॥ Shukadeva Sri Krishna Stuti Malayalam Lyrics ॥
॥ ശ്രീശുകപ്രോക്താ ശ്രീകൃഷ്ണസ്തുതിഃ ॥
ശ്രീശുക ഉവാച –
നമഃ പരസ്മൈ പുരുഷായ ഭൂയസേ സദുദ്ഭവസ്ഥാനനിരോധലീലയാ ।
ഗൃഹീതശക്തിത്രിതയായ ദേഹിനാമന്തര്‍ഭവായാനുപലക്ഷ്യവര്‍ത്മനേ ॥ 1 ॥
ഭൂയോ നമഃ സദ്വൃജിനച്ഛിദേഽസതാമസംഭവായാഖിലസത്ത്വമൂര്‍തയേ ।
പുംസാം പുനഃ പാരമഹംസ്യ ആശ്രമേ വ്യവസ്ഥിതാനാമനുമൃഗ്യദാശുഷേ ॥ 2 ॥
നമോ നമസ്തേഽസ്ത്വൃഷഭായ സാത്വതാം വിദൂരകാഷ്ഠായ മുഹുഃ കുയോഗിനാം ।
നിരസ്തസാംയാതിശയേന രാധസാ സ്വധാമനി ബ്രഹ്മണി രംസ്യതേ നമഃ ॥ 3 ॥
യത്കീര്‍തനം യത്സ്മരണം യദീക്ഷണം യദ്വന്ദനം യച്ഛ്രവണം യദര്‍ഹണം ।
ലോകസ്യ സദ്യോ വിധുനോതി കല്‍മഷം തസ്മൈ സുഭദ്രശ്രവസേ നമോ നമഃ ॥ 4 ॥
വിചക്ഷണാ യച്ചരണോപസാദനാത്സങ്ഗം വ്യുദസ്യോഭയതോഽന്തരാത്മനഃ ।
വിന്ദന്തി ഹി ബ്രഹ്മഗതിം ഗതക്ലമാസ്തസ്മൈ സുഭദ്രശ്രവസേ നമോ നമഃ ॥ 5 ॥
തപസ്വിനോ ദാനപരാ യശസ്വിനോ മനസ്വിനോ മന്ത്രവിദഃ സുമങ്ഗലാഃ ।
ക്ഷേമം ന വിന്ദന്തി വിനാ യദര്‍പണം തസ്മൈ സുഭദ്രശ്രവസേ നമോ നമഃ ॥ 6 ॥
കിരാതഹൂണാന്ധ്രപുലിന്ദപുല്‍കശാ ആഭീരശുംഭാ യവനാഃ ഖസാദയഃ ।
യേഽന്യേ ച പാപാ യദപാശ്രയാശ്രയാഃ ശുധ്യന്തി തസ്മൈ പ്രഭവിഷ്ണവേ നമഃ ॥ 7 ॥
സ ഏഷ ആത്മാത്മവതാമധീശ്വരസ്ത്രയീമയോ ധര്‍മമയസ്തപോമയഃ ।
ഗതവ്യലീകൈരജശങ്കരാദിഭിര്‍വിതര്‍ക്യലിങ്ഗോ ഭഗവാന്‍പ്രസീദതാം ॥ 8 ॥
ശ്രിയഃ പതിര്യജ്ഞപതിഃ പ്രജാപതിര്‍ധിയാം പതിര്ലോകപതിര്‍ധരാപതിഃ ।
പതിര്‍ഗതിശ്ചാന്ധകവൃഷ്ണിസാത്വതാം പ്രസീദതാം മേ ഭഗവാന്‍സതാം പതിഃ ॥ 9 ॥
ഇതി ശ്രീമദ്ഭാഗവതേ മഹാപുരാണേ പാരമഹംസ്യാം സംഹിതായാം ദ്വിതീയസ്കന്ധേ
ചതുര്‍ഥോഽധ്യായേ ശ്രീശുകപ്രോക്താ ശ്രീകൃഷ്ണസ്തുതിഃ സമാപ്താ ॥ 4 ॥
– Chant Stotra in Other Languages –
Sri Krishna Mantra » Shukadeva Sri Krishna Stuti Lyrics in Sanskrit » English » Bengali » Gujarati » Kannada » Odia » Telugu » Tamil