॥ Sri Bhuvaneshvarya Ashtakam Telugu Lyrics ॥
॥ శ్రీభువనేశ్వర్యష్టకమ్ ॥
అథ శ్రీభువనేశ్వర్యష్టకమ్ ।
శ్రీదేవ్యువాచ –
ప్రభో శ్రీభైరవశ్రేష్ఠ దయాలో భక్తవత్సల ।
భువనేశీస్తవమ్ బ్రూహి యద్యహన్తవ వల్లభా ॥ ౧ ॥
ఈశ్వర ఉవాచ –
శృణు దేవి ప్రవక్ష్యామి భువనేశ్యష్టకం శుభమ్ ।
యేన విజ్ఞాతమాత్రేణ త్రైలోక్యమఙ్గలమ్భవేత్ ॥ ౨ ॥
ఊం నమామి జగదాధారాం భువనేశీం భవప్రియామ్ ।
భుక్తిముక్తిప్రదాం రమ్యాం రమణీయాం శుభావహామ్ ॥ ౩ ॥
త్వం స్వాహా త్వం స్వధా దేవి ! త్వం యజ్ఞా యజ్ఞనాయికా ।
త్వం నాథా త్వం తమోహర్త్రీ వ్యాప్యవ్యాపకవర్జితా ॥ ౪ ॥
త్వమాధారస్త్వమిజ్యా చ జ్ఞానజ్ఞేయం పరం పదమ్ ।
త్వం శివస్త్వం స్వయం విష్ణుస్త్వమాత్మా పరమోఽవ్యయః ॥ ౫ ॥
త్వం కారణఞ్చ కార్యఞ్చ లక్ష్మీస్త్వఞ్చ హుతాశనః ।
త్వం సోమస్త్వం రవిః కాలస్త్వం ధాతా త్వఞ్చ మారుతః ॥ ౬ ॥
గాయత్రీ త్వం చ సావిత్రీ త్వం మాయా త్వం హరిప్రియా ।
త్వమేవైకా పరాశక్తిస్త్వమేవ గురురూపధృక్ ॥ ౭ ॥
త్వం కాలా త్వం కలాఽతీతా త్వమేవ జగతాంశ్రియః ।
త్వం సర్వకార్యం సర్వస్య కారణం కరుణామయి ॥ ౮ ॥
ఇదమష్టకమాద్యాయా భువనేశ్యా వరాననే ।
త్రిసన్ధ్యం శ్రద్ధయా మర్త్యో యః పఠేత్ ప్రీతమానసః ॥ ౯ ॥
సిద్ధయో వశగాస్తస్య సమ్పదో వశగా గృహే ।
రాజానో వశమాయాన్తి స్తోత్రస్యాఽస్య ప్రభావతః ॥ ౧౦ ॥
భూతప్రేతపిశాచాద్యా నేక్షన్తే తాం దిశం గ్రహాః ।
యం యం కామం ప్రవాఞ్ఛేత సాధకః ప్రీతమానసః ॥ ౧౧ ॥
తం తమాప్నోతి కృపయా భువనేశ్యా వరాననే ।
అనేన సదృశం స్తోత్రం న సమం భువనత్రయే ॥ ౧౨ ॥
సర్వసమ్పత్ప్రదమిదం పావనానాఞ్చ పావనమ్ ।
అనేన స్తోత్రవర్యేణ సాధితేన వరాననే ।
సమప్దో వశమాయాన్తి భువనేశ్యాః ప్రసాదతః ॥ ౧౩ ॥
ఇతి శ్రీరుద్రయామలే తన్త్రే శ్రీభువనేశ్వర్యష్టకం సమ్పూర్ణమ్ ।
– Chant Stotra in Other Languages –
Goddess Durga Slokam » Sri Bhuvaneshvarya Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil