॥ Shree Bagla Ashtottara Shatanama Stotram Kannada Lyrics ॥
॥ ಶ್ರೀಬಗಲಾಷ್ಟೋತ್ತರಶತನಾಮಸ್ತೋತ್ರಮ್ ॥
ಅಥವಾ ಅಥವಾ ಬಗಲಾಮುಖೀ ಅಷ್ಟೋತ್ತರಶತನಾಮಸ್ತೋತ್ರಮ್ ।
ಶ್ರೀಗಣೇಶಾಯ ನಮಃ ।
ನಾರದ ಉವಾಚ ।
ಭಗವನ್ದೇವದೇವೇಶ ಸೃಷ್ಟಿಸ್ಥಿತಿಲಯಾತ್ಮಕ ।
ಶತಮಷ್ಟೋತ್ತರಂ ನಾಮ್ನಾಂ ಬಗಲಾಯಾ ವದಾಧುನಾ ॥ 1 ॥
ಶ್ರೀಭಗವಾನುವಾಚ ।
ಶೃಣು ವತ್ಸ ಪ್ರವಕ್ಷ್ಯಾಮಿ ನಾಮ್ನಾಮಷ್ಟೋತ್ತರಂ ಶತಮ್ ।
ಪೀತಾಮ್ಬರ್ಯಾಂ ಮಹಾದೇವ್ಯಾಃ ಸ್ತೋತ್ರಂ ಪಾಪಪ್ರಣಾಶನಮ್ ॥ 2 ॥
ಯಸ್ಯ ಪ್ರಪಠನಾತ್ಸದ್ಯೋ ವಾದೀ ಮೂಕೋ ಭವೇತ್ಕ್ಷಣಾತ್ ।
ರಿಪುಣಾಂ ಸ್ತಮ್ಭನಂ ಯಾತಿ ಸತ್ಯಂ ಸತ್ಯಂ ವದಾಮ್ಯಹಮ್ ॥ 3 ॥
ಓಂ ಅಸ್ಯ ಶ್ರೀಪೀತಾಮ್ಬರಾಷ್ಟೋತ್ತರಶತನಾಮಸ್ತೋತ್ರಸ್ಯ ಸದಾಶಿವ ಋಷಿಃ,
ಅನುಷ್ಟುಪ್ಛನ್ದಃ, ಶ್ರೀಪೀತಾಮ್ಬರಾ ದೇವತಾ,
ಶ್ರೀಪೀತಾಮ್ಬರಾಪ್ರೀತಯೇ ಪಾಠೇ ವಿನಿಯೋಗಃ ।
ಓಂ ಬಗಲಾ ವಿಷ್ಣುವನಿತಾ ವಿಷ್ಣುಶಂಕರಭಾಮಿನೀ ।
ಬಹುಲಾ ವೇದಮಾತಾ ಚ ಮಹಾವಿಷ್ಣುಪ್ರಸೂರಪಿ ॥ 4 ॥
ಮಹಾಮತ್ಸ್ಯಾ ಮಹಾಕೂರ್ಮ್ಮಾ ಮಹಾವಾರಾಹರೂಪಿಣೀ ।
ನಾರಸಿಂಹಪ್ರಿಯಾ ರಮ್ಯಾ ವಾಮನಾ ಬಟುರೂಪಿಣೀ ॥ 5 ॥
ಜಾಮದಗ್ನ್ಯಸ್ವರೂಪಾ ಚ ರಾಮಾ ರಾಮಪ್ರಪೂಜಿತಾ ।
ಕೃಷ್ಣಾ ಕಪರ್ದಿನೀ ಕೃತ್ಯಾ ಕಲಹಾ ಕಲಕಾರಿಣೀ ॥ 6 ॥
ಬುದ್ಧಿರೂಪಾ ಬುದ್ಧಭಾರ್ಯಾ ಬೌದ್ಧಪಾಖಂಡಖಂಡಿನೀ ।
ಕಲ್ಕಿರೂಪಾ ಕಲಿಹರಾ ಕಲಿದುರ್ಗತಿ ನಾಶಿನೀ ॥ 7 ॥
ಕೋಟಿಸೂರ್ಯ್ಯಪ್ರತೀಕಾಶಾ ಕೋಟಿಕನ್ದರ್ಪಮೋಹಿನೀ ।
ಕೇವಲಾ ಕಠಿನಾ ಕಾಲೀ ಕಲಾ ಕೈವಲ್ಯದಾಯಿನೀ ॥ 8 ॥
ಕೇಶವೀ ಕೇಶವಾರಾಧ್ಯಾ ಕಿಶೋರೀ ಕೇಶವಸ್ತುತಾ ।
ರುದ್ರರೂಪಾ ರುದ್ರಮೂರ್ತೀ ರುದ್ರಾಣೀ ರುದ್ರದೇವತಾ ॥ 9 ॥
ನಕ್ಷತ್ರರೂಪಾ ನಕ್ಷತ್ರಾ ನಕ್ಷತ್ರೇಶಪ್ರಪೂಜಿತಾ ।
ನಕ್ಷತ್ರೇಶಪ್ರಿಯಾ ನಿತ್ಯಾ ನಕ್ಷತ್ರಪತಿವನ್ದಿತಾ ॥ 10 ॥
ನಾಗಿನೀ ನಾಗಜನನೀ ನಾಗರಾಜಪ್ರವನ್ದಿತಾ ।
ನಾಗೇಶ್ವರೀ ನಾಗಕನ್ಯಾ ನಾಗರೀ ಚ ನಗಾತ್ಮಜಾ ॥ 11 ॥
ನಗಾಧಿರಾಜತನಯಾ ನಗರಾಜಪ್ರಪೂಜಿತಾ ।
ನವೀನಾ ನೀರದಾ ಪೀತಾ ಶ್ಯಾಮಾ ಸೌನ್ದರ್ಯ್ಯಕಾರಿಣೀ ॥ 12 ॥
ರಕ್ತಾ ನೀಲಾ ಘನಾ ಶುಭ್ರಾ ಶ್ವೇತಾ ಸೌಭಾಗ್ಯದಾಯಿನೀ ।
ಸುನ್ದರೀ ಸೌಭಗಾ ಸೌಮ್ಯಾ ಸ್ವರ್ಣಾಭಾ ಸ್ವರ್ಗತಿಪ್ರದಾ ॥ 13 ॥
ರಿಪುತ್ರಾಸಕರೀ ರೇಖಾ ಶತ್ರುಸಂಹಾರಕಾರಿಣೀ ।
ಭಾಮಿನೀ ಚ ತಥಾ ಮಾಯಾ ಸ್ತಮ್ಭಿನೀ ಮೋಹಿನೀ ಶುಭಾ ॥ 14 ॥
ರಾಗದ್ವೇಷಕರೀ ರಾತ್ರೀ ರೌರವಧ್ವಂಸಕಾರಿಣೀ ।
ಯಕ್ಷಿಣೀ ಸಿದ್ಧನಿವಹಾ ಸಿದ್ಧೇಶಾ ಸಿದ್ಧಿರೂಪಿಣೀ ॥ 15 ॥
ಲಂಕಾಪತಿಧ್ವಂಸಕರೀ ಲಂಕೇಶೀ ರಿಪುವನ್ದಿತಾ ।
ಲಂಕಾನಾಥಕುಲಹರಾ ಮಹಾರಾವಣಹಾರಿಣೀ ॥ 16 ॥
ದೇವದಾನವಸಿದ್ಧೌಘಪೂಜಿತಾ ಪರಮೇಶ್ವರೀ ।
ಪರಾಣುರೂಪಾ ಪರಮಾ ಪರತನ್ತ್ರವಿನಾಶಿನೀ ॥ 17 ॥
ವರದಾ ವರದಾರಾಧ್ಯಾ ವರದಾನಪರಾಯಣಾ ।
ವರದೇಶಪ್ರಿಯಾ ವೀರಾ ವೀರಭೂಷಣಭೂಷಿತಾ ॥ 18 ॥
ವಸುದಾ ಬಹುದಾ ವಾಣೀ ಬ್ರಹ್ಮರೂಪಾ ವರಾನನಾ ।
ಬಲದಾ ಪೀತವಸನಾ ಪೀತಭೂಷಣಭೂಷಿತಾ ॥ 19 ॥
ಪೀತಪುಷ್ಪಪ್ರಿಯಾ ಪೀತಹಾರಾ ಪೀತಸ್ವರೂಪಿಣೀ ।
ಇತಿ ತೇ ಕಥಿತಂ ವಿಪ್ರ ನಾಮ್ನಾಮಷ್ಟೋತ್ತರಂ ಶತಮ್ ॥ 20 ॥
ಯಃ ಪಠೇತ್ಪಾಠಯೇದ್ವಾಪಿ ಶೃಣುಯಾದ್ವಾ ಸಮಾಹಿತಃ ।
ತಸ್ಯ ಶತ್ರುಃ ಕ್ಷಯಂ ಸದ್ಯೋ ಯಾತಿ ನೈವಾತ್ರ ಸಂಶಯಃ ॥ 21 ॥
ಪ್ರಭಾತಕಾಲೇ ಪ್ರಯತೋ ಮನುಷ್ಯಃ ಪಠೇತ್ಸುಭಕ್ತ್ಯಾ ಪರಿಚಿನ್ತ್ಯ ಪೀತಾಮ್ ।
ದ್ರುತಂ ಭವೇತ್ತಸ್ಯ ಸಮಸ್ತಬುದ್ಧಿರ್ವಿನಾಶಮಾಯಾತಿ ಚ ತಸ್ಯ ಶತ್ರುಃ ॥ 22 ॥
॥ ಇತಿ ಶ್ರೀವಿಷ್ಣುಯಾಮಲೇ ನಾರದವಿಷ್ಣುಸಂವಾದೇ
ಶ್ರೀಬಗಲಾಷ್ಟೋತ್ತರಶತನಾಮಸ್ತೋತ್ರಂ ಸಮಾಪ್ತಮ್ ॥
– Chant Stotra in Other Languages –
Sri Durga Slokam » Bagla Ashtottarshatnam Stotram Lyrics in Sanskrit » English » Bengali » Gujarati » Malayalam » Odia » Telugu » Tamil