ্যং কিমপি ধনমিদং সংভৱেত্সংপদে নঃ ॥ ১০ ॥
ৱেণীসৌভাগ্যৱিস্মাপিততপনসুতাচারুৱেণীৱিলাসান
ৱাণীনির্ধূতৱাণীকরতলৱিধৃতোদারৱীণাৱিরাৱান ।
এণীনেত্রান্তভঙ্গীনিরসননিপুণাপাঙ্গকোণানুপাসে
শোণান্প্রাণানুদূঢপ্রতিনৱসুষমাকন্দলানিন্দুমৌলেঃ ॥ ১১ ॥
নৃত্তারম্ভেষু হস্তাহতমুরজধিমীধিক্কৃতৈরত্যুদারৈ-
শ্চিত্তানন্দং ৱিধত্তে সদসি ভগৱতঃ সন্ততং যঃ স নন্দী ।
চণ্ডীশাদ্যাস্তথাঽন্যে চতুরগুণগণপ্রীণিতস্ৱামিসত্কা-
রোত্কর্ষোদ্যত্প্রসাদাঃ প্রমথপরিৱৃঢাঃ সন্তু সন্তোষিণো নঃ ॥ ১২ ॥
মুক্তামাণিক্যজালৈঃ পরিকলিতমহাসালমালোকনীযং
প্রত্যুপ্তানর্ধরত্নৈর্দিশি দিশি ভৱনৈঃ কল্পিতৈর্দিক্পতীনাম ।
উদ্যানৈরদ্রিকন্যাপরিজনৱনিতামাননীযৈঃ পরিতং
হৃদ্যং হৄদ্যস্তু নিত্যং মম ভুৱনপতের্ধাম সোমার্ধমৌলেঃ ॥ ১৩ ॥
স্তম্ভৈর্জম্ভারিরত্নপ্রৱরৱিরচিতৈঃ সংভৃতোপান্তভাগং
শুম্ভত্সোপানমার্গং শুচিমণিনিচযৈর্গুম্ফিতানল্পশিল্পম ।
কুম্ভৈঃ সংপূর্ণশোভং শিরসি সুঘটিতৈঃ শাতকুম্ভৈরপঙ্কৈঃ
শম্ভোঃ সংভাৱনীযং সকলমুনিজনৈঃ স্ৱস্তিদং স্যাত্সদা নঃ ॥ ১৪ ॥
ন্যস্তো মধ্যে সভাযাঃ পরিসরৱিলসত্পাদপীঠাভিরামো
হৃদ্যঃ পাদৈশ্চতুর্ভিঃ কনকমণিমযৈরুচ্চকৈরুজ্জ্ৱলাত্মা ।
ৱাসোরত্নেন কেনাপ্যধিকমৃদুতরেণাস্তৃতো ৱিস্তৃতশ্রীপীঠঃ
পীডাভরং নঃ শমযতু শিৱযোঃ স্ৱৈরসংৱাসযোগ্যঃ ॥ ১৫ ॥
আসীনস্যাধিপীঠং ত্রিজগদধিপতেরঙ্ঘ্রিপীঠানুষক্তৌ
পাথোজাভোগভাজৌ পরিমৃদুলতলোল্লাসিপদ্মাভিলেখৌ ।
পাতাং পাদাৱুভৌ তৌ নমদমরকিরীটোল্লসচ্চারুহীর-
শ্রেণীশোণাযমানোন্নত নখদশকোদ্ভাসমানৌ সমানৌ ॥ ১৬ ॥
যন্নাদো ৱেদৱাচাং নিগদতি নিখিলং লক্ষণং পক্ষিকেতুর-
লক্ষ্মীসংভোগসৌখ্যং ৱিরচযতি যযোশ্চাপরে রূপভেদে ।
শংভোঃ সংভাৱনীযে পদকমলসমাসঙ্গতস্তুঙ্গশোভে
মাঙ্গল্যং নঃ সমগ্রং সকলসুখকরে নূপুরে পূরযেতাম ॥ ১৭ ॥
অঙ্গে শৃঙ্গারযোনেঃ সপদি শলভতাং নেত্রৱহ্নৌ প্রযাতে
শত্রোরুদ্ধৃত্য তস্মাদিষুধিযুগমধো ন্যস্তমগ্রে কিমেতত ।
শঙ্কামিত্থং নতানামমরপরিষদামন্তরঙ্কূরযত্তত-
সংঘাতং চারু জঙ্ঘাযুগমখিলপতেরংহসা সংহরেন্নঃ ॥ ১৮ ॥
জানুদ্ৱন্দ্ৱেন মীনধ্ৱজনৃৱরসমুদ্গোপমানেন সাকং
রাজন্তৌ রাজরম্ভাকরিকরকনকস্তম্ভসংভাৱনীযৌ ।
ঊরূ গৌরীকরাম্ভোরুহসরসসমামর্দনানন্দভাজৌ
চারূ দূরীক্রিযেতাং দুরিতমুপচিতং জন্মজন্মান্তরে নঃ ॥ ১৯ ॥
আমুক্তানর্ঘরত্নপ্রকরকরপরিষ্ৱক্তকল্যাণকাঞ্চী-
দাম্না বদ্ধেন দুগ্ধদ্যুতিনিচযমুষা চীনপট্টাম্বরেণ ।
সংৱীতে শৈলকন্যাসুচরিতপরিপাকাযমানে নিতম্বে
নিত্যং নর্নর্তু চিত্তং মম নিখিলজগত্স্ৱামিনঃ সোমমৌলেঃ ॥ ২০ ॥
সন্ধ্যাকালানুরজ্যদ্দিনকরসরুচা কালধৌতেন গাঢং
ৱ্যানদ্ধঃ স্নিগ্ধমুগ্ধঃ সরসমুদরবন্ধেন ৱীতোপমেন ।
উদ্দীপ্রৈঃ স্ৱপ্রকাশৈরুপচিতমহিমা মন্মথারেরুদারো
মধ্যো মিথ্যার্থসঘ্র্যঙ মম দিশতু সদা সঙ্গতিং মঙ্গলানাম ॥ ২১ ॥
নাভীচক্রালৱালান্নৱনৱসুষমাদোহদশ্রীপরীতা-
দুদ্গচ্ছন্তী পুরস্তাদুদরপথমতিক্রম্য ৱক্ষঃ প্রযান্তী ।
শ্যামা কামাগমার্থপ্রকথনলিপিৱদ্ভাসতে যা নিকামং
সা মাং সোমার্ধমৌলেঃ সুখযতু সততং রোমৱল্লীমতল্লী ॥ ২২ ॥
আশ্লেষেষ্ৱদ্রিজাযাঃ কঠিনকুচতটীলিপ্তকাশ্মীরপঙ্ক-
ৱ্যাসঙ্গাদ্যদুদ্যদর্কদ্যুতিভিরুপচিতস্পর্ধমুদ্দামহৃদ্যম ।
দক্ষারাতেরুদূঢপ্রতিনৱমণিমালাৱলীভাসমানং
ৱক্ষো ৱিক্ষোভিতাঘং সততনতিজুষাং রক্ষতাদক্ষতং নঃ ॥ ২৩ ॥
ৱামাঙ্কে ৱিস্ফুরন্ত্যাঃ করতলৱিলসচ্চারুরক্তোত্পলাযাঃ
কান্তাযা ৱামৱক্ষোরুহভরশিখরোন্মর্দনৱ্যগ্রমেকং ।
অন্যাংস্ত্রীনপ্যুদারান্ৱরপরশুমৃগালঙ্কৃতানিন্দুমৌলে-
র্বাহূনাবদ্ধহেমাঙ্গদমণিকটকানন্তরালোকযামঃ ॥ ২৪ ॥
সম্ম্রান্তাযাঃ শিৱাযাঃ পতিৱিলযভিযা সর্ৱলোকোপতাপাত-
সংৱিগ্নস্যাপি ৱিষ্ণোঃ সরভসমুভযোর্ৱারণপ্রেরণাভ্যাম ।
মধ্যে ত্রৈশঙ্কৱীযামনুভৱতি দশাং যত্র হালাহলোষ্মা
সোঽযং সর্ৱাপদাং নঃ শমযতু নিচযং নীলকণ্ঠস্য কণ্ঠঃ ॥ ২৫ ॥
হৃদ্যৈরদ্রীন্দ্রকন্যামৃদুদশনপদৈর্মুদ্রিতো ৱিদ্রুমশ্রী-
রুদ্দ্যোতন্ত্যা নিতান্তং ধৱলধৱলযা মিশ্রিতো দন্তকান্ত্যা ।
মুক্তামাণিক্যজালৱ্যতিকরসদৃশা তেজসা ভাসমানঃ
সদ্যোজাতস্য দদ্যাদধরমণিরসৌ সংপদাং সঞ্চযং নঃ ॥ ২৬ ॥
কর্ণালঙ্কারনানামণিনিকররুচাং সঞ্চযৈরঞ্চিতাযাং
ৱর্ণ্যাযাং স্ৱর্ণপদ্মোদরপরিৱিলসত্কর্ণিকাসন্নিভাযাম ।
পদ্ধত্যাং প্রাণৱাযোঃ প্রণতজনহৃদম্ভোজৱাসস্য
শংভোর্নিত্যং নশ্চিত্তমেতদ্ৱিরচযতু সুখে নাসিকাং নাসিকাযাম ॥ ২৭ ॥
অত্যন্তং ভাসমানে রুচিরতররুচাং সঙ্গমাত্সন্মণীনা-
মুদ্যচ্চণ্ডাংশুধামপ্রসরনিরসনস্পষ্টঅদৃষটাপদানে ।
ভূযাস্তাং ভূতযে নঃ করিৱরজযিনঃ কর্ণপাশাৱলম্বে
ভক্তালীভালসজ্জজ্জনিমরণলিপেঃ কুণ্ডলে কুণ্ডলে তে ॥ ২৮ ॥
যাভ্যাং কালৱ্যৱস্থা ভৱতি তনুমতাং যো মুখং দেৱতানাং
যেষামাহুঃ স্ৱরূপং জগতি মুনিৱরা দেৱতানাং ত্রযীং তাম ।
রুদ্রাণীৱক্ত্রপঙ্কেরুহসততৱিহারোত্সুকেন্দীৱরেভ্য-
স্তেভ্যস্ত্রিভ্যঃ প্রণামাঞ্জলিমুপরচযে ত্রীক্ষণস্যেক্ষণেভ্যঃ ॥ ২৯ ॥
ৱামং ৱামাঙ্কগাযা ৱদনসরসিজে ৱ্যাৱলদ্ৱল্লভাযা
ৱ্যানম্রেষ্ৱন্যদন্যত্পুনরলিকভৱং ৱীতনিঃশেষরৌক্ষ্যম ।
ভূযো ভূযোঽপি মোদান্নিপতদতিদযাশীতলং চূতবাণে
দক্ষারেরীক্ষণানাং ত্রযমপহরতাদাশু তাপত্রযং নঃ ॥ ৩০ ॥
যস্মিন্নর্ধেন্দুমুগ্ধদ্যুতিনিচযতিরস্কারনিস্তন্দ্রকান্তৌ
কাশ্মীরক্ষোদসঙ্কল্পিতমিৱ রুচিরং চিত্রকং ভাতি নেত্রম ।
তস্মিন্নুল্লীলচিল্লীনটৱরতরুণীলাস্যরঙ্গাযমাণে
কালারেঃ ফালদেশে ৱিহরতু হৃদযং ৱীতচিন্তান্তরং নঃ ॥ ৩১ ॥
স্ৱামিন গঙ্গামিৱাঙ্গীকুরু তৱ শিরসা মামপীত্যর্থযন্তীং
ধন্যাং কন্যাং খরাংশোঃ শিরসি ৱহতি কিংন্ৱেষ কারুণ্যশালী ।
ইত্থং শঙ্কাং জনানাং জনযদতিঘনং কৈশিকং কালমেঘ-
চ্ছাযং ভূযাদুদারং ত্রিপুরৱিজযিনঃ শ্রেযসে ভূযসে নঃ ॥ ৩২ ॥
শ্রৃঙ্গারাকল্পযোগ্যৈঃ শিখরিৱরসুতাসত্সখীহস্তলূনৈঃ
সূনৈরাবদ্ধমালাৱলিপরিৱিলসত্সৌরভাকৃষ্টভৃঙ্গম ।
তুঙ্গং মাণিক্যকান্ত্যা পরিহসিতসুরাৱাসশৈলেন্দ্রশ্রৃঙ্গং
সঙ্ঘং নঃ সঙ্কটানাং ৱিঘটযতু সদা কাঙ্কটীকং কিরীটম ॥ ৩৩ ॥
ৱক্রাকারঃ কলঙ্কী জডতনুরহমপ্যঙ্ঘ্রিসেৱানুভাৱা-
দুত্তংসত্ৱং প্রযাতঃ সুলভতরঘৃণাস্যন্দিনশ্চন্দ্রমৌলেঃ ।
তত্সেৱন্তাং জনৌঘাঃ শিৱমিতি নিজযাঽৱস্থযৈৱ ব্রুৱাণং
ৱন্দে দেৱস্য শংভোর্মুকুটসুঘটিতং মুগ্ধপীযূষভানুম ॥ ৩৪ ॥
কান্ত্যা সংফুল্লমল্লীকুসুমধৱলযা ৱ্যাপ্য ৱিশ্ৱং ৱিরাজন
ৱৃত্তাকারো ৱিতন্ৱন মুহুরপি চ পরাং নির্ৱৃতিং পাদভাজাম ।
সানন্দং নন্দিদোষ্ণা মণিকটকৱতা ৱাহ্মমানঃ পুরারেঃ
শ্ৱেতচ্ছত্রাখ্যশীতদ্যুতিরপহরতাদস্তাপদা নঃ ॥ ৩৫ ॥
দিৱ্যাকল্পোজ্জ্ৱলানাং শিৱগিরিসুতযোঃ পার্শ্ৱযোরাশ্রিতানাং
রুদ্রাণীসত্সখীনামতিতরলকটাক্ষাঞ্চলৈরঞ্চিতানাম ।
উদ্ৱেল্লদ্ৱাহুৱল্লীৱিলসনসমযে চামরান্দোলনীনামুদ্ভূতঃ
কঙ্কণালীৱলযকলকলো ৱারযেদাপদো নঃ ॥ ৩৬ ॥
স্ৱর্গৌকঃসুন্দরীণাং সুললিতৱপুষাং স্ৱামিসেৱাপরাণাং
ৱল্গদ্ভূষাণি ৱক্ত্রাম্বুজপরিৱিগলন্মুগ্ধগীতামৃতানি ।
নিত্যং নৃত্তান্যুপাসে ভুজৱিধুতিপদন্যাসভাৱাৱলোক-
প্রত্যুদ্যত্প্রীতিমাদ্যত্প্রমথনটনটীদত্তসম্ভাৱনানি ॥ ৩৭ ॥
স্থানপ্রাপ্ত্যা স্ৱরাণাং কিমপি ৱিশদতাং ৱ্যঞ্জযন্মঞ্জুৱীণা-
স্ৱানাৱচ্ছিন্নতালক্রমমমৃতমিৱাস্ৱাদ্যমানং শিৱাভ্যাম ।
নানারাগাতিহৃদ্যং নৱরসমধুরস্তোত্রজাতানু ৱিদ্ধং
গানং ৱীণামহর্ষেঃ কলমতিললিতং কর্ণপূরাযতাং নঃ ॥ ৩৮ ॥
চেতো জাতপ্রমোদং সপদি ৱিদধতী প্রাণিনাং ৱাণিনীনাং
পাণিদ্ৱন্দ্ৱাগ্রজাগ্রত্সুললিতরণিতস্ৱর্ণতালানুকূলা ।
স্ৱীযারাৱেণ পাথোধররৱপটুনা নাদযন্তী মযূরী
মাযূরীং মন্দভাৱং মণিমুরজভৱা মার্জনা মার্জযেন্নঃ ॥ ৩৯ ॥
দেৱেভ্যো দানৱেভ্যঃ পিতৃমুনিপরিষত্সিদ্ধৱিদ্যাধরেভ্যঃ
সাধ্যেভ্যশ্চারণেভ্যো মনুজপশুপতজ্জাতিকীটাদিকেভ্যঃ ।
শ্রীকৈলাসপ্ররূঢাস্তৃণৱিটপিমুখাশ্চাপি যে সন্তি তেভ্যঃ
সৱভ্যো নির্ৱিচারং নতিমুপরচযে শর্ৱপাদাশ্রযেভ্যঃ ॥ ৪০ ॥
ধ্যাযন্নিত্যং প্রভাতে প্রতিদিৱসমিদং স্তোত্ররত্নং পঠেদ্যঃ
কিংৱা ব্রূমস্তদীযং সুচরিতমথৱা কীর্তযামঃ সমাসাত ।
সম্পজ্জাতং সমগ্রং সদসি বহুমতিং সর্ৱলোকপ্রিযত্ৱং
সম্প্রাপ্যাযুঃশতান্তে পদমযতি পরব্রহ্মণো মন্মথারেঃ ॥ ৪১ ॥
ইতি শ্রীমত্পরমহংসপরিৱ্রাজকাচার্যস্য
শ্রীগোৱিন্দভগৱত্পূজ্যপাদশিষ্যস্য
শ্রীমচ্ছঙ্করাচার্যস্য কৃতম
শিৱপাদাদিকেশান্তৱর্ণনস্তোত্রং সংপূর্ণম ॥
– Chant Stotra in Other Languages –
Shivapadadi Keshanta Varnana Stotram in English – Marathi – Gujarati । Bengali – Kannada – Malayalam – Telugu