Sri Brihaspati Kavacham In Telugu

॥ Sri Brihaspati Kavacham Telugu Lyrics ॥

॥ శ్రీ బృహస్పతి కవచం ॥
అస్య శ్రీబృహస్పతికవచస్తోత్రమన్త్రస్య ఈశ్వర ఋషిః అనుష్టుప్ ఛన్దః బృహస్పతిర్దేవతా అం బీజం శ్రీం శక్తిః క్లీం కీలకం మమ బృహస్పతిప్రసాదసిద్ధ్యర్థే జపే వినియోగః ।

కరన్యాసః ॥
గాం అఙ్గుష్ఠాభ్యాం నమః ।
గీం తర్జనీభ్యాం నమః ।
గూం మధ్యమాభ్యాం నమః ।
గైం అనామికాభ్యాం నమః ।
గౌం కనిష్ఠికాభ్యాం నమః ।
గః కరతలకరపృష్ఠాభ్యాం నమః ॥

అంగన్యాసః ॥
గాం హృదయాయ నమః ।
గీం శిరసే స్వాహా ।
గూం శిఖాయై వషట్ ।
గైం కవచాయ హుమ్ ।
గౌం నేత్రత్రయాయ వౌషట్ ।
గః అస్త్రాయ ఫట్ ।
భూర్భువస్సువరోమితి దిగ్బంధః ॥

ధ్యానమ్ –
తప్తకాఞ్చనవర్ణాభం చతుర్భుజసమన్వితమ్
దణ్డాక్షసూత్రమాలాం చ కమణ్డలువరాన్వితమ్ ।
పీతాంబరధరం దేవం పీతగన్ధానులేపనమ్
పుష్పరాగమయం భూష్ణుం విచిత్రమకుటోజ్జ్వలమ్ ॥

స్వర్ణాశ్వరథమారూఢం పీతధ్వజసుశోభితమ్ ।
మేరుం ప్రదక్షిణం కృత్వా గురుదేవం సమర్చయేత్ ॥

అభీష్టవరదం దేవం సర్వజ్ఞం సురపూజితమ్ ।
సర్వకార్యార్థసిద్ధ్యర్థం ప్రణమామి గురుం సదా ॥

కవచమ్ –
బృహస్పతిః శిరః పాతు లలాటం పాతు మే గురుః ।
కర్ణౌ సురగురుః పాతు నేత్రే మేఽభీష్టదాయకః ॥ ౧ ॥

నాసాం పాతు సురాచార్యో జిహ్వాం మే వేదపారగః ।
ముఖం మే పాతు సర్వజ్ఞో భుజౌ పాతు శుభప్రదః ॥ ౨ ॥

See Also  Vijnanashataka By Bhartrihari In Telugu

కరౌ వజ్రధరః పాతు వక్షౌ మే పాతు గీష్పతిః ।
స్తనౌ మే పాతు వాగీశః కుక్షిం మే శుభలక్షణః ॥ ౩ ॥

నాభిం పాతు సునీతిజ్ఞః కటిం మే పాతు సర్వదః ।
ఊరూ మే పాతు పుణ్యాత్మా జఙ్ఘే మే జ్ఞానదః ప్రభుః ॥ ౪ ॥

పాదౌ మే పాతు విశ్వాత్మా సర్వాఙ్గం సర్వదా గురుః ।
య ఇదం కవచం దివ్యం త్రిసన్ధ్యాసు పఠేన్నరః ॥ ౫ ॥

సర్వాన్కామానవాప్నోతి సర్వత్ర విజయీ భవేత్ ।
సర్వత్ర పూజ్యో భవతి వాక్పతిశ్చ ప్రసాదతః ॥ ౬ ॥

ఇతి బ్రహ్మవైవర్తపురాణే ఉత్తరఖండే బృహస్పతికవచః ।

– Chant Stotra in Other Languages –

Sri Brihaspati Kavacham in EnglishSanskritKannada – Telugu – Tamil