॥ Shri Shanmukha Stotram English Lyrics ॥
॥ śrī ṣaṇmukha stōtram ॥
nāradādidēvayōgibr̥ndahr̥nnikētanaṁ
barhivaryavāhaminduśēkharēṣṭanandanam ।
bhaktalōkarōgaduḥkhapāpasaṅghabhañjanaṁ
bhāvayāmi sindhutīravāsinaṁ ṣaḍānanam ॥ 1 ॥
tārakārīmindramukhyadēvabr̥ndavanditaṁ
candracandanādi śītalāṅkamātmabhāvitam ।
yakṣasiddhakinnarādimukhyadivyapūjitaṁ
bhāvayāmi sindhutīravāsinaṁ ṣaḍānanam ॥ 2 ॥
campakābjamālatīsumādimālyabhūṣitaṁ
divyaṣaṭkirīṭahārakuṇḍalādyalaṅkr̥tam ।
kuṅkumādiyuktadivyagandhapaṅkalēpitaṁ
bhāvayāmi sindhutīravāsinaṁ ṣaḍānanam ॥ 3 ॥
āśritākhilēṣṭalōkarakṣaṇāmarāṅghripaṁ
śaktipāṇimacyutēndrapadmasambhavādhipam ।
śiṣṭalōkacintitārthasiddhidānalōlupaṁ
bhāvayāmi sindhutīravāsinaṁ ṣaḍānanam ॥ 4 ॥
vīrabāhu pūrvakōṭivīrasaṅghasaukhyadaṁ
śūrapadmamukhyalakṣakōṭiśūramuktidam ।
indrapūrvadēvasaṅghasiddhanityasaukhyadaṁ
bhāvayāmi sindhutīravāsinaṁ ṣaḍānanam ॥ 5 ॥
jambavairikāminīmanōrathābhipūrakaṁ
kumbhasambhavāya sarvadharmasāradāyakam ।
taṁ bhavābdhipōtamambikēyamāśu siddhidaṁ
bhāvayāmi sindhutīravāsinaṁ ṣaḍānanam ॥ 6 ॥
pūrṇacandrabimbakōṭitulyavaktrapaṅkajaṁ
varṇanīyasaccaritramiṣṭasiddhidāyakam ।
svarṇavarṇagātramugrasiddhalōkaśikṣakaṁ
bhāvayāmi sindhutīravāsinaṁ ṣaḍānanam ॥ 7 ॥
pūrvajanmasañcitāghasaṅghabhaṅgatatparaṁ
sarvadharmadānakarmapūrvapuṇyasiddhidam ।
sarvaśatrusaṅghabhaṅgadakṣamindrajāpatiṁ
bhāvayāmi sindhutīravāsinaṁ ṣaḍānanam ॥ 8 ॥
iti śrīmacchaṅkarabhagavataḥ kr̥tau tirucēndūr śrī ṣaṇmukha stōtram ।
– Chant Stotra in Other Languages –
Sri Subrahmanya / Kartikeya / Muruga Stotram » Shri Shanmukha Stotram in Lyrics in Sanskrit » Kannada » Telugu » Tamil