॥ Sri Bhadra Kali Ashtottara Shatanama Stotram Bengali Lyrics ॥
॥ শ্রীভদ্রকাল্যষ্টোত্তরশতনামস্তোত্রম্ ॥
শ্রীনন্দিকেশ্বর উবাচ –
ভদ্রকালী কামরূপা মহাবিদ্যা য়শস্বিনী ।
মহাশ্রয়া মহাভাগা দক্ষয়াগবিভেদিনী ॥ ১ ॥
রুদ্রকোপসমুদ্ভূতা ভদ্রা মুদ্রা শিবঙ্করী ।
চন্দ্রিকা চন্দ্রবদনা রোষতাম্রাক্ষশোভিনী ॥ ২ ॥
ইন্দ্রাদিদমনী শান্তা চন্দ্রলেখাবিভূষিতা ।
ভক্তার্তিহারিণী মুক্তা চণ্ডিকানন্দদায়িনী ॥ ৩ ॥
সৌদামিনী সুধামূর্তিঃ দিব্যালঙ্কারভূষিতা ।
সুবাসিনী সুনাসা চ ত্রিকালজ্ঞা ধুরন্ধরা ॥ ৪ ॥
সর্বজ্ঞা সর্বলোকেশী দেবয়োনিরয়োনিজা ।
নির্গুণা নিরহঙ্কারা লোককল্যাণকারিণী ॥ ৫ ॥
সর্বলোকপ্রিয়া গৌরী সর্বগর্ববিমর্দিনী ।
তেজোবতী মহামাতা কোটিসূর্যসমপ্রভা ॥ ৬ ॥
বীরভদ্রকৃতানন্দভোগিনী বীরসেবিতা ।
নারদাদিমুনিস্তুত্যা নিত্যা সত্যা তপস্বিনী ॥ ৭ ॥
জ্ঞানরূপা কলাতীতা ভক্তাভীষ্টফলপ্রদা ।
কৈলাসনিলয়া শুভ্রা ক্ষমা শ্রীঃ সর্বমঙ্গলা ॥ ৮ ॥
সিদ্ধবিদ্যা মহাশক্তিঃ কামিনী পদ্মলোচনা ॥
দেবপ্রিয়া দৈত্যহন্ত্রী দক্ষগর্বাপহারিণী ॥ ৯ ॥
শিবশাসনকর্ত্রী চ শৈবানন্দবিধায়িনী ।
ভবপাশনিহন্ত্রী চ সবনাঙ্গসুকারিণী ॥ ১০ ॥
লম্বোদরী মহাকালী ভীষণাস্যা সুরেশ্বরী ।
মহানিদ্রা য়োগনিদ্রা প্রজ্ঞা বার্তা ক্রিয়াবতী ॥ ১১ ॥
পুত্রপৌত্রপ্রদা সাধ্বী সেনায়ুদ্ধসুকাঙ্ক্ষিণী ॥১২ ॥ (missing line)
ইচ্ছা ভগবতী মায়া দুর্গা নীলা মনোগতিঃ ।
খেচরী খড্গিনী চক্রহস্তা শুলবিধারিণী ॥ ১৩ ॥
সুবাণা শক্তিহস্তা চ পাদসঞ্চারিণী পরা ।
তপঃসিদ্ধিপ্রদা দেবী বীরভদ্রসহায়িনী ॥ ১৪ ॥
ধনধান্যকরী বিশ্বা মনোমালিন্যহারিণী ।
সুনক্ষত্রোদ্ভবকরী বংশবৃদ্ধিপ্রদায়িনী ॥ ১৫ ॥
ব্রহ্মাদিসুরসংসেব্যা শাঙ্করী প্রিয়ভাষিণী ।
ভূতপ্রেতপিশাচাদিহারিণী সুমনস্বিনী ॥ ১৬ ॥
পুণ্যক্ষেত্রকৃতাবাসা প্রত্যক্ষপরমেশ্বরী ।
এবং নাম্নাং ভদ্রকাল্যাঃ শতমষ্টোত্তরং বিদুঃ ॥ ১৭ ॥
পুণ্যং য়শো দীর্ঘমায়ুঃ পুত্রপৌত্রং ধনং বহু ।
দদাতি দেবী তস্যাশু য়ঃ পঠেত্ স্তোত্রমুত্তমম্ ॥ ১৮ ॥
ভৌমবারে ভৃগৌ চৈব পৌর্ণমাস্যাং বিশেষতঃ ।
প্রাতঃ স্নাত্বা নিত্যকর্ম বিধায় চ সুভক্তিমান্ ॥ ১৯ ॥
বীরভদ্রালয়ে ভদ্রাং সম্পূজ্য সুরসেবিতাম্ ।
পঠেত্ স্তোত্রমিদং দিব্যং নানা ভোগপ্রদং শুভম্ ॥ ২০ ॥
অভীষ্টসিদ্ধিং প্রাপ্নোতি শীঘ্রং বিদ্বান্ পরন্তপ ।
অথবা স্বগৃহে বীরভদ্রপত্নীং সমর্চয়েত্ ॥ ২১ ॥
স্তোত্রেণানেন বিধিবত্ সর্বান্ কামানবাপ্নুয়াত্ ।
রোগা নশ্যন্তি তস্যাশু য়োগসিদ্ধিং চ বিন্দতি ॥ ২২ ॥
সনত্কুমারভক্তানামিদং স্তোত্রং প্রবোধয় ॥
রহস্যং সারভূতং চ সর্বজ্ঞঃ সম্ভবিষ্যসি ॥ ২৩ ॥
ইতি শ্রীভদ্রকাল্যষ্টোত্তরশতনামস্তোত্রং সম্পূর্ণম্ ।
– Chant Stotra in Other Languages –
Goddess Durga Slokam » Sri Bhadrakali Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil