॥ Sri Bhuvaneswari Ashtottara Shatanama Stotram Malayalam Lyrics ॥
॥ ശ്രീഭുവനേശ്വര്യഷ്ടോത്തരശതനാമസ്തോത്രം ॥
അഥ ശ്രീഭുവനേശ്വര്യഷ്ടോത്തരശതനാമസ്തോത്രം ।
ഈശ്വര ഉവാച
മഹാസമ്മോഹിനീ ദേവീ സുന്ദരീ ഭുവനേശ്വരീ ।
ഏകാക്ഷരീ ഏകമന്ത്രീ ഏകാകീ ലോകനായികാ ॥ 1 ॥
ഏകരൂപാ മഹാരൂപാ സ്ഥൂലസൂക്ഷ്മശരീരിണീ ।
ബീജരൂപാ മഹാശക്തിഃ സങ്ഗ്രാമേ ജയവര്‍ധിനീ ॥ 2 ॥
മഹാരതിര്‍മഹാശക്തിര്യോഗിനീ പാപനാശിനീ ।
അഷ്ടസിദ്ധിഃ കലാരൂപാ വൈഷ്ണവീ ഭദ്രകാലികാ ॥ 3 ॥
ഭക്തിപ്രിയാ മഹാദേവീ ഹരിബ്രഹ്മാദിരൂപിണീ ।
ശിവരൂപീ വിഷ്ണുരൂപീ കാലരൂപീ സുഖാസിനീ ॥ 4 ॥
പുരാണീ പുണ്യരൂപാ ച പാര്‍വതീ പുണ്യവര്‍ധിനീ ।
രുദ്രാണീ പാര്‍വതീന്ദ്രാണീ ശങ്കരാര്‍ധശരീരിണീ ॥ 5 ॥
നാരായണീ മഹാദേവീ മഹിഷീ സര്‍വമങ്ഗലാ ।
അകാരാദിക്ഷകാരാന്താ ഹ്യഷ്ടാത്രിംശത്കലാധരീ ॥ 6 ॥
സപ്തമാ ത്രിഗുണാ നാരീ ശരീരോത്പത്തികാരിണീ ।
ആകല്‍പാന്തകലാവ്യാപിസൃഷ്ടിസംഹാരകാരിണീ ॥ 7 ॥
സര്‍വശക്തിര്‍മഹാശക്തിഃ ശര്‍വാണീ പരമേശ്വരീ ।
ഹൃല്ലേഖാ ഭുവനാ ദേവീ മഹാകവിപരായണാ ॥ 8 ॥
ഇച്ഛാജ്ഞാനക്രിയാരൂപാ അണിമാദിഗുണാഷ്ടകാ ।
നമഃ ശിവായൈ ശാന്തായൈ ശാങ്കരി ഭുവനേശ്വരി ॥ 9 ॥
വേദവേദാങ്ഗരൂപാ ച അതിസൂക്ഷ്മാ ശരീരിണീ ।
കാലജ്ഞാനീ ശിവജ്ഞാനീ ശൈവധര്‍മപരായണാ ॥ 10 ॥
കാലാന്തരീ കാലരൂപീ സംജ്ഞാനാ പ്രാണധാരിണീ ।
ഖഡ്ഗശ്രേഷ്ഠാ ച ഖട്വാങ്ഗീ ത്രിശൂലവരധാരിണീ ॥ 11 ॥
അരൂപാ ബഹുരൂപാ ച നായികാ ലോകവശ്യഗാ ।
അഭയാ ലോകരക്ഷാ ച പിനാകീ നാഗധാരിണീ ॥ 12 ॥
വജ്രശക്തിര്‍മഹാശക്തിഃ പാശതോമരധാരിണീ ।
അഷ്ടാദശഭുജാ ദേവീ ഹൃല്ലേഖാ ഭുവനാ തഥാ ॥ 13 ॥
ഖഡ്ഗധാരീ മഹാരൂപാ സോമസൂര്യാഗ്നിമധ്യഗാ ।
ഏവം ശതാഷ്ടകം നാമ സ്തോത്രം രമണഭാഷിതം ॥ 14 ॥
സര്‍വപാപപ്രശമനം സര്‍വാരിഷ്ടനിവാരണം ।
സര്‍വശത്രുക്ഷയകരം സദാ വിജയവര്‍ധനം ॥ 15 ॥
ആയുഷ്കരം പുഷ്ടികരം രക്ഷാകരം യശസ്കരം ।
അമരാദിപദൈശ്വര്യമമത്വാംശകലാപഹം ॥ 16 ॥
ഇതി ശ്രീരുദ്രയാമലേ തന്ത്രേ ഭുവനേശ്വര്യഷ്ടോത്തരശതനാമ സമാപ്തം ।
– Chant Stotra in Other Languages –
Sri Durga Slokam » Sri Bhuvaneshvari Devi Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil