॥ Sri Devarajashtakam Odia Lyrics ॥
॥ ଶ୍ରୀଦେଵରାଜାଷ୍ଟକମ୍ ॥
ଦେଵରାଜାଷ୍ଟକମ୍
(କାଞ୍ଚ୍ୟାଂ ଵରଦରାଜ କ୍ଷେତ୍ରେ)
ନମସ୍ତେ ହସ୍ତିଶୈଲେଶ ଶ୍ରୀମନ୍ନମ୍ବୁଜଲୋଚନ ।
ଶରଣଂ ତ୍ଵାଂ ପ୍ରପନ୍ନୋଽସ୍ମି ପ୍ରଣତାର୍ତିହରାଚ୍ୟୁତ ॥ ୧॥
ସମସ୍ତପ୍ରାଣିସନ୍ତ୍ରାଣପ୍ରଵୀଣକରୁଣୋଲ୍ବଣାଃ ।
ଵିଲସନ୍ତୁ କଟାକ୍ଷାସ୍ତେ ମୟ୍ୟସ୍ମିନ୍ ଜଗତାଂ ପତେ ॥ ୨॥
ନିନ୍ଦିତାଚାରକରଣଂ ନିଵୃତ୍ତଂ କୃତ୍ୟକର୍ମଣଃ ।
ପାପୀୟାଂସମମର୍ୟାଦଂ ପାହି ମାଂ ଵରଦ ପ୍ରଭୋ ॥ ୩॥
ସଂସାରମରୁକାନ୍ତାରେ ଦୁର୍ଵ୍ୟାଧିଵ୍ୟାଘ୍ରଭୀଷିଣେ ।
ଵିଷୟକ୍ଷୁଦ୍ରଗୁଲ୍ମାଢ୍ୟେ ତୃଷାପାଦପଶାଲିନି ॥ ୪॥
ପୁତ୍ରଦାରଗୃହକ୍ଷେତ୍ରମୃଗତୃଷ୍ଣାମ୍ବୁପୁଷ୍କଲେ ।
କୃତ୍ୟାକୃତ୍ୟଵିଵେକାନ୍ଧଂ ପରିଭ୍ରାନ୍ତମିତସ୍ତତଃ ॥ ୫॥
ଅଜସ୍ରଂ ଜାତତୃଷ୍ଣାର୍ତମଵସନ୍ନାଙ୍ଗମକ୍ଷମମ୍ ।
କ୍ଷୀଣଶକ୍ତିବଲାରୋଗ୍ୟଂ କେଵଲଂ କ୍ଲେଶସଂଶ୍ରୟମ୍ ॥ ୬॥
ସନ୍ତପ୍ତଂ ଵିଵିଧୈର୍ଦୁଃଖୈର୍ଦୁର୍ଵଚୈରେଵମାଦିଭିଃ ।
ଦେଵରାଜ ଦୟାସିନ୍ଧୋ ଦେଵଦେଵ ଜଗତ୍ପତେ ॥ ୭॥
ତ୍ଵଦୀକ୍ଷଣସୁଧାସିନ୍ଧୁଵୀଚିଵିକ୍ଷେପଶୀକରୈଃ ।
କାରୁଣ୍ୟମାରୁତାନୀତୈଶ୍ଶୀତଲୈରଭିଷିଞ୍ଚ ମାମ୍ ॥ ୮॥
ଇତି ଶ୍ରୀକାଞ୍ଚୀପୂର୍ଣଵିରଚିତଂ ଦେଵରାଜାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Slokam » Sri Devarajashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil