॥ Sri Anjaneya Sahasranama Stotram Kannada Lyrics ॥
॥ ಶ್ರೀ ಆಂಜನೇಯ ಸಹಸ್ರನಾಮ ಸ್ತೋತ್ರಂ ॥
ಓಂ ಅಸ್ಯ ಶ್ರೀಹನುಮತ್ಸಹಸ್ರನಾಮಸ್ತೋತ್ರ ಮನ್ತ್ರಸ್ಯ ಶ್ರೀರಾಮಚನ್ದ್ರಋಷಿಃ – ಅನುಷ್ಟುಪ್ಛನ್ದಃ – ಶ್ರೀಹನುಮಾನ್ಮಹಾರುದ್ರೋ ದೇವತಾ – ಹ್ರೀಂ ಶ್ರೀಂ ಹ್ರೌಂ ಹ್ರಾಂ ಬೀಜಂ – ಶ್ರೀಂ ಇತಿ ಶಕ್ತಿಃ – ಕಿಲಿಕಿಲ ಬು ಬು ಕಾರೇಣ ಇತಿ ಕೀಲಕಮ್ – ಲಂಕಾವಿಧ್ವಂಸನೇತಿ ಕವಚಮ್ – ಮಮ ಸರ್ವೋಪದ್ರವಶಾನ್ತ್ಯರ್ಥೇ ಮಮ ಸರ್ವಕಾರ್ಯಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
ಧ್ಯಾನಂ –
ಪ್ರತಪ್ತಸ್ವರ್ಣವರ್ಣಾಭಂ ಸಂರಕ್ತಾರುಣಲೋಚನಮ್ ।
ಸುಗ್ರೀವಾದಿಯುತಂ ಧ್ಯಾಯೇತ್ ಪೀತಾಂಬರಸಮಾವೃತಮ್ ॥
ಗೋಷ್ಪದೀಕೃತವಾರಾಶಿಂ ಪುಚ್ಛಮಸ್ತಕಮೀಶ್ವರಮ್ ।
ಜ್ಞಾನಮುದ್ರಾಂ ಚ ಬಿಭ್ರಾಣಂ ಸರ್ವಾಲಂಕಾರಭೂಷಿತಮ್ ॥
ವಾಮಹಸ್ತಸಮಾಕೃಷ್ಟದಶಾಸ್ಯಾನನಮಣ್ಡಲಮ್ ।
ಉದ್ಯದ್ದಕ್ಷಿಣದೋರ್ದಣ್ಡಂ ಹನೂಮನ್ತಂ ವಿಚಿನ್ತಯೇತ್ ॥
ಸ್ತೋತ್ರಂ –
ಓಂ ಹನೂಮಾನ್ ಶ್ರೀಪ್ರದೋ ವಾಯುಪುತ್ರೋ ರುದ್ರೋಽನಘೋಽಜರಃ ।
ಅಮೃತ್ಯುರ್ವೀರವೀರಶ್ಚ ಗ್ರಾಮವಾಸೋ ಜನಾಶ್ರಯಃ ॥ ೧ ॥
ಧನದೋ ನಿರ್ಗುಣಶ್ಶೂರೋ ವೀರೋ ನಿಧಿಪತಿರ್ಮುನಿಃ ।
ಪಿಂಗಾಕ್ಷೋ ವರದೋ ವಾಗ್ಮೀ ಸೀತಾಶೋಕವಿನಾಶನಃ ॥ ೨ ॥
ಶಿವಃ ಶರ್ವಃ ಪರೋಽವ್ಯಕ್ತೋ ವ್ಯಕ್ತಾವ್ಯಕ್ತೋ ಧರಾಧರಃ ।
ಪಿಂಗಕೇಶಃ ಪಿಂಗರೋಮಾ ಶ್ರುತಿಗಮ್ಯಃ ಸನಾತನಃ ॥ ೩ ॥
ಅನಾದಿರ್ಭಗವಾನ್ ದೇವೋ ವಿಶ್ವಹೇತುರ್ಜನಾಶ್ರಯಃ ।
ಆರೋಗ್ಯಕರ್ತಾ ವಿಶ್ವೇಶೋ ವಿಶ್ವನಾಥೋ ಹರೀಶ್ವರಃ ॥ ೪ ॥
ಭರ್ಗೋ ರಾಮೋ ರಾಮಭಕ್ತಃ ಕಳ್ಯಾಣಃ ಪ್ರಕೃತಿಸ್ಥಿರಃ ।
ವಿಶ್ವಂಭರೋ ವಿಶ್ವಮೂರ್ತಿರ್ವಿಶ್ವಾಕಾರಶ್ಚ ವಿಶ್ವಪಃ ॥ ೫ ॥
ವಿಶ್ವಾತ್ಮಾ ವಿಶ್ವಸೇವ್ಯೋಽಥ ವಿಶ್ವೋ ವಿಶ್ವಹರೋ ರವಿಃ ।
ವಿಶ್ವಚೇಷ್ಟೋ ವಿಶ್ವಗಮ್ಯೋ ವಿಶ್ವಧ್ಯೇಯಃ ಕಲಾಧರಃ ॥ ೬ ॥
ಪ್ಲವಂಗಮಃ ಕಪಿಶ್ರೇಷ್ಠೋ ಜ್ಯೇಷ್ಠೋ ವಿದ್ಯಾವನೇಚರಃ ।
ಬಾಲೋ ವೃದ್ಧೋ ಯುವಾ ತತ್ತ್ವಂ ತತ್ತ್ವಗಮ್ಯಃ ಸುಖೋ ಹ್ಯಜಃ ॥ ೭ ॥
ಅಂಜನಾಸೂನುರವ್ಯಗ್ರೋ ಗ್ರಾಮಶಾಂತೋ ಧರಾಧರಃ ।
ಭೂರ್ಭುವಃಸ್ವರ್ಮಹರ್ಲೋಕೋ ಜನೋಲೋಕಸ್ತಪೋಽವ್ಯಯಃ ॥ ೮ ॥
ಸತ್ಯಮೋಂಕಾರಗಮ್ಯಶ್ಚ ಪ್ರಣವೋ ವ್ಯಾಪಕೋಽಮಲಃ ।
ಶಿವೋ ಧರ್ಮಪ್ರತಿಷ್ಠಾತಾ ರಾಮೇಷ್ಟಃ ಫಲ್ಗುಣಪ್ರಿಯಃ ॥ ೯ ॥
ಗೋಷ್ಪದೀಕೃತವಾರಾಶಿಃ ಪೂರ್ಣಕಾಮೋ ಧರಾಪತಿಃ ।
ರಕ್ಷೋಘ್ನಃ ಪುಂಡರೀಕಾಕ್ಷಃ ಶರಣಾಗತವತ್ಸಲಃ ॥ ೧೦ ॥
ಜಾನಕೀಪ್ರಾಣದಾತಾ ಚ ರಕ್ಷಃ ಪ್ರಾಣಾಪಹಾರಕಃ ।
ಪೂರ್ಣಸತ್ತ್ವಃ ಪೀತವಾಸಾಃ ದಿವಾಕರಸಮಪ್ರಭಃ ॥ ೧೧ ॥
ದ್ರೋಣಹರ್ತಾ ಶಕ್ತಿನೇತಾ ಶಕ್ತಿರಾಕ್ಷಸಮಾರಕಃ ।
ರಕ್ಷೋಘ್ನೋ ರಾಮದೂತಶ್ಚ ಶಾಕಿನೀಜೀವಹಾರಕಃ ॥ ೧೨ ॥
ಭುಭುಕ್ಕಾರಹತಾರಾತಿರ್ಗರ್ವಃ ಪರ್ವತಭೇದನಃ ।
ಹೇತುಮಾನ್ ಪ್ರಾಂಶುಬೀಜಂ ಚ ವಿಶ್ವಭರ್ತಾ ಜಗದ್ಗುರುಃ ॥ ೧೩ ॥
ಜಗತ್ತ್ರಾತಾ ಜಗನ್ನಾಥೋ ಜಗದೀಶೋ ಜನೇಶ್ವರಃ ।
ಜಗತ್ಪಿತಾ ಹರಿಃ ಶ್ರೀಶೋ ಗರುಡಸ್ಮಯಭಂಜನಃ ॥ ೧೪ ॥
ಪಾರ್ಥಧ್ವಜೋ ವಾಯುಪುತ್ರೋಽಮಿತಪುಚ್ಛೋಽಮಿತಪ್ರಭಃ ।
ಬ್ರಹ್ಮಪುಚ್ಛಃ ಪರಬ್ರಹ್ಮಪುಚ್ಛೋ ರಾಮೇಷ್ಟ ಏವ ಚ ॥ ೧೫ ॥
ಸುಗ್ರೀವಾದಿಯುತೋ ಜ್ಞಾನೀ ವಾನರೋ ವಾನರೇಶ್ವರಃ ।
ಕಲ್ಪಸ್ಥಾಯೀ ಚಿರಂಜೀವೀ ಪ್ರಸನ್ನಶ್ಚ ಸದಾಶಿವಃ ॥ ೧೬ ॥
ಸನ್ಮತಿಃ ಸದ್ಗತಿರ್ಭುಕ್ತಿಮುಕ್ತಿದಃ ಕೀರ್ತಿದಾಯಕಃ ।
ಕೀರ್ತಿಃ ಕೀರ್ತಿಪ್ರದಶ್ಚೈವ ಸಮುದ್ರಃ ಶ್ರೀಪ್ರದಃ ಶಿವಃ ॥ ೧೭ ॥
ಉದಧಿಕ್ರಮಣೋ ದೇವಃ ಸಂಸಾರಭಯನಾಶನಃ ।
ವಾರ್ಧಿಬಂಧನಕೃದ್ವಿಶ್ವಜೇತಾ ವಿಶ್ವಪ್ರತಿಷ್ಠಿತಃ ॥ ೧೮ ॥
ಲಂಕಾರಿಃ ಕಾಲಪುರುಷೋ ಲಂಕೇಶಗೃಹಭಂಜನಃ ।
ಭೂತಾವಾಸೋ ವಾಸುದೇವೋ ವಸುಸ್ತ್ರಿಭುವನೇಶ್ವರಃ ॥
ಶ್ರೀರಾಮದೂತಃ ಕೃಷ್ಣಶ್ಚ ಲಂಕಾಪ್ರಾಸಾದಭಂಜನಃ ।
ಕೃಷ್ಣಃ ಕೃಷ್ಣಸ್ತುತಃ ಶಾಂತಃ ಶಾಂತಿದೋ ವಿಶ್ವಭಾವನಃ ॥ ೨೦ ॥
ವಿಶ್ವಭೋಕ್ತಾ ಚ ಮಾರೀಘ್ನೋ ಬ್ರಹ್ಮಚಾರೀ ಜಿತೇಂದ್ರಿಯಃ ।
ಊರ್ಧ್ವಗೋ ಲಾಂಗುಲೀ ಮಾಲೀ ಲಾಂಗೂಲಹತರಾಕ್ಷಸಃ ॥ ೨೧ ॥
ಸಮೀರತನುಜೋ ವೀರೋ ವೀರಮಾರೋ ಜಯಪ್ರದಃ ।
ಜಗನ್ಮಂಗಳದಃ ಪುಣ್ಯಃ ಪುಣ್ಯಶ್ರವಣಕೀರ್ತನಃ ॥ ೨೨ ॥
ಪುಣ್ಯಕೀರ್ತಿಃ ಪುಣ್ಯಗತಿಃ ಜಗತ್ಪಾವನಪಾವನಃ ।
ದೇವೇಶೋ ಜಿತರೋಧಶ್ಚ ರಾಮಭಕ್ತಿವಿಧಾಯಕಃ ॥ ೨೩ ॥
ಧ್ಯಾತಾ ಧ್ಯೇಯೋ ನಭಸ್ಸಾಕ್ಷೀ ಚೇತಶ್ಚೈತನ್ಯವಿಗ್ರಹಃ ।
ಜ್ಞಾನದಃ ಪ್ರಾಣದಃ ಪ್ರಾಣೋ ಜಗತ್ಪ್ರಾಣಃ ಸಮೀರಣಃ ॥ ೨೪ ॥
ವಿಭೀಷಣಪ್ರಿಯಃ ಶೂರಃ ಪಿಪ್ಪಲಾಶ್ರಯಸಿದ್ಧಿದಃ ।
ಸುಹೃತ್ಸಿದ್ಧಾಶ್ರಯಃ ಕಾಲಃ ಕಾಲಭಕ್ಷಕಭರ್ಜಿತಃ ॥ ೨೫ ॥
ಲಂಕೇಶನಿಧನ ಸ್ಥಾಯೀ ಲಂಕಾದಾಹಕ ಈಶ್ವರಃ ।
ಚಂದ್ರಸೂರ್ಯಾಗ್ನಿನೇತ್ರಶ್ಚ ಕಾಲಾಗ್ನಿಃ ಪ್ರಳಯಾಂತಕಃ ॥ ೨೬ ॥
ಕಪಿಲಃ ಕಪಿಶಃ ಪುಣ್ಯರಾಶಿರ್ದ್ವಾದಶರಾಶಿಗಃ ।
ಸರ್ವಾಶ್ರಯೋಽಪ್ರಮೇಯಾತ್ಮಾ ರೇವತ್ಯಾದಿನಿವಾರಕಃ ॥ ೨೭ ॥
ಲಕ್ಷ್ಮಣಪ್ರಾಣದಾತಾ ಚ ಸೀತಾಜೀವನಹೇತುಕಃ ।
ರಾಮಧ್ಯೇಯೋ ಹೃಷೀಕೇಶೋ ವಿಷ್ಣುಭಕ್ತೋ ಜಟೀ ಬಲೀ ॥ ೨೮ ॥
ದೇವಾರಿದರ್ಪಹಾ ಹೋತಾ ಕರ್ತಾ ಹರ್ತಾ ಜಗತ್ಪ್ರಭುಃ ।
ನಗರಗ್ರಾಮಪಾಲಶ್ಚ ಶುದ್ಧೋ ಬುದ್ಧೋ ನಿರಂತರಃ ॥ ೨೯ ॥
ನಿರಂಜನೋ ನಿರ್ವಿಕಲ್ಪೋ ಗುಣಾತೀತೋ ಭಯಂಕರಃ ।
ಹನುಮಾಂಶ್ಚ ದುರಾರಾಧ್ಯಸ್ಸ್ತಪಸ್ಸಾಧ್ಯೋಽಮರೇಶ್ವರಃ ॥ ೩೦ ॥
ಜಾನಕೀಘನಶೋಕೋತ್ಥತಾಪಹರ್ತಾ ಪರಾತ್ಪರಃ ।
ವಾಙ್ಮಯಃ ಸದಸದ್ರೂಪಃ ಕಾರಣಂ ಪ್ರಕೃತೇಃ ಪರಃ ॥ ೩೧ ॥
ಭಾಗ್ಯದೋ ನಿರ್ಮಲೋ ನೇತಾ ಪುಚ್ಛಲಂಕಾವಿದಾಹಕಃ ।
ಪುಚ್ಛಬದ್ಧೋ ಯಾತುಧಾನೋ ಯಾತುಧಾನರಿಪುಪ್ರಿಯಃ ॥ ೩೨ ॥
ಛಾಯಾಪಹಾರೀ ಭೂತೇಶೋ ಲೋಕೇಶಃ ಸದ್ಗತಿಪ್ರದಃ ।
ಪ್ಲವಂಗಮೇಶ್ವರಃ ಕ್ರೋಧಃ ಕ್ರೋಧಸಂರಕ್ತಲೋಚನಃ ॥ ೩೩ ॥
ಕ್ರೋಧಹರ್ತಾ ತಾಪಹರ್ತಾ ಭಕ್ತಾಭಯವರಪ್ರದಃ ।
ಭಕ್ತಾನುಕಂಪೇ ವಿಶ್ವೇಶಃ ಪುರುಹೂತಃ ಪುರಂದರಃ ॥ ೩೪ ॥
ಅಗ್ನಿರ್ವಿಭಾವಸುರ್ಭಾಸ್ವಾನ್ ಯಮೋ ನಿರ‍ೃತಿರೇವ ಚ ।
ವರುಣೋ ವಾಯುಗತಿಮಾನ್ ವಾಯುಃ ಕೌಬೇರ ಈಶ್ವರಃ ॥ ೩೫ ॥
ರವಿಶ್ಚಂದ್ರಃ ಸುಖಃ ಸೌಮ್ಯೋ ಗುರುಃ ಕಾವ್ಯಃ ಶನೈಶ್ಚರಃ ।
ರಾಹುಃ ಕೇತುರ್ಮರುದ್ಧೋತಾ ಧಾತಾ ಹರ್ತಾ ಸಮೀರಕಃ ॥ ೩೬ ॥
ಮಶಕೀಕೃತದೇವಾರಿಃ ದೈತ್ಯಾರಿರ್ಮಧುಸೂದನಃ ।
ಕಾಮಃ ಕಪಿಃ ಕಾಮಪಾಲಃ ಕಪಿಲೋ ವಿಶ್ವಜೀವನಃ ॥ ೩೭ ॥
ಭಾಗೀರಥಿಪದಾಂಭೋಜಃ ಸೇತುಬಂಧವಿಶಾರದಃ ।
ಸ್ವಾಹಾ ಸ್ವಧಾ ಹವಿಃ ಕವ್ಯಂ ಹವ್ಯಕವ್ಯಪ್ರಕಾಶಕಃ ॥ ೩೮ ॥
ಸ್ವಪ್ರಕಾಶೋ ಮಹಾವೀರೋ ಲಘುಶ್ಚಾಮಿತವಿಕ್ರಮಃ ।
ಪ್ರಡ್ಡಿನೋಡ್ಡೀನಗತಿಮಾನ್ ಸದ್ಗತಿಃ ಪುರುಷೋತ್ತಮಃ ॥ ೩೯ ॥
ಜಗದಾತ್ಮಾ ಜಗದ್ಯೋನಿರ್ಜಗದಂತೋ ಹ್ಯನಂತಕಃ ।
ವಿಪಾಪ್ಮಾ ನಿಷ್ಕಳಂಕಽಶ್ಚ ಮಹಾನ್ ಮಹದಹಂಕೃತಿಃ ॥ ೪೦ ॥
ಖಂ ವಾಯುಃ ಪೃಥಿವೀ ಹ್ಯಾಪೋ ವಹ್ನಿರ್ದಿಕ್ಕಾಲ ಏವಚ ।
ಕ್ಷೇತ್ರಜ್ಞಃ ಕ್ಷೇತ್ರಪಾಲಶ್ಚ ಪಲ್ವಲೀಕೃತಸಾಗರಃ ॥ ೪೧ ॥
ಹಿರಣ್ಮಯಃ ಪುರಾಣಶ್ಚ ಖೇಚರೋ ಭೂಚರೋ ಮನುಃ ।
ಹಿರಣ್ಯಗರ್ಭಃ ಸೂತ್ರಾತ್ಮಾ ರಾಜರಾಜೋ ವಿಶಾಂಪತಿಃ ॥ ೪೨ ॥
ವೇದಾಂತವೇದ್ಯೋದ್ಗೀಥಶ್ಚ ವೇದ ವೇದಾಂಗಪಾರಗಃ ।
ಪ್ರತಿಗ್ರಾಮಸ್ಥಿತಃ ಸದ್ಯಃ ಸ್ಫೂರ್ತಿದಾತಾ ಗುಣಾಕರಃ ॥ ೪೩ ॥
ನಕ್ಷತ್ರಮಾಲೀ ಭೂತಾತ್ಮಾ ಸುರಭಿಃ ಕಲ್ಪಪಾದಪಃ ।
ಚಿಂತಾಮಣಿರ್ಗುಣನಿಧಿಃ ಪ್ರಜಾಪತಿರನುತ್ತಮಃ ॥ ೪೪ ॥
ಪುಣ್ಯಶ್ಲೋಕಃ ಪುರಾರಾತಿರ್ಜ್ಯೋತಿಷ್ಮಾನ್ ಶಾರ್ವರೀಪತಿಃ ।
ಕಿಲಿಕಿಲ್ಯಾರವತ್ರಸ್ತಭೂತಪ್ರೇತಪಿಶಾಚಕಃ ॥ ೪೫ ॥
ಋಣತ್ರಯಹರಃ ಸೂಕ್ಷ್ಮಃ ಸ್ಥೂಲಃ ಸರ್ವಗತಿಃ ಪುಮಾನ್ ।
ಅಪಸ್ಮಾರಹರಃ ಸ್ಮರ್ತಾ ಶ್ರುತಿರ್ಗಾಧಾ ಸ್ಮೃತಿರ್ಮನುಃ ॥ ೪೬ ॥
ಸ್ವರ್ಗದ್ವಾರಃ ಪ್ರಜಾದ್ವಾರೋ ಮೋಕ್ಷದ್ವಾರಃ ಕಪೀಶ್ವರಃ ।
ನಾದರೂಪಃ ಪರಬ್ರಹ್ಮ ಬ್ರಹ್ಮ ಬ್ರಹ್ಮಪುರಾತನಃ ॥ ೪೭ ॥
ಏಕೋನೈಕೋ ಜನಃ ಶುಕ್ಲಃ ಸ್ವಯಂಜ್ಯೋತಿರನಾಕುಲಃ ।
ಜ್ಯೋತಿರ್ಜ್ಯೋತಿರನಾದಿಶ್ಚ ಸಾತ್ತ್ವಿಕೋ ರಾಜಸತ್ತಮಃ ॥ ೪೮ ॥
ತಮೋಹರ್ತಾ ನಿರಾಲಂಬೋ ನಿರಾಕಾರೋ ಗುಣಾಕರಃ ।
ಗುಣಾಶ್ರಯೋ ಗುಣಮಯೋ ಬೃಹತ್ಕಾಯೋ ಬೃಹದ್ಯಶಾಃ ॥
ಬೃಹದ್ಧನುರ್ಬೃಹತ್ಪಾದೋ ಬೃಹನ್ಮೂರ್ಧಾ ಬೃಹತ್ಸ್ವನಃ ।
ಬೃಹತ್ಕರ್ಣೋ ಬೃಹನ್ನಾಸೋ ಬೃಹನ್ನೇತ್ರೋ ಬೃಹದ್ಗಳಃ ॥ ೫೦ ॥
ಬೃಹದ್ಯತ್ನೋ ಬೃಹಚ್ಚೇಷ್ಟೋ ಬೃಹತ್ಪುಚ್ಛೋ ಬೃಹತ್ಕರಃ ।
ಬೃಹದ್ಗತಿರ್ಬೃಹತ್ಸೇವ್ಯೋ ಬೃಹಲ್ಲೋಕಫಲಪ್ರದಃ ॥ ೫೧ ॥
ಬೃಹಚ್ಛಕ್ತಿರ್ಬೃಹದ್ವಾಂಛಾಫಲದೋ ಬೃಹದೀಶ್ವರಃ ।
ಬೃಹಲ್ಲೋಕನುತೋ ದ್ರಷ್ಟಾ ವಿದ್ಯಾದಾತಾ ಜಗದ್ಗುರುಃ ॥ ೫೨ ॥
ದೇವಾಚಾರ್ಯಃ ಸತ್ಯವಾದೀ ಬ್ರಹ್ಮವಾದೀ ಕಳಾಧರಃ ।
ಸಪ್ತಪಾತಾಳಗಾಮೀ ಚ ಮಲಯಾಚಲಸಂಶ್ರಯಃ ॥ ೫೩ ॥
ಉತ್ತರಾಶಾಸ್ಥಿತಃ ಶ್ರೀದೋ ದಿವ್ಯೌಷಧವಶಃ ಖಗಃ ।
ಶಾಖಾಮೃಗಃ ಕಪೀನ್ದ್ರ ಶ್ಚ ಪುರಾಣಃ ಶ್ರುತಿಸಂಚರಃ ॥ ೫೪ ॥
ಚತುರೋ ಬ್ರಾಹ್ಮಣೋ ಯೋಗೀ ಯೋಗಗಮ್ಯಃ ಪರಾತ್ಪರಃ ।
ಅನಾದಿನಿಧನೋ ವ್ಯಾಸೋ ವೈಕುಂಠಃ ಪೃಥಿವೀಪತಿಃ ॥ ೫೫ ॥
ಪರಾಜಿತೋ ಜಿತಾರಾತಿಃ ಸದಾನಂದಶ್ಚ ಈಶಿತಾ ।
ಗೋಪಾಲೋ ಗೋಪತಿರ್ಗೋಪ್ತಾ ಕಲಿಃ ಕಾಲಃ ಪರಾತ್ಪರಃ ॥ ೫೬ ॥
ಮನೋವೇಗೀ ಸದಾಯೋಗೀ ಸಂಸಾರಭಯನಾಶನಃ ।
ತತ್ತ್ವದಾತಾ ಚ ತತ್ತ್ವಜ್ಞಃ ತತ್ತ್ವಂ ತತ್ತ್ವಪ್ರಕಾಶಕಃ ॥ ೫೭ ॥
ಶುದ್ಧೋ ಬುದ್ಧೋ ನಿತ್ಯಮುಕ್ತೋ ಯುಕ್ತಾಕಾರೋ ಜಯಪ್ರದಃ ।
ಪ್ರಳಯೋಽಮಿತಮಾಯಶ್ಚ ಮಾಯಾತೀತೋ ವಿಮತ್ಸರಃ ॥ ೫೮ ॥
ಮಾಯಾನಿರ್ಜಿತರಕ್ಷಶ್ಚ ಮಾಯಾನಿರ್ಮಿತವಿಷ್ಟಪಃ ।
ಮಾಯಾಶ್ರಯಶ್ಚ ನಿರ್ಲೇಪೋ ಮಾಯಾನಿರ್ವಂಚಕಃ ಸುಖಃ ॥
ಸುಖೀ ಸುಖಪ್ರದೋ ನಾಗೋ ಮಹೇಶಕೃತಸಂಸ್ತವಃ ।
ಮಹೇಶ್ವರಃ ಸತ್ಯಸಂಧಃ ಶರಭಃ ಕಲಿಪಾವನಃ ॥ ೬೦ ॥
ರಸೋ ರಸಜ್ಞಃ ಸಮ್ಮಾನೋ ತಪಶ್ಚಕ್ಷುಃ ಚ ಭೈರವಃ ।
