॥ Sri Chandra Kavacham Kannada Lyrics ॥
॥ ಶ್ರೀ ಚಂದ್ರ ಕವಚಂ ॥
ಅಸ್ಯ ಶ್ರೀಚಂದ್ರಕವಚಸ್ತೋತ್ರ ಮಹಾಮಂತ್ರಸ್ಯ ಗೌತಮ ಋಷಿಃ – ಅನುಷ್ಟುಪ್ ಛಂದಃ – ಸೋಮೋ ದೇವತಾ – ರಂ ಬೀಜಮ್ – ಸಂ ಶಕ್ತಿಃ – ಓಂ ಕೀಲಕಮ್ – ಮಮ ಸೋಮಗ್ರಹಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಕರನ್ಯಾಸಃ ।
ವಾಂ ಅಂಗುಷ್ಠಾಭ್ಯಾಂ ನಮಃ ।
ವೀಂ ತರ್ಜನೀಭ್ಯಾಂ ನಮಃ ।
ವೂಂ ಮಧ್ಯಮಾಭ್ಯಾಂ ನಮಃ ।
ವೈಂ ಅನಾಮಿಕಾಭ್ಯಾಂ ನಮಃ ।
ವೌಂ ಕನಿಷ್ಠಿಕಾಭ್ಯಾಂ ನಮಃ ।
ವಃ ಕರತಲಕರಪೃಷ್ಠಾಭ್ಯಾಂ ನಮಃ ॥
ಅಂಗನ್ಯಾಸಃ ।
ವಾಂ ಹೃದಯಾಯ ನಮಃ ।
ವೀಂ ಶಿರಸೇ ಸ್ವಾಹಾ ।
ವೂಂ ಶಿಖಾಯೈ ವಷಟ್ ।
ವೈಂ ಕವಚಾಯ ಹುಂ ।
ವೌಂ ನೇತ್ರತ್ರಯಾಯ ವೌಷಟ್ ।
ವಃ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ಬಂಧಃ ॥
ಧ್ಯಾನಮ್ –
ಸೋಮಂ ದ್ವಿಭುಜಪದ್ಮಂ ಚ ಶುಕ್ಲಾಮ್ಬರಧರಂ ಶುಭಂ ।
ಶ್ವೇತಗನ್ಧಾನುಲೇಪಂ ಚ ಮುಕ್ತಾಭರಣಭೂಷಣಮ್ ।
ಶ್ವೇತಾಶ್ವರಥಮಾರೂಢಂ ಮೇರುಂ ಚೈವ ಪ್ರದಕ್ಷಿಣಮ್ ।
ಸೋಮಂ ಚತುರ್ಭುಜಂ ದೇವಂ ಕೇಯೂರಮಕುಟೋಜ್ಜ್ವಲಮ್ ।
ವಾಸುದೇವಸ್ಯ ನಯನಂ ಶಂಕರಸ್ಯ ಚ ಭೂಷಣಮ್ ।
ಏವಂ ಧ್ಯಾತ್ವಾ ಜಪೇನ್ನಿತ್ಯಂ ಚನ್ದ್ರಸ್ಯ ಕವಚಂ ಮುದಾ ॥
ಕವಚಂ –
ಶಶೀ ಪಾತು ಶಿರೋದೇಶೇ ಫಾಲಂ ಪಾತು ಕಳಾನಿಧಿಃ ।
ಚಕ್ಷುಷೀ ಚಂದ್ರಮಾಃ ಪಾತು ಶ್ರುತೀ ಪಾತು ಕಳಾತ್ಮಕಃ ॥ ೧ ॥
ಘ್ರಾಣಂ ಪಕ್ಷಕರಃ ಪಾತು ಮುಖಂ ಕುಮುದಬಾಂಧವಃ ।
ಸೋಮಃ ಕರೌ ತು ಮೇ ಪಾತು ಸ್ಕನ್ಧೌ ಪಾತು ಸುಧಾತ್ಮಕಃ ॥ ೨ ॥
ಊರೂ ಮೈತ್ರೀನಿಧಿಃ ಪಾತು ಮಧ್ಯಂ ಪಾತು ನಿಶಾಕರಃ ।
ಕಟಿಂ ಸುಧಾಕರಃ ಪಾತು ಉರಃ ಪಾತು ಶಶಂಧರಃ ॥ ೩ ॥
ಮೃಗಾಙ್ಕೋ ಜಾನುನೀ ಪಾತು ಜಙ್ಘೇ ಪಾತ್ವಮೃತಾಬ್ಧಿಜಃ ।
ಪಾದೌ ಹಿಮಕರಃ ಪಾತು ಪಾತು ಚನ್ದ್ರೋಽಖಿಲಂ ವಪುಃ ॥ ೪ ॥
ಏತದ್ಧಿ ಕವಚಂ ಪುಣ್ಯಂ ಭುಕ್ತಿಮುಕ್ತಿಪ್ರದಾಯಕಮ್ ।
ಯಃ ಪಠೇಚ್ಛೃಣುಯಾದ್ವಾಪಿ ಸರ್ವತ್ರ ವಿಜಯೀ ಭವೇತ್ ॥ ೫ ॥
ಇತಿ ಶ್ರೀಬ್ರಹ್ಮವೈವರ್ತ ಮಹಾಪುರಾಣೇ ದಕ್ಷಿಣಖಂಡೇ ಶ್ರೀಚಂದ್ರಕವಚಃ ।
– Chant Stotra in Other Languages –
Sri Chandra Kavacham in English – Sanskrit – Kannada – Telugu – Tamil