॥ Sri Balambika Ashtakam 2 Bengali Lyrics ॥
॥ শ্রীবালাম্বিকাষ্টকম্ ২ ॥
নতোঽস্মি তে দেবি সুপাদপঙ্কজং মুরাসুরেন্দ্রৈরভিবন্দিতং সদা ।
পরাত্পরং চারুতরং সুমঙ্গলং বেদার্থ-বেদ্যং মমকার্য-সিদ্ধয়ে ॥ ১ ॥
বেদৈকবন্দ্যং ভুবনস্য মাতরং সমস্ত-কল্যাণ-গুণাভিরামকাম্ ।
ভক্তার্থদং ভক্তজনাভিবন্দ্যাং বালাম্বিকাং বালকলাং নতোঽস্মি ॥ ২ ॥
সৌবর্ণ-চিত্রাভরণাঞ্চ গৌরীং প্রফুল্ল রক্তোত্পল-ভূষিতাঙ্গীম্ ।
নীলালকাং নীলগল-প্রিয়াঞ্চ বালাম্বিকাং বালকলাং নতোঽস্মি ॥ ৩ ॥
সৌবর্ণ-বর্ণাকৃতি-দিব্য-বস্ত্রাং সৌবর্ণ-রত্নাঞ্চিত দিব্য-কাঞ্চীম্ ।
নিম্বাটবী-নাথ-মনঃপ্রহৃষ্টাং বালাম্বিকাং বালকলাং নতোঽস্মি ॥ ৪ ॥
স্রগ্-চন্দনালঙ্কৃত-দিব্যদেহাং হারিদ্রসচ্চূর্ণ বিরাজিতাঙ্গীম্ ।
বৈচিত্র-কোটীর বিভূষিতাঙ্গীং বালাম্বিকাং বালকলাং নতোঽস্মি ॥ ৫ ॥
বৈচিত্র-মুক্তামণি বিদ্রুমাণাং স্রগ্ভিস্সদারাজিত গৌরবর্ণাম্ ।
চতুর্ভুজাং চারু-বিচিত্র-রূপাং বালাম্বিকাং বালকলাং নতোঽস্মি ॥ ৬ ॥
ক্বণত্-সুমঞ্জীর-রবাভিরামাং সমস্ত-হৃন্মণ্ডল-মধ্য-পীঠাম্ ।
বৈদ্যেশ্বরীং বৈদ্যপতি-প্রিয়াঞ্চ বালাম্বিকাং বালকলাং নতোঽস্মি ॥ ৭ ॥
ব্রহ্মেন্দ্র-বিষ্ণ্বর্ক-নিশীশ-পূর্ব গীর্বাণ-বর্যার্চিত দিব্য-দেহাম্ ।
জ্যোতির্ময়াং জ্ঞানদ-দিব্য-রূপাং বালাম্বিকাং বালকলাং নতোঽস্মি ॥ ৮ ॥
বালাম্বিকা স্তোত্রমতীব পুণ্যং ভক্তেষ্টদঞ্চেন্-মনুজঃ প্রভাতে ।
ভক্ত্ত্যা পঠেত্ প্রাবলার্থ-সিদ্ধং প্রাপ্নোতি সদ্যস্সকলেষ্টকামান্ ॥ ৯ ॥
॥ ইতি শ্রীবালাম্বিকাষ্টকস্তোত্রং সম্পূর্ণম্ ॥
– Chant Stotra in Other Languages –
Goddess Durga Slokam » Sri Balambika Ashtakam 2 Lyrics in Sanskrit » English » Gujarati » Kannada » Malayalam » Odia » Telugu » Tamil