॥ Sri Dhanvantari Ashtottara Shatanama Stotram Odia Lyrics ॥
॥ ଶ୍ରୀଧନ୍ଵନ୍ତର୍ୟଷ୍ଟୋତ୍ତରଶତନାମସ୍ତୋତ୍ରମ୍ ॥
ଧନ୍ଵନ୍ତରିଃ ସୁଧାପୂର୍ଣକଲଶଢ୍ୟକରୋ ହରିଃ ।
ଜରାମୃତିତ୍ରସ୍ତଦେଵପ୍ରାର୍ଥନାସାଧକଃ ପ୍ରଭୁଃ ॥ ୧ ॥
ନିର୍ଵିକଲ୍ପୋ ନିସ୍ସମାନୋ ମନ୍ଦସ୍ମିତମୁଖାମ୍ବୁଜଃ ।
ଆଞ୍ଜନେୟପ୍ରାପିତାଦ୍ରିଃ ପାର୍ଶ୍ଵସ୍ଥଵିନତାସୁତଃ ॥ ୨ ॥
ନିମଗ୍ନମନ୍ଦରଧରଃ କୂର୍ମରୂପୀ ବୃହତ୍ତନୁଃ ।
ନୀଲକୁଞ୍ଚିତକେଶାନ୍ତଃ ପରମାଦ୍ଭୁତରୂପଧୃତ୍ ॥ ୩ ॥
କଟାକ୍ଷଵୀକ୍ଷଣାଶ୍ଵସ୍ତଵାସୁକିଃ ସିଂହଵିକ୍ରମଃ ।
ସ୍ମର୍ତୃହୃଦ୍ରୋଗହରଣୋ ମହାଵିଷ୍ଣ୍ଵଂଶସମ୍ଭଵଃ ॥ ୪ ॥
ପ୍ରେକ୍ଷଣୀୟୋତ୍ପଲଶ୍ୟାମ ଆୟୁର୍ଵେଦାଧିଦୈଵତମ୍ ।
ଭେଷଜଗ୍ରହଣାନେହସ୍ସ୍ମରଣୀୟପଦାମ୍ବୁଜଃ ॥ ୫ ॥
ନଵୟୌଵନସମ୍ପନ୍ନଃ କିରୀଟାନ୍ଵିତମସ୍ତକଃ ।
ନକ୍ରକୁଣ୍ଡଲସଂଶୋଭିଶ୍ରଵଣଦ୍ଵୟଶଷ୍କୁଲିଃ ॥ ୬ ॥
ଦୀର୍ଘପୀଵରଦୋର୍ଦଣ୍ଡଃ କମ୍ବୁଗ୍ରୀଵୋଽମ୍ବୁଜେକ୍ଷଣଃ ।
ଚତୁର୍ଭୁଜଃ ଶଙ୍ଖଧରଶ୍ଚକ୍ରହସ୍ତୋ ଵରପ୍ରଦଃ ॥ ୭ ॥
ସୁଧାପାତ୍ରୋପରିଲସଦାମ୍ରପତ୍ରଲସତ୍କରଃ ।
ଶତପଦ୍ୟାଢ୍ୟହସ୍ତଶ୍ଚ କସ୍ତୂରୀତିଲକାଞ୍ଚିତଃ ॥ ୮ ॥
ସୁକପୋଲସ୍ସୁନାସଶ୍ଚ ସୁନ୍ଦରଭ୍ରୂଲତାଞ୍ଚିତଃ ।
ସ୍ଵଙ୍ଗୁଲୀତଲଶୋଭାଢ୍ୟୋ ଗୂଢଜତ୍ରୁର୍ମହାହନୁଃ ॥ ୯ ॥
ଦିଵ୍ୟାଙ୍ଗଦଲସଦ୍ବାହୁଃ କେୟୂରପରିଶୋଭିତଃ ।
ଵିଚିତ୍ରରତ୍ନଖଚିତଵଲୟଦ୍ଵୟଶୋଭିତଃ ॥ ୧୦ ॥
ସମୋଲ୍ଲସତ୍ସୁଜାତାଂସଶ୍ଚାଙ୍ଗୁଲୀୟଵିଭୂଷିତଃ ।
ସୁଧାଘନ୍ଧରସାସ୍ଵାଦମିଲଦ୍ଭୃଙ୍ଗମନୋହରଃ ॥ ୧୧ ॥
ଲକ୍ଷ୍ମୀସମର୍ପିତୋତ୍ଫୁଲ୍ଲକଞ୍ଜମାଲାଲସଦ୍ଗଲଃ ।
ଲକ୍ଷ୍ମୀଶୋଭିତଵକ୍ଷସ୍କୋ ଵନମାଲାଵିରାଜିତଃ ॥ ୧୨ ॥
ନଵରତ୍ନମଣୀକ୍ଲୃପ୍ତହାରଶୋଭିତକନ୍ଧରଃ ।
ହୀରନକ୍ଷତ୍ରମାଲାଦିଶୋଭାରଞ୍ଜିତଦିଙ୍ମୁଖଃ ॥ ୧୩ ॥
ଵିରଜୋଽମ୍ବରସଂଵୀତୋ ଵିଶାଲୋରାଃ ପୃଥୁଶ୍ରଵାଃ ।
ନିମ୍ନନାଭିଃ ସୂକ୍ଷ୍ମମଧ୍ୟଃ ସ୍ଥୂଲଜଙ୍ଘୋ ନିରଞ୍ଜନଃ ॥ ୧୪ ॥
ସୁଲକ୍ଷଣପଦାଙ୍ଗୁଷ୍ଠଃ ସର୍ଵସାମୁଦ୍ରିକାନ୍ଵିତଃ ।
ଅଲକ୍ତକାରକ୍ତପାଦୋ ମୂର୍ତିମଦ୍ଵାଧିପୂଜିତଃ ॥ ୧୫ ॥
ସୁଧାର୍ଥାନ୍ୟୋନ୍ୟସଂୟୁଧ୍ୟଦ୍ଦେଵଦୈତେୟସାନ୍ତ୍ଵନଃ ।
କୋଟିମନ୍ମଥସଙ୍କାଶଃ ସର୍ଵାଵୟଵସୁନ୍ଦରଃ ॥ ୧୬ ॥
ଅମୃତାସ୍ଵାଦନୋଦ୍ୟୁକ୍ତଦେଵସଙ୍ଘପରିଷ୍ଟୁତଃ ।
ପୁଷ୍ପଵର୍ଷଣସଂୟୁକ୍ତଗନ୍ଧର୍ଵକୁଲସେଵିତଃ ॥ ୧୭ ॥
ଶଙ୍ଖତୂର୍ୟମୃଦଙ୍ଗାଦିସୁଵାଦିତ୍ରାପ୍ସରୋଵୃତଃ ।
ଵିଷ୍ଵକ୍ସେନାଦିୟୁକ୍ପାର୍ଶ୍ଵଃ ସନକାଦିମୁନିସ୍ତୁତଃ ॥ ୧୮ ॥
ସାଶ୍ଚର୍ୟସସ୍ମିତଚତୁର୍ମୁଖନେତ୍ରସମୀକ୍ଷିତଃ ।
ସାଶଙ୍କସମ୍ଭ୍ରମଦିତିଦନୁଵଂଶ୍ୟସମୀଡିତଃ ॥ ୧୯ ॥
ନମନୋନ୍ମୁଖଦେଵାଦିମୌଲୀରତ୍ନଲସତ୍ପଦଃ ।
ଦିଵ୍ୟତେଜଃପୁଞ୍ଜରୂପଃ ସର୍ଵଦେଵହିତୋତ୍ସୁକଃ ॥ ୨୦ ॥
ସ୍ଵନିର୍ଗମକ୍ଷୁବ୍ଧଦୁଗ୍ଧଵାରାଶିର୍ଦୁନ୍ଦୁଭିସ୍ଵନଃ ।
ଗନ୍ଧର୍ଵଗୀତାପଦାନଶ୍ରଵଣୋତ୍କମହାମନାଃ ॥ ୨୧ ॥
ନିଷ୍କିଞ୍ଚନଜନପ୍ରୀତୋ ଭଵସମ୍ପ୍ରାପ୍ତରୋଗହୃତ୍ ।
ଅନ୍ତର୍ହିତସୁଧାପାତ୍ରୋ ମହାତ୍ମା ମାୟିକାଗ୍ରଣୀଃ ॥ ୨୨ ॥
କ୍ଷଣାର୍ଧମୋହିନୀରୂପଃ ସର୍ଵସ୍ତ୍ରୀଶୁଭଲକ୍ଷଣଃ ।
ମଦମତ୍ତେଭଗମନଃ ସର୍ଵଲୋକଵିମୋହନଃ ॥ ୨୩ ॥
ସ୍ରଂସନ୍ନୀଵୀଗ୍ରନ୍ଥିବନ୍ଧାସକ୍ତଦିଵ୍ୟକରାଙ୍ଗୁଲିଃ ।
ରତ୍ନଦର୍ଵୀଲସଦ୍ଧସ୍ତୋ ଦେଵଦୈତ୍ୟଵିଭାଗକୃତ୍ ॥ ୨୪ ॥
ସଙ୍ଖ୍ୟାତଦେଵତାନ୍ୟାସୋ ଦୈତ୍ୟଦାନଵଵଞ୍ଚକଃ ।
ଦେଵାମୃତପ୍ରଦାତା ଚ ପରିଵେଷଣହୃଷ୍ଟଧୀଃ ॥ ୨୫ ॥
ଉନ୍ମୁଖୋନ୍ମୁଖଦୈତ୍ୟେନ୍ଦ୍ରଦନ୍ତପଙ୍କିତଵିଭାଜକଃ ।
ପୁଷ୍ପଵତ୍ସୁଵିନିର୍ଦିଷ୍ଟରାହୁରକ୍ଷଃଶିରୋହରଃ ॥ ୨୬ ॥
ରାହୁକେତୁଗ୍ରହସ୍ଥାନପଶ୍ଚାଦ୍ଗତିଵିଧାୟକଃ ।
ଅମୃତାଲାଭନିର୍ଵିଣ୍ଣୟୁଧ୍ୟଦ୍ଦେଵାରିସୂଦନଃ ॥ ୨୭ ॥
ଗରୁତ୍ମଦ୍ଵାହନାରୂଢଃ ସର୍ଵେଶସ୍ତୋତ୍ରସଂୟୁତଃ ।
ସ୍ଵସ୍ଵାଧିକାରସନ୍ତୁଷ୍ଟଶକ୍ରଵହ୍ନ୍ୟାଦିପୂଜିତଃ ॥ ୨୮ ॥
ମୋହିନୀଦର୍ଶନାୟାତସ୍ଥାଣୁଚିତ୍ତଵିମୋହକଃ ।
ଶଚୀସ୍ଵାହାଦିଦିକ୍ପାଲପତ୍ନୀମଣ୍ଡଲସନ୍ନୁତଃ ॥ ୨୯ ॥
ଵେଦାନ୍ତଵେଦ୍ୟମହିମା ସର୍ଵଲୌକୈକରକ୍ଷକଃ ।
ରାଜରାଜପ୍ରପୂଜ୍ୟାଙ୍ଘ୍ରିଃ ଚିନ୍ତିତାର୍ଥପ୍ରଦାୟକଃ ॥ ୩୦ ॥
ଧନ୍ଵନ୍ତରେର୍ଭଗଵତୋ ନାମ୍ନାମଷ୍ଟୋତ୍ତରଂ ଶତମ୍ ।
ୟଃ ପଠେତ୍ସତତଂ ଭକ୍ତ୍ୟା ନୀରୋଗସ୍ସୁଖଭାଗ୍ଭଵେତ୍ ॥ ୩୧ ॥
ଇତି ବୃହଦ୍ବ୍ରହ୍ମାନନ୍ଦୋପନିଷଦାନ୍ତର୍ଗତଂ
ଶ୍ରୀଧନ୍ଵନ୍ତର୍ୟଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Dhanvantarya Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil