॥ Sri Dayananda Mangalashtakam Kannada Lyrics ॥
॥ ಶ್ರೀದಯಾನನ್ದಮಂಗಲಾಷ್ಟಕಮ್ ॥
ಓಂ
ಶ್ರೀರಾಮಜಯಮ್ ।
ಓಂ ಸದ್ಗುರುಶ್ರೀತ್ಯಾಗರಾಜಸ್ವಾಮಿನೇ ನಮೋ ನಮಃ ।
ಅಥ ಶ್ರೀದಯಾನನ್ದಮಂಗಲಾಷ್ಟಕಮ್ ।
ಶತಕುಮ್ಭಹೃದಬ್ಜಾಯ ಶತಾಯುರ್ಮಂಗಲಾಯ ಚ ।
ಶತಾಭಿಷೇಕವನ್ದ್ಯಾಯ ದಯಾನನ್ದಾಯ ಮಂಗಲಮ್ ॥ 1 ॥
ಸಹಸ್ರಾಬ್ಜಸುದರ್ಶಾಯ ಸಹಸ್ರಾಯುತಕೀರ್ತಯೇ ।
ಸಹಜಸ್ಮೇರವಕ್ತ್ರಾಯ ದಯಾನನ್ದಾಯ ಮಂಗಲಮ್ ॥ 2 ॥
ಗಂಗಾದರ್ಶನಪುಣ್ಯಾಯ ಗಂಗಾಸ್ನಾನಫಲಾಯ ಚ ।
ಗಂಗಾತೀರಾಶ್ರಮಾವಾಸದಯಾನನ್ದಾಯ ಮಂಗಲಮ್ ॥ 3 ॥
ವೇದೋಪನಿಷದಾಗುಪ್ತನಿತ್ಯವಸ್ತುಪ್ರಕಾಶಿನೇ ।
ವೇದಾನ್ತಸತ್ಯತತ್ತ್ವಜ್ಞದಯಾನನ್ದಾಯ ಮಂಗಲಮ್ ॥ 4 ॥
ಶುದ್ಧಜ್ಞಾನಪ್ರಕಾಶಾಯ ಶುದ್ಧಾನ್ತರಂಗಸಾಧವೇ ।
ಶುದ್ಧಸತ್ತತ್ತ್ವಬೋಧಾಯ ದಯಾನನ್ದಾಯ ಮಂಗಲಮ್ ॥ 5 ॥
ದಮಾದಿಶಮರೂಪಾಯ ಯಾನನ್ದವಾಕ್ಪ್ರಬೋಧಿನೇ ।
ಸ್ವಾಮಿನೇ ಸತ್ತ್ವಬೋಧಾಯ ಯಥಾನಾಮ್ನೇ ಸುಮಂಗಲಮ್ ॥ 6 ॥
ಅಕ್ಷರಾಗುಪ್ತಸದ್ವಾಣೀಪೂರ್ಣಪ್ರಸಾದವಾಗ್ಮಿನೇ ।
ಅಕ್ಷರಶ್ಲೋಕಮಾಲಾಯ ದಯಾನನ್ದಾಯ ಮಂಗಲಮ್ ॥ 7 ॥
ತ್ಯಾಗಬ್ರಹ್ಮಗುರುಸ್ವಾಮಿಶಿಷ್ಯಾಪುಷ್ಪಾಸುಗೀತಯೇ ।
ದಯಾನನ್ದಸುಪೂರ್ಣಾಯ ಪೂರ್ಣಾಯುಷೇ ಸುಮಂಗಲಮ್ ॥ 8 ॥
ಇತಿ ಸದ್ಗುರುಶ್ರೀತ್ಯಾಗರಾಜಸ್ವಾಮಿನಃ ಶಿಷ್ಯಯಾ ಭಕ್ತಯಾ ಪುಷ್ಪಯಾ ಕೃತಂ
ಶ್ರೀದಯಾನನ್ದಮಂಗಲಾಷ್ಟಕಂ ಗುರೌ ಸಮರ್ಪಿತಮ್ ।
ಓಂ ಶುಭಮಸ್ತು ।
– Chant Stotra in Other Languages –
Sri Dayananda Mangalashtakam Lyrics in Sanskrit » English » Bengali » Gujarati » Malayalam » Odia » Telugu » Tamil