॥ Sri Bhairav Ashtakam 2 Telugu Lyrics ॥
॥ శ్రీభైరవాష్టకమ్ ౨ ॥
॥ శ్రీగణేశాయ నమః ॥
॥ శ్రీఉమామహేశ్వరాభ్యాం నమః ॥
॥ శ్రీగురవే నమః ॥
॥ శ్రీభైరవాయ నమః ॥
శ్రీభైరవో రుద్రమహేశ్వరో యో మహామహాకాల అధీశ్వరోఽథ ।
యో జీవనాథోఽత్ర విరాజమానః శ్రీభైరవం తం శరణం ప్రపద్యే ॥ ౧ ॥
పద్మాసనాసీనమపూర్వరూపం మహేన్ద్రచర్మోపరి శోభమానమ్ ।
గదాఽబ్జ పాశాన్విత చక్రచిహ్నం శ్రీభైరవం తం శరణం ప్రపద్యే ॥ ౨ ॥
యో రక్తగోరశ్చ చతుర్భుజశ్చ పురః స్థితోద్భాసిత పానపాత్రః ।
భుజఙ్గభూయోఽమితవిక్రమో యః శ్రీభైరవం తం శరణం ప్రపద్యే ॥ ౩ ॥
రుద్రాక్షమాలా కలికాఙ్గరూపం త్రిపుణ్డ్రయుక్తం శశిభాల శుభ్రమ్ ।
జటాధరం శ్వానవరం మహాన్తం శ్రీభైరవం తం శరణం ప్రపద్యే ॥ ౪ ॥
యో దేవదేవోఽస్తి పరః పవిత్రః భుక్తిఞ్చ ముక్తిం చ దదాతి నిత్యమ్ ।
యోఽనన్తరూపః సుఖదో జనానాం శ్రీభైరవం తం శరణం ప్రపద్యే ॥ ౫ ॥
యో బిన్దునాథోఽఖిలనాదనాథః శ్రీభైరవీచక్రపనాగనాథః ।
మహాద్భూతో భూతపతిః పరేశః శ్రీభైరవం తం శరణం ప్రపద్యే ॥ ౬ ॥
యే యోగినో ధ్యానపరా నితాన్తం స్వాన్తఃస్థమీశం జగదీశ్వరం వై ।
పశ్యన్తి పారం భవసాగరస్య శ్రీభైరవం తం శరణం ప్రపద్యే ॥ ౭ ॥
ధర్మధ్వజం శఙ్కరరూపమేకం శరణ్యమిత్థం భువనేషు సిద్ధమ్ ।
ద్విజేన్ద్రపూజ్యం విమలం త్రినేత్రం శ్రీభైరవం తం శరణం ప్రపద్యే ॥ ౮ ॥
భైరవాష్టకమేతద్ యః శ్రద్ధా భక్తి సమన్వితః ।
సాయం ప్రాతః పఠేన్నిత్యం స యశస్వీ సుఖీ భవేత్ ॥ ౯ ॥
॥ శ్రీగార్గ్యమునివిరచితం భైరవాష్టకం సమ్పూర్ణమ్ ॥
– Chant Stotra in Other Languages –
Lord Shiva Slokam » Sri Bhairav Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil