॥ Sri Bhuvaneshvarya Ashtakam Malayalam Lyrics ॥
॥ ശ്രീഭുവനേശ്വര്യഷ്ടകം ॥
അഥ ശ്രീഭുവനേശ്വര്യഷ്ടകം ।
ശ്രീദേവ്യുവാച –
പ്രഭോ ശ്രീഭൈരവശ്രേഷ്ഠ ദയാലോ ഭക്തവത്സല ।
ഭുവനേശീസ്തവം ബ്രൂഹി യദ്യഹന്തവ വല്ലഭാ ॥ 1 ॥
ഈശ്വര ഉവാച –
ശൃണു ദേവി പ്രവക്ഷ്യാമി ഭുവനേശ്യഷ്ടകം ശുഭം ।
യേന വിജ്ഞാതമാത്രേണ ത്രൈലോക്യമങ്ഗലംഭവേത് ॥ 2 ॥
ഊം നമാമി ജഗദാധാരാം ഭുവനേശീം ഭവപ്രിയാം ।
ഭുക്തിമുക്തിപ്രദാം രംയാം രമണീയാം ശുഭാവഹാം ॥ 3 ॥
ത്വം സ്വാഹാ ത്വം സ്വധാ ദേവി ! ത്വം യജ്ഞാ യജ്ഞനായികാ ।
ത്വം നാഥാ ത്വം തമോഹര്‍ത്രീ വ്യാപ്യവ്യാപകവര്‍ജിതാ ॥ 4 ॥
ത്വമാധാരസ്ത്വമിജ്യാ ച ജ്ഞാനജ്ഞേയം പരം പദം ।
ത്വം ശിവസ്ത്വം സ്വയം വിഷ്ണുസ്ത്വമാത്മാ പരമോഽവ്യയഃ ॥ 5 ॥
ത്വം കാരണഞ്ച കാര്യഞ്ച ലക്ഷ്മീസ്ത്വഞ്ച ഹുതാശനഃ ।
ത്വം സോമസ്ത്വം രവിഃ കാലസ്ത്വം ധാതാ ത്വഞ്ച മാരുതഃ ॥ 6 ॥
ഗായത്രീ ത്വം ച സാവിത്രീ ത്വം മായാ ത്വം ഹരിപ്രിയാ ।
ത്വമേവൈകാ പരാശക്തിസ്ത്വമേവ ഗുരുരൂപധൃക് ॥ 7 ॥
ത്വം കാലാ ത്വം കലാഽതീതാ ത്വമേവ ജഗതാംശ്രിയഃ ।
ത്വം സര്‍വകാര്യം സര്‍വസ്യ കാരണം കരുണാമയി ॥ 8 ॥
ഇദമഷ്ടകമാദ്യായാ ഭുവനേശ്യാ വരാനനേ ।
ത്രിസന്ധ്യം ശ്രദ്ധയാ മര്‍ത്യോ യഃ പഠേത് പ്രീതമാനസഃ ॥ 9 ॥
സിദ്ധയോ വശഗാസ്തസ്യ സമ്പദോ വശഗാ ഗൃഹേ ।
രാജാനോ വശമായാന്തി സ്തോത്രസ്യാഽസ്യ പ്രഭാവതഃ ॥ 10 ॥
ഭൂതപ്രേതപിശാചാദ്യാ നേക്ഷന്തേ താം ദിശം ഗ്രഹാഃ ।
യം യം കാമം പ്രവാഞ്ഛേത സാധകഃ പ്രീതമാനസഃ ॥ 11 ॥
തം തമാപ്നോതി കൃപയാ ഭുവനേശ്യാ വരാനനേ ।
അനേന സദൃശം സ്തോത്രം ന സമം ഭുവനത്രയേ ॥ 12 ॥
സര്‍വസമ്പത്പ്രദമിദം പാവനാനാഞ്ച പാവനം ।
അനേന സ്തോത്രവര്യേണ സാധിതേന വരാനനേ ।
സമപ്ദോ വശമായാന്തി ഭുവനേശ്യാഃ പ്രസാദതഃ ॥ 13 ॥
ഇതി ശ്രീരുദ്രയാമലേ തന്ത്രേ ശ്രീഭുവനേശ്വര്യഷ്ടകം സമ്പൂര്‍ണം ।
– Chant Stotra in Other Languages –
Goddess Durga Slokam » Sri Bhuvaneshvarya Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil