॥ Sri Bala Ashtottara Shatanama Stotram 1 Odia Lyrics ॥
॥ ଶ୍ରୀବାଲାଷ୍ଟୋତ୍ତରଶତନାମସ୍ତୋତ୍ରମ୍ ୧ ॥
ଅସ୍ୟ ଶ୍ରୀବାଲାତ୍ରିପୁରସୁନ୍ଦର୍ୟଷ୍ଟୋତ୍ତରଶତନାମସ୍ତୋତ୍ରମହାମନ୍ତ୍ରସ୍ୟ
ଦକ୍ଷିଣାମୂର୍ତିଃ ଋଷିଃ । ଅନୁଷ୍ଟୁପ୍ ଛନ୍ଦଃ । ଶ୍ରୀ ବାଲାତ୍ରିପୁରସୁନ୍ଦରୀ ଦେଵତା ।
ଐଂ ବୀଜମ୍ । ସୌଃ ଶକ୍ତିଃ । କ୍ଲୀଂ କୀଲକମ୍ ।
ଶ୍ରୀବାଲାତ୍ରିପୁରସୁନ୍ଦରୀପ୍ରସାଦସିଦ୍ଧ୍ୟର୍ଥେ ନାମପାରାୟଣେ ଵିନିୟୋଗଃ ।
ଓଂ ଐଂ ଅଙ୍ଗୁଷ୍ଠାଭ୍ୟାଂ ନମଃ । କ୍ଲୀଂ ତର୍ଜନୀଭ୍ୟାଂ ନମଃ ।
ସୌଃ ମଧ୍ୟମାଭ୍ୟାଂ ନମଃ । ଐଂ ଅନାମିକାଭ୍ୟାଂ ନମଃ ।
କ୍ଲୀଂ କନିଷ୍ଠିକାଭ୍ୟାଂ ନମଃ । ସୌଃ କରତଲକରପୃଷ୍ଠାଭ୍ୟାଂ ନମଃ ।
ଐଂ ହୃଦୟାୟ ନମଃ । କ୍ଲୀଂ ଶିରସେ ସ୍ଵାହା । ସୌଃ ଶିଖାୟୈ ଵଷଟ୍ ।
ଐଂ କଵଚାୟ ହୁମ୍ । କ୍ଲୀଂ ନେତ୍ରତ୍ରୟାୟ ଵୌଷଟ୍ । ସୌଃ ଅସ୍ତ୍ରାୟ ଫଟ୍ ।
ଭୂର୍ଭୁଵସ୍ସୁଵରୋଂ ଇତି ଦିଗ୍ବନ୍ଧଃ ।
ଧ୍ୟାନମ୍-
ପାଶାଙ୍କୁଶେ ପୁସ୍ତକାକ୍ଷସୂତ୍ରେ ଚ ଦଧତୀ କରୈଃ ।
ରକ୍ତା ତ୍ର୍ୟକ୍ଷା ଚନ୍ଦ୍ରଫାଲା ପାତୁ ବାଲା ସୁରାର୍ଚିତା ॥
ଲମିତ୍ୟାଦି ପଞ୍ଚପୂଜା \-
ଲଂ ପୃଥିଵ୍ୟାତ୍ମିକାୟୈ ଗନ୍ଧଂ ସମର୍ପୟାମି ।
ହଂ ଆକାଶାତ୍ମିକାୟୈ ପୁଷ୍ପାଣି ସମର୍ପୟାମି ।
ୟଂ ଵାୟ୍ଵାତ୍ମିକାୟୈ ଧୂପମାଘ୍ରାପୟାମି ।
ରଂ ଅଗ୍ନ୍ୟାତ୍ମିକାୟୈ ଦୀପଂ ଦର୍ଶୟାମି ।
ଵଂ ଅମୃତାତ୍ମିକାୟୈ ଅମୃତୋପହାରଂ ନିଵେଦୟାମି ।
ସଂ ସର୍ଵାତ୍ମିକାୟୈ ସର୍ଵୋପଚାରପୂଜାଃ ସମର୍ପୟାମି ॥
ଅଥ ଶ୍ରୀ ବାଲା ଅଷ୍ଟୋତ୍ତର ଶତନାମସ୍ତୋତ୍ରମ୍ ।
ଓଂ କଲ୍ୟାଣୀ ତ୍ରିପୁରା ବାଲା ମାୟା ତ୍ରିପୁରସୁନ୍ଦରୀ ।
ସୁନ୍ଦରୀ ସୌଭାଗ୍ୟଵତୀ କ୍ଲୀଙ୍କାରୀ ସର୍ଵମଙ୍ଗଲା ॥ ୧ ॥
ହ୍ରୀଙ୍କାରୀ ସ୍କନ୍ଦଜନନୀ ପରା ପଞ୍ଚଦଶାକ୍ଷରୀ ।
ତ୍ରିଲୋକୀ ମୋହନାଧୀଶା ସର୍ଵେଶୀ ସର୍ଵରୂପିଣୀ ॥ ୨ ॥
ସର୍ଵସଂକ୍ଷୋଭିଣୀ ପୂର୍ଣା ନଵମୁଦ୍ରେଶ୍ଵରୀ ଶିଵା ।
ଅନଙ୍ଗକୁସୁମା ଖ୍ୟାତା ଅନଙ୍ଗା ଭୁଵନେଶ୍ଵରୀ ॥ ୩ ॥
ଜପ୍ୟା ସ୍ତଵ୍ୟା ଶ୍ରୁତିର୍ନିତା ନିତ୍ୟକ୍ଲିନ୍ନାଽମୃତୋଦ୍ଭଵା ।
ମୋହିନୀ ପରମାଽଽନନ୍ଦା କାମେଶତରୁଣା କଲା ॥ ୪ ॥
କଲାଵତୀ ଭଗଵତୀ ପଦ୍ମରାଗକିରୀଟିନୀ ।
ସୌଗନ୍ଧିନୀ ସରିଦ୍ଵେଣୀ ମନ୍ତ୍ରିଣି ମନ୍ତ୍ରରୂପିଣି ॥ ୫ ॥
ତତ୍ତ୍ଵତ୍ରୟୀ ତତ୍ତ୍ଵମୟୀ ସିଦ୍ଧା ତ୍ରିପୁରଵାସିନୀ ।
ଶ୍ରୀର୍ମତିଶ୍ଚ ମହାଦେଵୀ କୌଲିନୀ ପରଦେଵତା ॥ ୬ ॥
କୈଵଲ୍ୟରେଖା ଵଶିନୀ ସର୍ଵେଶୀ ସର୍ଵମାତୃକା ।
ଵିଷ୍ଣୁସ୍ଵସା ଦେଵମାତା ସର୍ଵସମ୍ପତ୍ପ୍ରଦାୟିନୀ ॥ ୭ ॥
କିଙ୍କରୀ ମାତା ଗୀର୍ଵାଣୀ ସୁରାପାନାନୁମୋଦିନୀ ।
ଆଧାରାହିତପତ୍ନୀକା ସ୍ଵାଧିଷ୍ଠାନସମାଶ୍ରୟା ॥ ୮ ॥
ଅନାହତାବ୍ଜନିଲୟା ମଣିପୂରାସମାଶ୍ରୟା ।
ଆଜ୍ଞା ପଦ୍ମାସନାସୀନା ଵିଶୁଦ୍ଧସ୍ଥଲସଂସ୍ଥିତା ॥ ୯ ॥
ଅଷ୍ଟାତ୍ରିଂଶତ୍କଲାମୂର୍ତି ସ୍ସୁଷୁମ୍ନା ଚାରୁମଧ୍ୟମା ।
ୟୋଗେଶ୍ଵରୀ ମୁନିଧ୍ୟେୟା ପରବ୍ରହ୍ମସ୍ଵରୂପିଣୀ ॥ ୧୦ ॥
ଚତୁର୍ଭୁଜା ଚନ୍ଦ୍ରଚୂଡା ପୁରାଣାଗମରୂପିନୀ ।
ଐଂକାରାଦିର୍ମହାଵିଦ୍ୟା ପଞ୍ଚପ୍ରଣଵରୂପିଣୀ ॥ ୧୧ ॥
ଭୂତେଶ୍ଵରୀ ଭୂତମୟୀ ପଞ୍ଚାଶଦ୍ଵର୍ଣରୂପିଣୀ ।
ଷୋଢାନ୍ୟାସ ମହାଭୂଷା କାମାକ୍ଷୀ ଦଶମାତୃକା ॥ ୧୨ ॥
ଆଧାରଶକ୍ତିଃ ତରୁଣୀ ଲକ୍ଷ୍ମୀଃ ତ୍ରିପୁରଭୈରଵୀ ।
ଶାମ୍ଭଵୀ ସଚ୍ଚିଦାନନ୍ଦା ସଚ୍ଚିଦାନନ୍ଦରୂପିଣୀ ॥ ୧୩ ॥
ମାଙ୍ଗଲ୍ୟ ଦାୟିନୀ ମାନ୍ୟା ସର୍ଵମଙ୍ଗଲକାରିଣୀ ।
ୟୋଗଲକ୍ଷ୍ମୀଃ ଭୋଗଲକ୍ଷ୍ମୀଃ ରାଜ୍ୟଲକ୍ଷ୍ମୀଃ ତ୍ରିକୋଣଗା ॥ ୧୪ ॥
ସର୍ଵସୌଭାଗ୍ୟସମ୍ପନ୍ନା ସର୍ଵସମ୍ପତ୍ତିଦାୟିନୀ ।
ନଵକୋଣପୁରାଵାସା ବିନ୍ଦୁତ୍ରୟସମନ୍ଵିତା ॥ ୧୫ ॥
ନାମ୍ନାମଷ୍ଟୋତ୍ତରଶତଂ ପଠେନ୍ନ୍ୟାସସମନ୍ଵିତଂ ।
ସର୍ଵସିଦ୍ଧିମଵାପ୍ନୋତୀ ସାଧକୋଭୀଷ୍ଟମାପ୍ନୁୟାତ୍ ॥ ୧୬ ॥
ଇତି ଶ୍ରୀ ରୁଦ୍ରୟାମଲତନ୍ତ୍ରେ ଉମାମହେଶ୍ଵରସଂଵାଦେ
ଶ୍ରୀ ବାଲା ଅଷ୍ଟୋତ୍ତର ଶତନାମସ୍ତୋତ୍ରମ୍ ସମ୍ପୂର୍ଣମ୍ ।
– Chant Stotra in Other Languages –
Sri Durga Slokam » 108 Names of Bala Tripura Sundari / Bala Ashtottara Shatanama Stotram 1 Lyrics in Sanskrit » English » Bengali » Gujarati » Kannada » Malayalam » Telugu » Tamil