ಘ್ರಾಣೋ ಗಂಧಃ ಸ್ಪರ್ಶನಂ ಚ ಸ್ಪರ್ಶೋಽಹಂಕಾರಮಾನದಃ ॥ ೬೧ ॥
ನೇತಿ ನೇತೀತಿ ಗಮ್ಯಶ್ಚ ವೈಕುಂಠಭಜನಪ್ರಿಯಃ ।
ಗಿರಿಶೋ ಗಿರಿಜಾಕಾಂತೋ ದುರ್ವಾಸಾಃ ಕವಿರಂಗಿರಾಃ ॥ ೬೨ ॥
ಭೃಗುರ್ವಸಿಷ್ಠಶ್ಚ್ಯವನೋ ತುಂಬುರುರ್ನಾರದೋಽಮಲಃ ।
ವಿಶ್ವಕ್ಷೇತ್ರಂ ವಿಶ್ವಬೀಜಂ ವಿಶ್ವನೇತ್ರಶ್ಚ ವಿಶ್ವಪಃ ॥ ೬೩ ॥
ಯಾಜಕೋ ಯಜಮಾನಶ್ಚ ಪಾವಕಃ ಪಿತರಸ್ತಥಾ ।
ಶ್ರದ್ಧಾ ಬುದ್ಧಿಃ ಕ್ಷಮಾ ತಂದ್ರಾ ಮನ್ತ್ರೋ ಮನ್ತ್ರಯುತಸ್ಸ್ವರಃ ॥ ೬೪ ॥
ರಾಜೇಂದ್ರೋ ಭೂಪತಿಃ ಕಂಠಮಾಲೀ ಸಂಸಾರಸಾರಥಿಃ ।
ನಿತ್ಯಃ ಸಂಪೂರ್ಣಕಾಮಶ್ಚ ಭಕ್ತಕಾಮಧುಗುತ್ತಮಃ ॥ ೬೫ ॥
ಗಣಪಃ ಕೀಶಪೋ ಭ್ರಾತಾ ಪಿತಾ ಮಾತಾ ಚ ಮಾರುತಿಃ ।
ಸಹಸ್ರಶೀರ್ಷಾ ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ ॥ ೬೬ ॥
ಕಾಮಜಿತ್ ಕಾಮದಹನಃ ಕಾಮಃ ಕಾಮ್ಯಫಲಪ್ರದಃ ।
ಮುದ್ರಾಹಾರೀ ರಕ್ಷೋಘ್ನಃ ಕ್ಷಿತಿಭಾರಹರೋ ಬಲಃ ॥ ೬೭ ॥
ನಖದಂಷ್ಟ್ರಾಯುಧೋ ವಿಷ್ಣುಭಕ್ತೋಽಭಯವರಪ್ರದಃ ।
ದರ್ಪಹಾ ದರ್ಪದೋ ದೃಪ್ತಃ ಶತಮೂರ್ತಿಃ ಅಮೂರ್ತಿಮಾನ್ ॥ ೬೮ ॥
ಮಹಾನಿಧಿರ್ಮಹಾಭಾಗೋ ಮಹಾಭೋಗೋ ಮಹಾರ್ಥದಃ ।
ಮಹಾಕಾರೋ ಮಹಾಯೋಗೀ ಮಹಾತೇಜಾ ಮಹಾದ್ಯುತಿಃ ॥ ೬೯ ॥
ಮಹಾಕರ್ಮಾ ಮಹಾನಾದೋ ಮಹಾಮನ್ತ್ರೋ ಮಹಾಮತಿಃ ।
ಮಹಾಶಯೋ ಮಹೋದಾರೋ ಮಹಾದೇವಾತ್ಮಕೋ ವಿಭುಃ ॥ ೭೦ ॥
ರುದ್ರಕರ್ಮಾ ಕ್ರೂರಕರ್ಮಾ ರತ್ನನಾಭಃ ಕೃತಾಗಮಃ ।
ಅಂಭೋಧಿಲಂಘನಃ ಸಿಂಹೋ ನಿತ್ಯೋ ಧರ್ಮಪ್ರಮೋದನಃ ॥ ೭೧ ॥
ಜಿತಾಮಿತ್ರೋ ಜಯಃ ಸಾಮೋ ವಿಜಯೋ ವಾಯುವಾಹನಃ ।
ಜೀವದಾತಾ ಸಹಸ್ರಾಂಶುಃ ಮುಕುನ್ದೋ ಭೂರಿದಕ್ಷಿಣಃ ॥ ೭೨ ॥
ಸಿದ್ಧಾರ್ಥಃ ಸಿದ್ಧಿದಃ ಸಿದ್ಧಸಂಕಲ್ಪಃ ಸಿದ್ಧಿಹೇತುಕಃ ।
ಸಪ್ತಪಾತಾಲಭರಣಃ ಸಪ್ತರ್ಷಿಗಣವಂದಿತಃ ॥ ೭೩ ॥
ಸಪ್ತಾಬ್ಧಿಲಂಘನೋ ವೀರಃ ಸಪ್ತದ್ವೀಪೋರುಮಂಡಲಃ ।
ಸಪ್ತಾಂಗರಾಜ್ಯಸುಖದಃ ಸಪ್ತಮಾತೃನಿಷೇವಿತಃ ॥ ೭೪ ॥
ಸಪ್ತಲೋಕೈಕಮಕುಟಃ ಸಪ್ತಹೋತಾ ಸ್ವರಾಶ್ರಯಃ ।
ಸಪ್ತಚ್ಛಂದೋನಿಧಿಃ ಸಪ್ತಚ್ಛಂದಃ ಸಪ್ತಜನಾಶ್ರಯಃ ॥ ೭೫ ॥
ಸಪ್ತಸಾಮೋಪಗೀತಶ್ಚ ಸಪ್ತಪಾತಾಲಸಂಶ್ರಯಃ ।
ಮೇಧಾವೀ ಕೀರ್ತಿದಃ ಶೋಕಹಾರೀ ದೌರ್ಭಾಗ್ಯನಾಶನಃ ॥ ೭೬ ॥
ಸರ್ವವಶ್ಯಕರೋ ಭರ್ಗೋ ದೋಷಘ್ನಃ ಪುತ್ರಪೌತ್ರದಃ ।
ಪ್ರತಿವಾದಿಮುಖಸ್ತಂಭೋ ದುಷ್ಟಚಿತ್ತಪ್ರಸಾದನಃ ॥ ೭೭ ॥
ಪರಾಭಿಚಾರಶಮನೋ ದುಃಖಘ್ನೋ ಬಂಧಮೋಕ್ಷದಃ ।
ನವದ್ವಾರಪುರಾಧಾರೋ ನವದ್ವಾರನಿಕೇತನಃ ॥ ೭೮ ॥
ನರನಾರಾಯಣಸ್ತುತ್ಯೋ ನರನಾಥೋ ಮಹೇಶ್ವರಃ ।
ಮೇಖಲೀ ಕವಚೀ ಖಡ್ಗೀ ಭ್ರಾಜಿಷ್ಣುರ್ವಿಷ್ಣುಸಾರಥಿಃ ॥ ೭೯ ॥
ಬಹುಯೋಜನವಿಸ್ತೀರ್ಣಪುಚ್ಛಃ ಪುಚ್ಛಹತಾಸುರಃ ।
ದುಷ್ಟಗ್ರಹನಿಹಂತಾ ಚ ಪಿಶಾಚಗ್ರಹಘಾತುಕಃ ॥ ೮೦ ॥
ಬಾಲಗ್ರಹವಿನಾಶೀ ಚ ಧರ್ಮೋನೇತಾ ಕೃಪಾಕರಃ ।
ಉಗ್ರಕೃತ್ಯೋಗ್ರವೇಗಶ್ಚ ಉಗ್ರನೇತ್ರಃ ಶತಕ್ರತುಃ ॥ ೮೧ ॥
ಶತಮನ್ಯುಃ ಸ್ತುತಃ ಸ್ತುತ್ಯಃ ಸ್ತುತಿಃ ಸ್ತೋತಾ ಮಹಾಬಲಃ ।
ಸಮಗ್ರಗುಣಶಾಲೀ ಚ ವ್ಯಗ್ರೋ ರಕ್ಷೋವಿನಾಶಕಃ ॥ ೮೨ ॥
ರಕ್ಷೋಘ್ನಹಸ್ತೋ ಬ್ರಹ್ಮೇಶಃ ಶ್ರೀಧರೋ ಭಕ್ತವತ್ಸಲಃ ।
ಮೇಘನಾದೋ ಮೇಘರೂಪೋ ಮೇಘವೃಷ್ಟಿನಿವಾರಕಃ ॥ ೮೩ ॥
ಮೇಘಜೀವನಹೇತುಶ್ಚ ಮೇಘಶ್ಯಾಮಃ ಪರಾತ್ಮಕಃ ।
ಸಮೀರತನಯೋ ಬೋದ್ಧಾ ತತ್ತ್ವವಿದ್ಯಾವಿಶಾರದಃ ॥ ೮೪ ॥
ಅಮೋಘೋಽಮೋಘವೃದ್ಧಿಶ್ಚ ಇಷ್ಟದೋಽನಿಷ್ಟನಾಶಕಃ ।
ಅರ್ಥೋ ಅರ್ಥಾಪಹಾರೀ ಚ ಸಮರ್ಥೋ ರಾಮಸೇವಕಃ ॥ ೮೫ ॥
ಅರ್ಥೀ ಧನ್ಯಸ್ಸುರಾರಾತಿಃ ಪುಂಡರೀಕಾಕ್ಷ ಆತ್ಮಭೂಃ ।
ಸಂಕರ್ಷಣೋ ವಿಶುದ್ಧಾತ್ಮಾ ವಿದ್ಯಾರಾಶಿಃ ಸುರೇಶ್ವರಃ ॥ ೮೬ ॥
ಅಚಲೋದ್ಧಾರಕೋ ನಿತ್ಯಃ ಸೇತುಕೃದ್ರಾಮಸಾರಥಿಃ ।
ಆನಂದಃ ಪರಮಾನಂದೋ ಮತ್ಸ್ಯಃ ಕೂರ್ಮೋ ನಿಧಿಃ ಶಮಃ ॥ ೮೭ ॥
ವರಾಹೋ ನಾರಸಿಂಹಶ್ಚ ವಾಮನೋ ಜಮದಗ್ನಿಜಃ ।
ರಾಮಃ ಕೃಷ್ಣಃ ಶಿವೋ ಬುದ್ಧಃ ಕಲ್ಕೀ ರಾಮಾಶ್ರಯೋ ಹರಃ ॥ ೮೮ ॥
ನಂದೀ ಭೃಂಗೀ ಚ ಚಂಡೀ ಚ ಗಣೇಶೋ ಗಣಸೇವಿತಃ ।
ಕರ್ಮಾಧ್ಯಕ್ಷಃ ಸುರಾಧ್ಯಕ್ಷೋ ವಿಶ್ರಮೋ ಜಗತಾಂಪತಿಃ ॥
ಜಗನ್ನಾಥಃ ಕಪಿಶ್ರೇಷ್ಠಃ ಸರ್ವಾವಾಸಃ ಸದಾಶ್ರಯಃ ।
ಸುಗ್ರೀವಾದಿಸ್ತುತಃ ಶಾಂತಃ ಸರ್ವಕರ್ಮ ಪ್ಲವಂಗಮಃ ॥ ೯೦ ॥
ನಖದಾರಿತರಕ್ಷಶ್ಚ ನಖಾಯುಧವಿಶಾರದಃ ।
ಕುಶಲಃ ಸುಧನಃ ಶೇಷೋ ವಾಸುಕಿಸ್ತಕ್ಷಕಸ್ಸ್ವರಃ ॥ ೯೧ ॥
ಸ್ವರ್ಣವರ್ಣೋ ಬಲಾಢ್ಯಶ್ಚ ರಾಮಪೂಜ್ಯೋಽಘನಾಶನಃ ।
ಕೈವಲ್ಯದೀಪಃ ಕೈವಲ್ಯೋ ಗರುಡಃ ಪನ್ನಗೋ ಗುರುಃ ॥ ೯೨ ॥
ಕಿಲ್ಯಾರಾವಹತಾರಾತಿಗರ್ವಃ ಪರ್ವತಭೇದನಃ ।
ವಜ್ರಾಂಗೋ ವಜ್ರವೇಗಶ್ಚ ಭಕ್ತೋ ವಜ್ರನಿವಾರಕಃ ॥ ೯೩ ॥
ನಖಾಯುಧೋ ಮಣಿಗ್ರೀವೋ ಜ್ವಾಲಾಮಾಲೀ ಚ ಭಾಸ್ಕರಃ ।
ಪ್ರೌಢ ಪ್ರತಾಪಸ್ತಪನೋ ಭಕ್ತತಾಪನಿವಾರಕಃ ॥ ೯೪ ॥
ಶರಣಂ ಜೀವನಂ ಭೋಕ್ತಾ ನಾನಾಚೇಷ್ಟೋ ಹ್ಯಚಂಚಲಃ ।
ಸುಸ್ವಸ್ಥೋಽಷ್ಟಾಸ್ಯಹಾ ದುಃಖಶಮನಃ ಪವನಾತ್ಮಜಃ ॥ ೯೫ ॥
