॥ Sri Batukabhairava Ashtottara Shatanama Stotram 2 Bengali Lyrics ॥
॥ শ্রীবটুকভৈরবাষ্টোত্তরশতনামস্তোত্রম্ ২ ॥
॥ শ্রীগণেশায় নমঃ ॥
॥ শ্রীউমামহেশ্বরাভ্যাং নমঃ ॥
॥ শ্রীগুরবে নমঃ ॥
॥ শ্রীভৈরবায় নমঃ ॥
ওঁ অস্য শ্রীবটুকভৈরবস্তোত্রমন্ত্রস্য কালগ্নিরুদ্র ঋষিঃ ।
অনুষ্টুপ্ ছন্দঃ । আপদুদ্ধারকবটুকভৈরবো দেবতা । হ্রীং বীজম্ ।
ভৈরবীবল্লভঃ শক্তিঃ । নীলবর্ণো দণ্ডপাণিরিতি কীলকম্ ।
সমস্তশত্রুদমনে সমস্তাপন্নিবারণে সর্বাভীষ্টপ্রদানে চ বিনিয়োগঃ ॥
॥ ঋষ্যাদি ন্যাসঃ ॥
ওঁ কালাগ্নিরুদ্র ঋষয়ে নমঃ শিরসি । অনুষ্টুপ্ছন্দসে নমঃ মুখে ।
আপদুদ্ধারকশ্রীবটুকভৈরব দেবতায়ৈ নমঃ হৃদয়ে ।
হ্রীং বীজায় নমঃ গুহ্যে । ভৈরবীবল্লভ শক্তয়ে নমঃ পাদয়োঃ ।
নীলবর্ণো দণ্ডপাণিরিতি কীলকায় নমঃ নাভৌ ।
সমস্তশত্রুদমনে সমস্তাপন্নিবারণে সর্বাভীষ্টপ্রদানে
বিনিয়োগায় নমঃ সর্বাঙ্গে ।
॥ ইতি ঋষ্যাদি ন্যাসঃ ॥
॥ অথ মূলমন্ত্রঃ ॥
॥ ওঁ হ্রীং বাং বটুকায় ক্ষ্রৌং ক্ষৌ আপদুদ্ধারণায়
কুরু কুরু বটুকায় হ্রাং বটুকায় স্বাহা ॥
॥ ইতি মূলমন্ত্রঃ ॥
॥ অথ ধ্যানম্ ॥
নীলজীমূতসঙ্কাশো জটিলো রক্তলোচনঃ ।
দংষ্ট্রাকরালবদনঃ সর্পয়জ্ঞোপবীতবান্ ॥
দংষ্ট্রায়ুধালংকৃতশ্চ কপালস্রগ্বিভূষিতঃ ।
হস্তন্যস্তকরোটীকো ভস্মভূষিতবিগ্রহঃ ॥
নাগরাজকটীসূত্রো বালমূর্তি দিগম্বরঃ ।
মঞ্জু সিঞ্জানমঞ্জরী পাদকম্পিতভূতলঃ ॥
ভূতপ্রেতপিশাচৈশ্চ সর্বতঃ পরিবারিতঃ ।
য়োগিনীচক্রমধ্যস্থো মাতৃমণ্ডলবেষ্টিতঃ ॥
অট্টহাসস্ফুরদ্বক্ত্রো ভ্রুকুটীভীষণাননঃ ।
ভক্তসংরক্ষণার্থায় দিক্ষুভ্রমণতত্পরঃ ॥
॥ ইতি ধ্যানম্ ॥
অথ স্তোত্রম্ ।
ওঁ হ্রীং বটুকো বরদঃ শূরো ভৈরবঃ কালভৈরবঃ ।
ভৈরবীবল্লভো ভব্যো দণ্ডপাণির্দয়ানিধিঃ ॥ ১ ॥
বেতালবাহনো রৌদ্রো রুদ্রভ্রুকুটিসম্ভবঃ ।
কপাললোচনঃ কান্তঃ কামিনীবশকৃদ্বশী ॥ ২ ॥
আপদুদ্ধারণো ধীরো হরিণাঙ্কশিরোমণিঃ ।
দংষ্ট্রাকরালো দষ্টোষ্ঠৌ ধৃষ্টো দুষ্টনিবর্হণঃ ॥ ৩ ॥
সর্পহারঃ সর্পশিরাঃ সর্পকুণ্ডলমণ্ডিতঃ ।
কপালী করুণাপূর্ণঃ কপালৈকশিরোমণিঃ ॥ ৪ ॥
শ্মশানবাসী মাংসাশী মধুমত্তোঽট্টহাসবান্ ।
বাগ্মী বামব্রতো বামো বামদেবপ্রিয়ঙ্করঃ ॥ ৫ ॥
বনেচরো রাত্রিচরো বসুদো বায়ুবেগবান্ ।
য়োগী য়োগব্রতধরো য়োগিনীবল্লভো য়ুবা ॥ ৬ ॥
বীরভদ্রো বিশ্বনাথো বিজেতা বীরবন্দিতঃ ।
ভৃতধ্যক্ষো ভূতিধরো ভূতভীতিনিবারণঃ ॥ ৭ ॥
কলঙ্কহীনঃ কঙ্কালী ক্রূরকুক্কুরবাহনঃ ।
গাঢো গহনগম্ভীরো গণনাথসহোদরঃ ॥ ৮ ॥
দেবীপুত্রো দিব্যমূর্তির্দীপ্তিমান্ দীপ্তিলোচনঃ ।
মহাসেনপ্রিয়করো মান্যো মাধবমাতুলঃ ॥ ৯ ॥
ভদ্রকালীপতির্ভদ্রো ভদ্রদো ভদ্রবাহনঃ ।
পশূপহাররসিকঃ পাশী পশুপতিঃ পতিঃ ॥ ১০ ॥
চণ্ডঃ প্রচণ্ডচণ্ডেশশ্চণ্ডীহৃদয়নন্দনঃ ।
দক্ষো দক্ষাধ্বরহরো দিগ্বাসা দীর্ঘলোচনঃ ॥ ১১ ॥
নিরাতঙ্কো নির্বিকল্পঃ কল্পঃ কল্পান্তভৈরবঃ ।
মদতাণ্ডবকৃন্মত্তো মহাদেবপ্রিয়ো মহান্ ॥ ১২ ॥
খট্বাঙ্গপাণিঃ খাতীতঃ খরশূলঃ খরান্তকৃত্ ।
ব্রহ্মাণ্ডভেদনো ব্রহ্মজ্ঞানী ব্রাহ্মণপালকঃ ॥ ১৩ ॥
দিগ্চরো ভূচরো ভূষ্ণুঃ খেচরঃ খেলনপ্রিয়ঃ । দিগ্চরো
সর্বদুষ্টপ্রহর্তা চ সর্বরোগনিষূদনঃ ।
সর্বকামপ্রদঃ শর্বঃ সর্বপাপনিকৃন্তনঃ ॥ ১৪ ॥
ইত্থমষ্টোত্তরশতং নাম্নাং সর্বসমৃদ্ধিদম্ ।
আপদুদ্ধারজনকং বটুকস্য প্রকীর্তিতম্ ॥ ১৫ ॥
এতচ্চ শৃণুয়ান্নিত্যং লিখেদ্বা স্থাপয়েদ্গৃহে ।
ধারয়েদ্বা গলে বাহৌ তস্য সর্বা সমৃদ্ধয়ঃ ॥ ১৬ ॥
ন তস্য দুরিতং কিঞ্চিন্ন চোরনৃপজং ভয়ম্ ।
ন চাপস্মৃতিরোগেভ্যো ডাকিনীভ্যো ভয়ং ন হি ॥ ১৭ ॥
ন কূষ্মাণ্ডগ্রহাদিভ্যো নাপমৃত্যোর্ন চ জ্বরাত্ ।
মাসমেকং ত্রিসন্ধ্যং তু শুচির্ভূত্বা পঠেন্নরঃ ॥ ১৮ ॥
সর্বদারিদ্র্যনির্মুক্তো নিধিং পশ্যতি ভূতলে ।
মাসদ্বয়মধীয়ানঃ পাদুকাসিদ্ধিমান্ ভবেত্ ॥ ১৯ ॥
অঞ্জনং গুটিকা খড্গং ধাতুবাদরসায়নম্ ।
সারস্বতং চ বেতালবাহনং বিলসাধনম্ ॥ ২০ ॥
কার্যসিদ্ধিং মহাসিদ্ধিং মন্ত্রং চৈব সমীহিতম্ ।
বর্ষমাত্রমধীয়ানঃ প্রাপ্নুয়াত্সাধকোত্তমঃ ॥ ২১ ॥
এতত্তে কথিতং দেবি গুহ্যাদ্গুহ্যতরং পরম্ ।
কলিকল্মষনাশনং বশীকরণং চাম্বিকে ॥ ২২ ॥
॥ ইতি কালসঙ্কর্ষণতন্ত্রোক্ত
শ্রীবটুকভৈরবাষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Sri Bhairava Slokam » Sri Batuka Bhairava Ashtottarashatanama Stotram 2 Lyrics in Sanskrit » English » Gujarati » Kannada » Malayalam » Odia » Telugu » Tamil