॥ Sri Balakrishna Prarthana Ashtakam Telugu Lyrics ॥
॥ శ్రీబాలకృష్ణప్రార్థనాష్టకమ్ ॥
శ్రీమద్యశోదాఙ్కవిహారదక్షే
తత్స్తన్యసక్తే నిజభక్తరక్తే ।
గోవర్ధనప్రీతికరే పరేఽస్మిన్
శ్రీబాలకృష్ణే రతిరస్తు నిత్యమ్ ॥ ౧ ॥
శ్రీనన్దరాజాఙ్గణరన్తరశ్మి- ??
కిర్మీరితాఙ్గద్యుతిరమ్యరమ్యే । ??
తత్రానిశం క్రీడనతత్పరేఽస్మిన్
శ్రీబాలకృష్ణే రతిరస్తు నిత్యమ్ ॥ ౨ ॥
ముఖామృతం ప్రాశ్య పదామృతం కిం
వాఞ్ఛన్తి నిశ్చేతుమతీవ భక్తాః ।
ఆస్యే పదాఙ్గుష్ఠధరే మమాస్మిన్
శ్రీబాలకృష్ణే రతిరస్తు నిత్యమ్ ॥ ౩ ॥
నానామణివ్రాతవిభూషణానాం
చాపల్యతో మఞ్చులసిఞ్జితైస్తైః ।
స్థితాఞ్జితాస్యే కృతముగ్ధలాస్యే
శ్రీబాలకృష్ణే రతిరస్తు నిత్యమ్ ॥ ౪ ॥
ఘోషేషు గోపఙ్కయుతేషు గత్యా
ప్రత్యఙ్గమాలిన్యవిశేషహృద్యే ।
బాల్యాత్కలాలాపమనోహరేఽస్మిన్
శ్రీబాలకృష్ణే రతిరస్తు నిత్యమ్ ॥ ౫ ॥
స్నిగ్ధామలాకుఞ్చితకున్తలస్పృగ్-
వక్త్రేణ భఙ్గావృతపద్మశోభామ్ ।
జహన్తి తస్మిన్ మమ నన్దసూనౌ
శ్రీబాలకృష్ణే రతిస్తు నిత్యమ్ ॥ ౬ ॥
దన్తద్వయేనార్జితకున్దకోశే
ద్వన్ద్వోత్థశోభే నవనీరదాభే ।
హైయఙ్గవీనాఙ్కలితైకహస్తే
శ్రీబాలకృష్ణే రతిరస్తు నిత్యమ్ ॥ ౭ ॥
హస్తేన నేత్రాదపసారితేన
స్నిగ్ధాఞ్జనేనాక్తకపాలదేశే ।
వ్రజాఙ్గనాస్నేహసుధాసుపాత్రే
శ్రీబాలకృష్ణే రతిరస్తు నిత్యమ్ ॥ ౮ ॥
ఇతి శ్రీబాలకృష్ణస్య వర్ణనప్రార్థనాష్టకమ్ ।
వర్ణితం జీవనాఖ్యేన గోకులోత్సవసూనునా ॥
ఇతి శ్రీవల్లభచరణైకతాన శ్రీమద్గోకులోత్సవతనూద్భవ-
శ్రీజీవనేశవిరచితం శ్రీబాలకృష్ణశరణాష్టకం సమ్పూర్ణమ్ ।
– Chant Stotra in Other Languages –
Sri Krishna Slokam » Sri Balakrishna Prarthana Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil