॥ Shrikalantaka Ashtakam Telugu Lyrics ॥
॥ శ్రీకాలాన్తకాష్టకమ్ ॥
శివాయ నమః ॥
శ్రీకాలాన్తక అష్టకమ్
కమలాపతిముఖసురవరపూజిత కాకోలభాసితగ్రీవ ।
కాకోదరపతిభూషణ కాలాన్తక పాహి పార్వతీనాథ ॥ ౧ ॥
కమలాభిమానవారణదక్షాఙ్ఘ్రే విమలశేముషీదాయిన్ ।
నతకామితఫలదాయక కాలాన్తక పాహి పార్వతీనాథ ॥ ౨ ॥
కరుణాసాగర శంభో శరణాగతలోకరక్షణధురీణ ।
కారణ సమస్తజగతాం కాలాన్తక పాహి పార్వతీనాథ ॥ ౩ ॥
ప్రణతార్తిహరణదక్ష ప్రణవప్రతిపాద్య పర్వతావాస ।
ప్రణమామి తవ పదాబ్జే కాలాన్తక పాహి పార్వతీనాథ ॥ ౪ ॥
మన్దారనతజనానాం వృన్దారకవృన్దగేయసుచరిత్ర ।
మునిపుత్రమృత్యుహారిన్ కాలాన్తక పాహి పార్వతీనాథ ॥ ౫ ॥
మారారణ్యదవానల మాయావారీన్ద్రకుంభసఞ్జాత ।
మాతఙ్గచర్మవాసః కాలాన్తక పాహి పార్వతీనాథ ॥ ౬ ॥
మోహాన్ధకారభానో మోదితగిరిజామనఃసరోజాత ।
మోక్షప్రద ప్రణమతాం కాలాన్తక పాహి పార్వతీనాథ ॥ ౭ ॥
విద్యానాయక మహ్యం విద్యాం దత్త్వా నివార్య చావిద్యామ్ ।
విద్యాధరాదిసేవిత కాలాన్తక పాహి పార్వతీనాథ ॥ ౮ ॥
కాలాన్తకాష్టకమిదం పఠతి జనో యః కృతాదరో లోకే
కాలాన్తకప్రసాదాత్కాలకృతా భీర్న సంభవేత్తస్య ॥ ౯ ॥
ఇతి కాలాన్తకాష్టకం సంపూర్ణమ్ ॥
– Chant Stotra in Other Languages –
Shrikalantaka Ashtakam in English – Marathi – Gujarati । Bengali – Kannada – Malayalam – Telugu