ಪಾವನಃ ಪವನಃ ಕಾನ್ತೋ ಭಕ್ತಾಗಸ್ಸಹನೋ ಬಲಃ ।
ಮೇಘನಾದರಿಪುರ್ಮೇಘನಾದಸಂಹೃತರಾಕ್ಷಸಃ ॥ ೯೬ ॥
ಕ್ಷರೋಽಕ್ಷರೋ ವಿನೀತಾತ್ಮಾ ವಾನರೇಶಃ ಸತಾಂಗತಿಃ ।
ಶ್ರೀಕಂಠಃ ಶಿತಿಕಂಠಶ್ಚ ಸಹಾಯಃ ಸಹನಾಯಕಃ ॥ ೯೭ ॥
ಅಸ್ಥೂಲಸ್ತ್ವನಣುರ್ಭರ್ಗೋ ದೇವಃ ಸಂಸೃತಿನಾಶನಃ ।
ಅಧ್ಯಾತ್ಮವಿದ್ಯಾಸಾರಶ್ಚ ಅಧ್ಯಾತ್ಮಕುಶಲಃ ಸುಧೀಃ ॥ ೯೮ ॥
ಅಕಲ್ಮಷಃ ಸತ್ಯಹೇತುಃ ಸತ್ಯಗಃ ಸತ್ಯಗೋಚರಃ ।
ಸತ್ಯಗರ್ಭಃ ಸತ್ಯರೂಪಃ ಸತ್ಯಃ ಸತ್ಯಪರಾಕ್ರಮಃ ॥ ೯೯ ॥
ಅಂಜನಾಪ್ರಾಣಲಿಂಗಶ್ಚ ವಾಯುವಂಶೋದ್ಭವಃ ಸುಧೀಃ ।
ಭದ್ರರೂಪೋ ರುದ್ರರೂಪಃ ಸುರೂಪಶ್ಚಿತ್ರರೂಪಧೃತ್ ॥ ೧೦೦ ॥
ಮೈನಾಕವಂದಿತಃ ಸೂಕ್ಷ್ಮದರ್ಶನೋ ವಿಜಯೋ ಜಯಃ ।
ಕ್ರಾಂತದಿಙ್ಮಂಡಲೋ ರುದ್ರಃ ಪ್ರಕಟೀಕೃತವಿಕ್ರಮಃ ॥ ೧೦೧ ॥
ಕಂಬುಕಂಠಃ ಪ್ರಸನ್ನಾತ್ಮಾ ಹ್ರಸ್ವನಾಸೋ ವೃಕೋದರಃ ।
ಲಂಬೋಷ್ಠಃ ಕುಂಡಲೀ ಚಿತ್ರಮಾಲೀ ಯೋಗವಿದಾಂ ವರಃ ॥ ೧೦೨ ॥
ವಿಪಶ್ಚಿತ್ ಕವಿರಾನಂದವಿಗ್ರಹೋಽನನ್ಯಶಾಸನಃ ।
ಫಲ್ಗುನೀಸೂನುರವ್ಯಗ್ರೋ ಯೋಗಾತ್ಮಾ ಯೋಗತತ್ಪರಃ ॥ ೧೦೩ ॥
ಯೋಗವೇದ್ಯೋ ಯೋಗರಕ್ತೋ ಯೋಗಯೋನಿರ್ದಿಗಂಬರಃ ।
ಅಕಾರಾದಿಕ್ಷಕಾರಾಂತವರ್ಣನಿರ್ಮಿತವಿಗ್ರಹಃ ॥ ೧೦೪ ॥
ಉಲೂಖಲಮುಖಃ ಸಿಂಹಃ ಸಂಸ್ತುತಃ ಪರಮೇಶ್ವರಃ ।
ಶ್ಲಿಷ್ಟಜಂಘಃ ಶ್ಲಿಷ್ಟಜಾನುಃ ಶ್ಲಿಷ್ಟಪಾಣಿಃ ಶಿಖಾಧರಃ ॥ ೧೦೫ ॥
ಸುಶರ್ಮಾಽಮಿತಶರ್ಮಾ ಚ ನಾರಾಯಣಪರಾಯಣಃ ।
ಜಿಷ್ಣುರ್ಭವಿಷ್ಣೂ ರೋಚಿಷ್ಣುರ್ಗ್ರಸಿಷ್ಣುಃ ಸ್ಥಾಣುರೇವ ಚ ॥ ೧೦೬ ॥
ಹರಿರುದ್ರಾನುಕೃದ್ವೃಕ್ಷಕಂಪನೋ ಭೂಮಿಕಂಪನಃ ।
ಗುಣಪ್ರವಾಹಃ ಸೂತ್ರಾತ್ಮಾ ವೀತರಾಗಃ ಸ್ತುತಿಪ್ರಿಯಃ ॥ ೧೦೭ ॥
ನಾಗಕನ್ಯಾಭಯಧ್ವಂಸೀ ರುಕ್ಮವರ್ಣಃ ಕಪಾಲಭೃತ್ ।
ಅನಾಕುಲೋ ಭವೋಽಪಾಯೋಽನಪಾಯೋ ವೇದಪಾರಗಃ ॥ ೧೦೮ ॥
ಅಕ್ಷರಃ ಪುರುಷೋ ಲೋಕನಾಥೋ ರಕ್ಷಃ ಪ್ರಭುರ್ದೃಢಃ ।
ಅಷ್ಟಾಂಗಯೋಗಫಲಭುಕ್ ಸತ್ಯಸಂಧಃ ಪುರುಷ್ಟುತಃ ॥ ೧೦೯ ॥
ಶ್ಮಶಾನಸ್ಥಾನನಿಲಯಃ ಪ್ರೇತವಿದ್ರಾವಣಕ್ಷಮಃ ।
ಪಂಚಾಕ್ಷರಪರಃ ಪಂಚಮಾತೃಕೋ ರಂಜನಧ್ವಜಃ ॥ ೧೧೦ ॥
ಯೋಗಿನೀಬೃಂದವಂದ್ಯಶ್ಚ ಶತ್ರುಘ್ನೋಽನಂತವಿಕ್ರಮಃ ।
ಬ್ರಹ್ಮಚಾರೀಂದ್ರಿಯರಿಪುರ್ಧೃತದಂಡೋ ದಶಾತ್ಮಕಃ ॥ ೧೧೧ ॥
ಅಪ್ರಪಂಚಃ ಸದಾಚಾರಃ ಶೂರಸೇನವಿದಾರಕಃ ।
ವೃದ್ಧಃ ಪ್ರಮೋದಶ್ಚಾನಂದಃ ಸಪ್ತಜಿಹ್ವಾಪತಿರ್ಧರಃ ॥ ೧೧೨ ॥
ನವದ್ವಾರಪುರಾಧಾರಃ ಪ್ರತ್ಯಗ್ರಃ ಸಾಮಗಾಯಕಃ ।
