॥ Sri Dakshinamurtyashtakam 2 Odia Lyrics ॥
॥ ଶ୍ରୀଦକ୍ଷିଣାମୂର୍ତ୍ୟଷ୍ଟକମ୍ ୨ ॥
ପାୟୟ ଜନମିମମମୃତଂ ଦୁର୍ଲଭମିତରସ୍ୟ ଲୋକସ୍ୟ ।
ନତଜନପାରନଦୀକ୍ଷିତ ମେଧାଧୀଦକ୍ଷିଣାମୂର୍ତେ ॥ ୧ ॥
ସ୍ତୋତୁଂ ଵା ନେତୁଂ ଵା ଜଡଵିଷୟାସକ୍ତହୃନ୍ନ ଶକ୍ରୋମି ।
ନୈସର୍ଗିକୀ କୁରୁ କୃପାଂ ମୟି ଵଟତଟଵାସ ଦକ୍ଷିଣାମୂର୍ତେ ॥ ୨ ॥
ସ୍ଫୁରତୁ ମମ ହୃଦି ତନୁସ୍ତେ ପୁସ୍ତକମୁଦ୍ରାକ୍ଷମାଲିକାକୁମ୍ଭାନ୍ ।
ଦଧତୀ ଚନ୍ଦ୍ରାର୍ଧଲସଚ୍ଛୀର୍ଷା ଶ୍ରୀଦକ୍ଷିଣାମୂର୍ତେ ॥ ୩ ॥
ସହମାନ ଦକ୍ଷିଣାନନ ସହମାନଵିହୀନମତ୍କମନ୍ତୁତତୀଃ ।
ସହମାନତ୍ଵଂ ତ୍ୟଜ ଵା ୟୁକ୍ତଂ କୁର୍ଵତ୍ର ୟଦ୍ଵିଭାତି ତଵ ॥ ୪ ॥
ମେଧାପ୍ରଜ୍ଞେ ଜନ୍ମମୂକୋଽପି ଲୋକଃ ପ୍ରାପ୍ନୋତ୍ୟଙ୍ଘ୍ରିଂ ପୂଜୟନ୍ୟସ୍ୟ ଲୋକେ ।
ତଂ ପାଦାମ୍ଭୋଜାତନମ୍ରାମରାଲିଂ ମେଧାପ୍ରଜ୍ଞାଦକ୍ଷିଣାମୂର୍ତିମୀଡେ ॥ ୫ ॥
ଗଙ୍ଗାନିର୍ଝରିଣୀ ହିମାଦ୍ରିକୁହରାଦ୍ୟଦ୍ଵତ୍ସୁଧାଂଶୋଃ ପ୍ରଭା
ନିର୍ଗଚ୍ଛତ୍ୟତିଵେଗତଃ କମପି ଚ ତ୍ୟକ୍ତ୍ଵା ପ୍ରୟତ୍ନଂ ମୁହୁଃ ।
ତଦ୍ଵଦ୍ୟତ୍ପଦଭକ୍ତଵକ୍ତ୍ରକୁହରାଦ୍ଵାଣୀ ଜଵାନ୍ନିସରେତ୍
ତଂ ଵନ୍ଦେ ମୁନିଵୃନ୍ଦଵନ୍ଦ୍ୟଚରଣଂ ଶ୍ରୀଦକ୍ଷିଣାସ୍ୟଂ ମୁଦା ॥ ୬ ॥
ଅପ୍ପିତ୍ତାର୍କଶଶାଙ୍କନେତ୍ରମଗଜାସଂଲିଙ୍ଗିତାଙ୍ଗଂ କୃପା-
ଵାରାଶିଂ ଵିଧିଵିଷ୍ଣୁମୁଖ୍ୟଦିଵିଜୈଃ ସଂସେଵିତାଙ୍ଘ୍ରିଂ ମୁଦା ।
ନନ୍ଦୀଶପ୍ରମୁଖୈର୍ଗଣୈଃ ପରିଵୃତଂ ନାଗାସ୍ୟଷଡ୍ଵକ୍ତ୍ରୟୁ-
କ୍ପାର୍ଶ୍ଵଂ ନୀଲଗଲଂ ନମାମି ଵଟଭୂରୁଣ୍ମୂଲଵାସଂ ଶିଵମ୍ ॥ ୭ ॥
ଶୀତାଂଶୁପ୍ରତିମାନକାନ୍ତିଵପୁଷଂ ପୀତାମ୍ବୁରାଶ୍ୟାଦିଭି-
ର୍ମୌନୀନ୍ଦ୍ରୈଃ ପରିଚିନ୍ତ୍ୟମାନମନିଶଂ ମୋଦାଦ୍ଧୃଦମ୍ଭୋରୁହେ ।
ଶାନ୍ତାନଙ୍ଗକଟାକ୍ଷିଭାସିନିଟିଲଂ କାନ୍ତାର୍ଧକାୟଂ ଵିଭୁଂ
ଵନ୍ଦେ ଚିତ୍ରଚରିତ୍ରମିନ୍ଦୁମୁକୁଟଂ ନ୍ୟଗ୍ରୋଧମୂଲାଶ୍ରୟମ୍ ॥ ୮ ॥
ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଶ୍ରୀଦକ୍ଷିଣାମୂର୍ତ୍ୟଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Lord Shiva Slokam » Sri Dakshinamurti Ashtakam 2 Lyrics in Sanskrit » English » Bengali » Gujarati » Kannada » Malayalam » Telugu » Tamil