॥ Shrikalantaka Ashtakam Kannada Lyrics ॥
॥ ಶ್ರೀಕಾಲಾನ್ತಕಾಷ್ಟಕಮ್ ॥
ಶ್ರೀಕಾಲಾನ್ತಕ ಅಷ್ಟಕಮ್
ಕಮಲಾಪತಿಮುಖಸುರವರಪೂಜಿತ ಕಾಕೋಲಭಾಸಿತಗ್ರೀವ ।
ಕಾಕೋದರಪತಿಭೂಷಣ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೧ ॥
ಕಮಲಾಭಿಮಾನವಾರಣದಕ್ಷಾಙ್ಘ್ರೇ ವಿಮಲಶೇಮುಷೀದಾಯಿನ್ ।
ನತಕಾಮಿತಫಲದಾಯಕ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೨ ॥
ಕರುಣಾಸಾಗರ ಶಂಭೋ ಶರಣಾಗತಲೋಕರಕ್ಷಣಧುರೀಣ ।
ಕಾರಣ ಸಮಸ್ತಜಗತಾಂ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೩ ॥
ಪ್ರಣತಾರ್ತಿಹರಣದಕ್ಷ ಪ್ರಣವಪ್ರತಿಪಾದ್ಯ ಪರ್ವತಾವಾಸ ।
ಪ್ರಣಮಾಮಿ ತವ ಪದಾಬ್ಜೇ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೪ ॥
ಮನ್ದಾರನತಜನಾನಾಂ ವೃನ್ದಾರಕವೃನ್ದಗೇಯಸುಚರಿತ್ರ ।
ಮುನಿಪುತ್ರಮೃತ್ಯುಹಾರಿನ್ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೫ ॥
ಮಾರಾರಣ್ಯದವಾನಲ ಮಾಯಾವಾರೀನ್ದ್ರಕುಂಭಸಞ್ಜಾತ ।
ಮಾತಙ್ಗಚರ್ಮವಾಸಃ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೬ ॥
ಮೋಹಾನ್ಧಕಾರಭಾನೋ ಮೋದಿತಗಿರಿಜಾಮನಃಸರೋಜಾತ ।
ಮೋಕ್ಷಪ್ರದ ಪ್ರಣಮತಾಂ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೭ ॥
ವಿದ್ಯಾನಾಯಕ ಮಹ್ಯಂ ವಿದ್ಯಾಂ ದತ್ತ್ವಾ ನಿವಾರ್ಯ ಚಾವಿದ್ಯಾಮ್ ।
ವಿದ್ಯಾಧರಾದಿಸೇವಿತ ಕಾಲಾನ್ತಕ ಪಾಹಿ ಪಾರ್ವತೀನಾಥ ॥ ೮ ॥
ಕಾಲಾನ್ತಕಾಷ್ಟಕಮಿದಂ ಪಠತಿ ಜನೋ ಯಃ ಕೃತಾದರೋ ಲೋಕೇ
ಕಾಲಾನ್ತಕಪ್ರಸಾದಾತ್ಕಾಲಕೃತಾ ಭೀರ್ನ ಸಂಭವೇತ್ತಸ್ಯ ॥ ೯ ॥
ಇತಿ ಕಾಲಾನ್ತಕಾಷ್ಟಕಂ ಸಂಪೂರ್ಣಮ್ ॥
– Chant Stotra in Other Languages –
Shrikalantaka Ashtakam in English – Marathi – Gujarati । Bengali – Kannada – Malayalam – Telugu