ಷಟ್ಚಕ್ರಧಾಮಾ ಸ್ವರ್ಲೋಕೋ ಭಯಹೃನ್ಮಾನದೋಽಮದಃ ॥ ೧೧೩ ॥
ಸರ್ವವಶ್ಯಕರಃ ಶಕ್ತಿರ್ನೇತಾ ಚಾಽನಂತಮಂಗಳಃ ।
ಅಷ್ಟಮೂರ್ತಿಧರೋ ನೇತಾ ವಿರೂಪಃ ಸ್ವರಸುಂದರಃ ॥ ೧೧೪ ॥
ಧೂಮಕೇತುರ್ಮಹಾಕೇತುಃ ಸತ್ಯಕೇತುರ್ಮಹಾರಥಃ ।
ನಂದಿಪ್ರಿಯಃ ಸ್ವತಂತ್ರಶ್ಚ ಮೇಖಲೀ ಸಮರಪ್ರಿಯಃ ॥ ೧೧೫ ॥
ಲೋಹಾಂಗಃ ಸರ್ವವಿದ್ಧನ್ವೀ ಷಟ್ಕಲಶ್ಶರ್ವ ಈಶ್ವರಃ ।
ಫಲಭುಕ್ ಫಲಹಸ್ತಶ್ಚ ಸರ್ವಕರ್ಮಫಲಪ್ರದಃ ॥ ೧೧೬ ॥
ಧರ್ಮಾಧ್ಯಕ್ಷೋ ಧರ್ಮಫಲೋ ಧರ್ಮೋ ಧರ್ಮಪ್ರದೋಽರ್ಥದಃ ।
ಪಂಚವಿಂಶತಿತತ್ತ್ವಜ್ಞಸ್ತಾರಕಃ ಬ್ರಹ್ಮತತ್ಪರಃ ॥ ೧೧೭ ॥
ತ್ರಿಮಾರ್ಗವಸತಿರ್ಭೀಮಃ ಸರ್ವದುಃಖನಿಬರ್ಹಣಃ ।
ಊರ್ಜಸ್ವಾನ್ ನಿರ್ಗಳಃ ಶೂಲೀ ಮಾಲೀ ಗರ್ಭೋನಿಶಾಚರಃ ॥ ೧೧೮ ॥
ರಕ್ತಾಂಬರಧರೋ ರಕ್ತೋ ರಕ್ತಮಾಲಾವಿಭೂಷಣಃ ।
ವನಮಾಲೀ ಶುಭಾಂಗಶ್ಚ ಶ್ವೇತಃ ಶ್ವೇತಾಂಬರೋ ಯುವಾ ॥ ೧೧೯ ॥
ಜಯೋಽಜಯಪರೀವಾರಃ ಸಹಸ್ರವದನಃ ಕವಿಃ ।
ಶಾಕಿನೀಢಾಕಿನೀಯಕ್ಷರಕ್ಷೋಭೂತೌಘಭಂಜನಃ ॥ ೧೨೦ ॥
ಸದ್ಯೋಜಾತಃ ಕಾಮಗತಿರ್ಜ್ಞಾನಮೂರ್ತಿರ್ಯಶಸ್ಕರಃ ।
ಶಂಭುತೇಜಾಃ ಸಾರ್ವಭೌಮೋ ವಿಷ್ಣುಭಕ್ತಃ ಪ್ಲವಂಗಮಃ ॥ ೧೨೧ ॥
ಚತುರ್ನವತಿಮಂತ್ರಜ್ಞಃ ಪೌಲಸ್ತ್ಯಬಲದರ್ಪಹಾ ।
ಸರ್ವಲಕ್ಷ್ಮೀಪ್ರದಃ ಶ್ರೀಮಾನಂಗದಪ್ರಿಯ ಈಡಿತಃ ॥ ೧೨೨ ॥
ಸ್ಮೃತಿರ್ಬೀಜಂ ಸುರೇಶಾನಃ ಸಂಸಾರಭಯನಾಶನಃ ।
ಉತ್ತಮಃ ಶ್ರೀಪರೀವಾರಃ ಶ್ರೀಭೂದುರ್ಗಾ ಚ ಕಾಮಧೃಕ್ ॥ ೧೨೩ ॥
ಸದಾಗತಿರ್ಮಾತರಿಶ್ವಾ ರಾಮಪಾದಾಬ್ಜಷಟ್ಪದಃ ।
ನೀಲಪ್ರಿಯೋ ನೀಲವರ್ಣೋ ನೀಲವರ್ಣಪ್ರಿಯಃ ಸುಹೃತ್ ॥ ೧೨೪ ॥
ರಾಮದೂತೋ ಲೋಕಬಂಧುರಂತರಾತ್ಮಾ ಮನೋರಮಃ ।
ಶ್ರೀರಾಮಧ್ಯಾನಕೃದ್ವೀರಃ ಸದಾ ಕಿಂಪುರುಷಸ್ತುತಃ ॥ ೧೨೫ ॥
ರಾಮಕಾರ್ಯಾಂತರಂಗಶ್ಚ ಶುದ್ಧಿರ್ಗತಿರನಾಮಯಃ ।
ಪುಣ್ಯಶ್ಲೋಕಃ ಪರಾನಂದಃ ಪರೇಶಃ ಪ್ರಿಯಸಾರಥಿಃ ॥ ೧೨೬ ॥
ಲೋಕಸ್ವಾಮೀ ಮುಕ್ತಿದಾತಾ ಸರ್ವಕಾರಣಕಾರಣಃ ।
ಮಹಾಬಲೋ ಮಹಾವೀರಃ ಪಾರಾವಾರಗತಿರ್ಗುರುಃ ॥ ೧೨೭ ॥
ಸಮಸ್ತಲೋಕಸಾಕ್ಷೀ ಚ ಸಮಸ್ತಸುರವಂದಿತಃ ।
ಸೀತಾಸಮೇತಶ್ರೀರಾಮಪಾದಸೇವಾಧುರಂಧರಃ ॥ ೧೨೮ ॥
ಇತಿ ಶ್ರೀ ಆಂಜನೇಯಸಹಸ್ರನಾಮಸ್ತೋತ್ರಂ ॥
– Chant Stotra in Other Languages –
Sri Hanuman Stotram » Sri Anjaneya Sahasranama Stotram Lyrics in Sanskrit » English » Telugu » Tamil