॥ Sri Bhavamangala Ashtakam Gujarati Lyrics ॥
॥ શ્રીભવમઙ્ગલાષ્ટકમ્ ॥
શ્રીરઙ્ગં કરિશૈલમઞ્જનગિરીં શેષાદ્રિસિંહાચલં
શ્રીકૂર્મં પુરુષોત્તમં ચ બદરીનારાયણં નૈમિષમ્ ।
શ્રીમદ્વારવતીપ્રયાગમથુરાયોધ્યાગયાપુષ્કરં
શાલગ્રામગિરિં નિષેવ્ય રમતે રામાનુજોઽયં મુનિઃ ॥ ૧ ॥
સર્વેષાં કૃતિનાં ચરન્તિ ગુરવઃ કૈઙ્કર્યનિષ્ઠા હરેઃ
શ્રીરામાનુજયોગિનાયકમણિઃ શ્રીપાદપદ્માલયાઃ ।
ભોગ્યાષ્ટાક્ષરમન્ત્રરત્નચરમશ્લોકાનુસન્ધાયિનો
વન્દ્યા ભાગવતોત્તમાઃ પ્રતિદિનઙ્કુર્વન્તુ નો મઙ્ગલમ્ ॥ ૨ ॥
સ શ્રીમાન્પરમઃપુમાનથ ચતુર્વ્યૂહાવતારસ્તતો
જાતા વ્યૂહપરમ્પરાઃ સુરચિતાઃ શ્રીકેશવાદ્યાઃ પરાઃ ।
એકામ્ભોનિધિશેષભોગશયનન્યગ્રોધપત્રાશ્રય-
ક્ષીરોદન્વદનન્તતલ્પસુખદાઃ કુર્વન્તુ નો મઙ્ગલમ્ ॥ ૩ ॥
શ્રીરામાનુજયોગિપૂર્ણયમુનાવાસ્તવ્યમાલાધરાઃ
નાથઃ કારિતનૂજસૈન્યપરમાઃ શ્રીમાંશ્ચ નારાયણઃ ।
ચણ્ડાદ્યાઃ કુમુદાદયઃ પરિજના નિત્યાશ્ચ મુક્તાશ્ચ યે
શ્રીવૈકુણ્ઠનિવાસિનોઽમરવરાઃ કુર્વન્તુ નો મઙ્ગલમ્ ॥ ૪ ॥
મત્સ્યઃ-કૂર્મ-વરાહ-માનવહરિઃ શ્રીવામનો-ભાર્ગવઃ
શ્રીરામો-બલદેવદેવકિસુતૌ-કલ્કી દશૈતે ક્રમાત્ ।
અન્તર્યામ્યથ યોગિનાં હૃદયગોપ્યર્ચ્ચાવતારાઃ શુભાઃ
શ્રીરઙ્ગાદિસમસ્તધામનિલયાઃ કુર્વન્તુ નો મઙ્ગલમ્ ॥ ૫ ॥
શ્રીભૂમિર્વિમલાદયો નવસુધાપદ્માધૃતાઃ શક્તયો
વેદા વેદવતી ધરાપિ ચ મહાલક્ષ્મી સુકેશાલયા ।
દેવી ભાર્ગવભામિની જનકજા સા રેવતી રુક્મિણી
વેદાદ્યાઃપ્રભયાન્વિતા દશ રમાઃ કુર્વન્તુ નો મઙ્ગલમ્ ॥ ૬ ॥
શત્રુધ્વંસિ સુદર્શનં સુખકરં શ્રીપાઞ્ચજન્યસ્સદા
બાણાઃ શાર્ઙ્ગમમહર્ષજનકં કૌમૌદકી નન્દકઃ ।
સત્પદ્મં મુસલં હલં ચ પરશુર્દિવ્યાયુધાનિ પ્રભોઃ
સેનાધીશખગેશભોગિપતયઃ કુર્વન્તુ નો મઙ્ગલમ્ ॥ ૭ ॥
હંસો ધર્મનિદર્શનો હરિમુખો યજ્ઞશ્ચ ધન્વન્તરિઃ
પાથોઽજોમિથુનોદિતોહરિરલઙ્કારઃ પૃથિવ્યાઃ પૃથુઃ ।
આદ્યો વેદમુખશ્ચ જન્મનિલયો નારાયણો વૈ વિરાટ્
શ્વેતદ્વીપનિવાસિજીવહૃદયઃ કુર્વન્તુ નો મઙ્ગલમ્ ॥ ૮ ॥
વિષ્વક્સેનમુનિર્હ્યનન્તમુનયઃ શ્રીસમ્પ્રદાયાદિમા
યેઽન્યે ભૂતભવિષ્યદૃશ્યસમયે શ્રીરઙ્ગભૂભૂષણાઃ ।
યે વૈ ભાગવતાઃ સુખા દશગણા ભૃત્યા નરા વાનરાઃ
શ્વેતદ્વીપનિવાસિનો નરવરાઃકુર્વન્તુ નો મઙ્ગલમ્ ॥ ૯ ॥
ઇત્યુક્તં ભવમઙ્ગલાષ્ટકમિદં સુશ્લોકસઙ્કીર્તનં
શ્રીમદ્ભાગવતપ્રસાદજનકં શ્રીવેઙ્કટેશેન યત્ ।
ભક્તા યે પ્રપઠન્તિ શુદ્ધમનસઃ પ્રોત્ફુલ્લહૃત્પઙ્કજા-
સ્તેષાંવાઞ્છિતમઙ્ગલમ્પ્રકુરુતે ભક્તિપ્રિયો માધવઃ ॥ ૧૦ ॥
ઇતિ શ્રીભવમઙ્ગલાષ્ટકં સમ્પૂર્ણમ્ ॥
– Chant Stotra in Other Languages –
Sri Bhavamangala Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil