॥ శివపఞ్చాక్షర స్తోత్రమ్ Telugu Lyrics ॥
శివాయ నమః ॥
శివపఞ్చాక్షర స్తోత్రమ్
నాగేన్ద్రహారాయ త్రిలోచనాయ
భస్మాంగరాగాయ మహేశ్వరాయ –
నిత్యాయ శుద్ధాయ దిగంబరాయ
తస్మై నకారాయ నమః శివాయ ॥*౧॥
మన్దాకినీసలిలచన్దనచర్చితాయ
నన్దీశ్వరప్రమథనాథమహేశ్వరాయ –
మన్దార ముఖ్యబహుపుష్పసుపూజితాయ
తస్మై మకారాయ నమః శివాయ ॥౨॥
శివాయ గౌరీవదనాబ్జవృన్ద సూర్యాయ
దక్షాధ్వర నాశకాయ –
శ్రీనీలకణ్ఠాయ వృషధ్వజాయ
తస్మై శికారాయ నమః శివాయ ॥౩॥
వసిష్ఠకుంభోద్భవగౌతమార్యమునీన్ద్రదేవార్చితశేఖరాయ –
చద్రార్క వైశ్వానరలోచనాయ తస్మై వకారాయ నమః శివాయ ॥౪॥
యక్షస్వరూపాయ జటాధరాయ పినాకహస్తాయ సనాతనాయ –
దివ్యాయ దేవాయ దిగంబరాయ తస్మై యకారాయ నమః శివాయ ॥౫॥
పఞ్చాక్షరమిదం పుణ్యం యః పఠేచ్ఛివసన్నిధౌ –
శివలోకమవాప్నోతి శివేన సహ మోదతే ॥౬॥
ఇతి శ్రీమచ్ఛఙ్కరాచార్యవిరచితం శివపఞ్చాక్షరస్తోత్రం సంపూర్ణమ్ ॥
(*౧-అస్యాగ్రే ’ఆసమాప్తం’ ఇత్యాదిప్రక్షిప్తశ్లోకాః క్వచిద్ద్రుశ్యన్తే ।)