॥ Sri Bhadra Kali Ashtottara Shatanama Stotram Odia Lyrics ॥
॥ ଶ୍ରୀଭଦ୍ରକାଲ୍ୟଷ୍ଟୋତ୍ତରଶତନାମସ୍ତୋତ୍ରମ୍ ॥
ଶ୍ରୀନନ୍ଦିକେଶ୍ଵର ଉଵାଚ –
ଭଦ୍ରକାଲୀ କାମରୂପା ମହାଵିଦ୍ୟା ୟଶସ୍ଵିନୀ ।
ମହାଶ୍ରୟା ମହାଭାଗା ଦକ୍ଷୟାଗଵିଭେଦିନୀ ॥ ୧ ॥
ରୁଦ୍ରକୋପସମୁଦ୍ଭୂତା ଭଦ୍ରା ମୁଦ୍ରା ଶିଵଙ୍କରୀ ।
ଚନ୍ଦ୍ରିକା ଚନ୍ଦ୍ରଵଦନା ରୋଷତାମ୍ରାକ୍ଷଶୋଭିନୀ ॥ ୨ ॥
ଇନ୍ଦ୍ରାଦିଦମନୀ ଶାନ୍ତା ଚନ୍ଦ୍ରଲେଖାଵିଭୂଷିତା ।
ଭକ୍ତାର୍ତିହାରିଣୀ ମୁକ୍ତା ଚଣ୍ଡିକାନନ୍ଦଦାୟିନୀ ॥ ୩ ॥
ସୌଦାମିନୀ ସୁଧାମୂର୍ତିଃ ଦିଵ୍ୟାଲଙ୍କାରଭୂଷିତା ।
ସୁଵାସିନୀ ସୁନାସା ଚ ତ୍ରିକାଲଜ୍ଞା ଧୁରନ୍ଧରା ॥ ୪ ॥
ସର୍ଵଜ୍ଞା ସର୍ଵଲୋକେଶୀ ଦେଵୟୋନିରୟୋନିଜା ।
ନିର୍ଗୁଣା ନିରହଙ୍କାରା ଲୋକକଲ୍ୟାଣକାରିଣୀ ॥ ୫ ॥
ସର୍ଵଲୋକପ୍ରିୟା ଗୌରୀ ସର୍ଵଗର୍ଵଵିମର୍ଦିନୀ ।
ତେଜୋଵତୀ ମହାମାତା କୋଟିସୂର୍ୟସମପ୍ରଭା ॥ ୬ ॥
ଵୀରଭଦ୍ରକୃତାନନ୍ଦଭୋଗିନୀ ଵୀରସେଵିତା ।
ନାରଦାଦିମୁନିସ୍ତୁତ୍ୟା ନିତ୍ୟା ସତ୍ୟା ତପସ୍ଵିନୀ ॥ ୭ ॥
ଜ୍ଞାନରୂପା କଲାତୀତା ଭକ୍ତାଭୀଷ୍ଟଫଲପ୍ରଦା ।
କୈଲାସନିଲୟା ଶୁଭ୍ରା କ୍ଷମା ଶ୍ରୀଃ ସର୍ଵମଙ୍ଗଲା ॥ ୮ ॥
ସିଦ୍ଧଵିଦ୍ୟା ମହାଶକ୍ତିଃ କାମିନୀ ପଦ୍ମଲୋଚନା ॥
ଦେଵପ୍ରିୟା ଦୈତ୍ୟହନ୍ତ୍ରୀ ଦକ୍ଷଗର୍ଵାପହାରିଣୀ ॥ ୯ ॥
ଶିଵଶାସନକର୍ତ୍ରୀ ଚ ଶୈଵାନନ୍ଦଵିଧାୟିନୀ ।
ଭଵପାଶନିହନ୍ତ୍ରୀ ଚ ସଵନାଙ୍ଗସୁକାରିଣୀ ॥ ୧୦ ॥
ଲମ୍ବୋଦରୀ ମହାକାଲୀ ଭୀଷଣାସ୍ୟା ସୁରେଶ୍ଵରୀ ।
ମହାନିଦ୍ରା ୟୋଗନିଦ୍ରା ପ୍ରଜ୍ଞା ଵାର୍ତା କ୍ରିୟାଵତୀ ॥ ୧୧ ॥
ପୁତ୍ରପୌତ୍ରପ୍ରଦା ସାଧ୍ଵୀ ସେନାୟୁଦ୍ଧସୁକାଙ୍କ୍ଷିଣୀ ॥୧୨ ॥ (missing line)
ଇଚ୍ଛା ଭଗଵତୀ ମାୟା ଦୁର୍ଗା ନୀଲା ମନୋଗତିଃ ।
ଖେଚରୀ ଖଡ୍ଗିନୀ ଚକ୍ରହସ୍ତା ଶୁଲଵିଧାରିଣୀ ॥ ୧୩ ॥
ସୁବାଣା ଶକ୍ତିହସ୍ତା ଚ ପାଦସଞ୍ଚାରିଣୀ ପରା ।
ତପଃସିଦ୍ଧିପ୍ରଦା ଦେଵୀ ଵୀରଭଦ୍ରସହାୟିନୀ ॥ ୧୪ ॥
ଧନଧାନ୍ୟକରୀ ଵିଶ୍ଵା ମନୋମାଲିନ୍ୟହାରିଣୀ ।
ସୁନକ୍ଷତ୍ରୋଦ୍ଭଵକରୀ ଵଂଶଵୃଦ୍ଧିପ୍ରଦାୟିନୀ ॥ ୧୫ ॥
ବ୍ରହ୍ମାଦିସୁରସଂସେଵ୍ୟା ଶାଙ୍କରୀ ପ୍ରିୟଭାଷିଣୀ ।
ଭୂତପ୍ରେତପିଶାଚାଦିହାରିଣୀ ସୁମନସ୍ଵିନୀ ॥ ୧୬ ॥
ପୁଣ୍ୟକ୍ଷେତ୍ରକୃତାଵାସା ପ୍ରତ୍ୟକ୍ଷପରମେଶ୍ଵରୀ ।
ଏଵଂ ନାମ୍ନାଂ ଭଦ୍ରକାଲ୍ୟାଃ ଶତମଷ୍ଟୋତ୍ତରଂ ଵିଦୁଃ ॥ ୧୭ ॥
ପୁଣ୍ୟଂ ୟଶୋ ଦୀର୍ଘମାୟୁଃ ପୁତ୍ରପୌତ୍ରଂ ଧନଂ ବହୁ ।
ଦଦାତି ଦେଵୀ ତସ୍ୟାଶୁ ୟଃ ପଠେତ୍ ସ୍ତୋତ୍ରମୁତ୍ତମମ୍ ॥ ୧୮ ॥
ଭୌମଵାରେ ଭୃଗୌ ଚୈଵ ପୌର୍ଣମାସ୍ୟାଂ ଵିଶେଷତଃ ।
ପ୍ରାତଃ ସ୍ନାତ୍ଵା ନିତ୍ୟକର୍ମ ଵିଧାୟ ଚ ସୁଭକ୍ତିମାନ୍ ॥ ୧୯ ॥
ଵୀରଭଦ୍ରାଲୟେ ଭଦ୍ରାଂ ସମ୍ପୂଜ୍ୟ ସୁରସେଵିତାମ୍ ।
ପଠେତ୍ ସ୍ତୋତ୍ରମିଦଂ ଦିଵ୍ୟଂ ନାନା ଭୋଗପ୍ରଦଂ ଶୁଭମ୍ ॥ ୨୦ ॥
ଅଭୀଷ୍ଟସିଦ୍ଧିଂ ପ୍ରାପ୍ନୋତି ଶୀଘ୍ରଂ ଵିଦ୍ଵାନ୍ ପରନ୍ତପ ।
ଅଥଵା ସ୍ଵଗୃହେ ଵୀରଭଦ୍ରପତ୍ନୀଂ ସମର୍ଚୟେତ୍ ॥ ୨୧ ॥
ସ୍ତୋତ୍ରେଣାନେନ ଵିଧିଵତ୍ ସର୍ଵାନ୍ କାମାନଵାପ୍ନୁୟାତ୍ ।
ରୋଗା ନଶ୍ୟନ୍ତି ତସ୍ୟାଶୁ ୟୋଗସିଦ୍ଧିଂ ଚ ଵିନ୍ଦତି ॥ ୨୨ ॥
ସନତ୍କୁମାରଭକ୍ତାନାମିଦଂ ସ୍ତୋତ୍ରଂ ପ୍ରବୋଧୟ ॥
ରହସ୍ୟଂ ସାରଭୂତଂ ଚ ସର୍ଵଜ୍ଞଃ ସମ୍ଭଵିଷ୍ୟସି ॥ ୨୩ ॥
ଇତି ଶ୍ରୀଭଦ୍ରକାଲ୍ୟଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Goddess Durga Slokam » Sri Bhadrakali Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil