॥ Sri Balakrishna Prarthana Ashtakam Malayalam Lyrics ॥
॥ ശ്രീബാലകൃഷ്ണപ്രാര്‍ഥനാഷ്ടകം ॥
ശ്രീമദ്യശോദാങ്കവിഹാരദക്ഷേ
തത്സ്തന്യസക്തേ നിജഭക്തരക്തേ ।
ഗോവര്‍ധനപ്രീതികരേ പരേഽസ്മിന്‍
ശ്രീബാലകൃഷ്ണേ രതിരസ്തു നിത്യം ॥ 1 ॥
ശ്രീനന്ദരാജാങ്ഗണരന്തരശ്മി- ??
കിര്‍മീരിതാങ്ഗദ്യുതിരംയരംയേ । ??
തത്രാനിശം ക്രീഡനതത്പരേഽസ്മിന്‍
ശ്രീബാലകൃഷ്ണേ രതിരസ്തു നിത്യം ॥ 2 ॥
മുഖാമൃതം പ്രാശ്യ പദാമൃതം കിം
വാഞ്ഛന്തി നിശ്ചേതുമതീവ ഭക്താഃ ।
ആസ്യേ പദാങ്ഗുഷ്ഠധരേ മമാസ്മിന്‍
ശ്രീബാലകൃഷ്ണേ രതിരസ്തു നിത്യം ॥ 3 ॥
നാനാമണിവ്രാതവിഭൂഷണാനാം
ചാപല്യതോ മഞ്ചുലസിഞ്ജിതൈസ്തൈഃ ।
സ്ഥിതാഞ്ജിതാസ്യേ കൃതമുഗ്ധലാസ്യേ
ശ്രീബാലകൃഷ്ണേ രതിരസ്തു നിത്യം ॥ 4 ॥
ഘോഷേഷു ഗോപങ്കയുതേഷു ഗത്യാ
പ്രത്യങ്ഗമാലിന്യവിശേഷഹൃദ്യേ ।
ബാല്യാത്കലാലാപമനോഹരേഽസ്മിന്‍
ശ്രീബാലകൃഷ്ണേ രതിരസ്തു നിത്യം ॥ 5 ॥
സ്നിഗ്ധാമലാകുഞ്ചിതകുന്തലസ്പൃഗ്-
വക്ത്രേണ ഭങ്ഗാവൃതപദ്മശോഭാം ।
ജഹന്തി തസ്മിന്‍ മമ നന്ദസൂനൌ
ശ്രീബാലകൃഷ്ണേ രതിസ്തു നിത്യം ॥ 6 ॥
ദന്തദ്വയേനാര്‍ജിതകുന്ദകോശേ
ദ്വന്ദ്വോത്ഥശോഭേ നവനീരദാഭേ ।
ഹൈയങ്ഗവീനാങ്കലിതൈകഹസ്തേ
ശ്രീബാലകൃഷ്ണേ രതിരസ്തു നിത്യം ॥ 7 ॥
ഹസ്തേന നേത്രാദപസാരിതേന
സ്നിഗ്ധാഞ്ജനേനാക്തകപാലദേശേ ।
വ്രജാങ്ഗനാസ്നേഹസുധാസുപാത്രേ
ശ്രീബാലകൃഷ്ണേ രതിരസ്തു നിത്യം ॥ 8 ॥
ഇതി ശ്രീബാലകൃഷ്ണസ്യ വര്‍ണനപ്രാര്‍ഥനാഷ്ടകം ।
വര്‍ണിതം ജീവനാഖ്യേന ഗോകുലോത്സവസൂനുനാ ॥
ഇതി ശ്രീവല്ലഭചരണൈകതാന ശ്രീമദ്ഗോകുലോത്സവതനൂദ്ഭവ-
ശ്രീജീവനേശവിരചിതം ശ്രീബാലകൃഷ്ണശരണാഷ്ടകം സമ്പൂര്‍ണം ।
– Chant Stotra in Other Languages –
Sri Krishna Slokam » Sri Balakrishna Prarthana Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil